ماذ تفعل بعد نهايه الاختبارات والعطله الصيفيه

[صقر الشمال]

السلام عليكم ورحمه الله وبركااته
مسائكم - صباحكم
جميعا
الموضوع واضح من البدايه ومن العنوان
الله يستر شكلو بحذف بس مو مشكله
الحمدالله خلصنا من الاختبارات ومن وجع الراس راحت بخيرها وشرها الناجح نقول له مبروك والذي تعثر نقول خيرها بغيرها
ياجماعه الخير كل مادخلت القسم الا بوجهي ياواحد يصارخ ع درجه او راسب وووالخ00
ماذ تعمل بعد نهايه الاختبارات خلصنا منها وشو برنامجك
هل بتجمع الكتب حسب الخطه للمستوي اللي بعدو وتعد العده من الان
اومو فاضي ولا تحب تشوف الكتب قدام عينك, او بتكون في راحه تامه وسفر ع قولتهم نقاهه
او كل يوم ونت منسدح بهذا القسم وش صار من جديد
اعطوني رايكم ونصائحكم نستفيد منها00 خلونا نغير جو بليز مليت من المواد وجع الراس,
تشكراتي

[ميمي2008]

صقر الشمال ليش ما راح تاخذ ترم صيفي؟؟؟؟

ولا بتفل بالإجازه

[صقر الشمال]

المشاركة الأصلية كتبت بواسطة ميمي2008 صقر الشمال ليش ما راح تاخذ ترم صيفي؟؟؟؟ ولا بتفل بالإجازه

بالنسبه لي انا بهاجر----------- هذا موسم
مهاجره الصقور

[ميمي2008]

حلوووووه تهاجر

[بـــــدر]

اما أعد العدة من الان
بعد رمضان ان شاء الله يصير خير
أغلب الوقت بالبيت يا اقرأ اي شيء او على النت او اشوف افلام

الإجازة يبي لها مصاريف وخاصة للسكن اذا انا لسى بجدة وبدأت الأسعار تطير
وزحمة بشكل مو طبيعي

تقدير

[لماذا اسلم للبحر امري؟]

ياليت انه في ترم صيفي للبنات ع الاقل نزلت لي 3 مواد طبعآ اذا عندي اعفاء راح انزلهم

بس ادفع 3 الاف على 3 مواد .. قويه شوي


اتمنى الاقي وظيفه صيفيه الي الآن مالقيت ^_^

دائمآ الصيف يروح مانحس فيه .. بس احلى شي جمعه الاهل والوناسه اتوقع حتى لو يمديني ادرس صيفي ماراح اوافق .. لأنه ضروري الواحد يرتاح من تعب الدراسه شوي



مشكور صقر الشمال على تفاعلك ماشاءالله عليك

[أغدا ألقاكــ]

انا اتسيح بالبيت ما اروح لا هنا ولا هناك

وعندي اجازه لين بداية شعبان وببدأ استعد للصيفي


واحنا ايش عندنا غير المذاكره يازينها

تحايتي على الموضوع الوناسه هذا

[صقر الشمال]

المشاركة الأصلية كتبت بواسطة بـــــدر اما أعد العدة من الان بعد رمضان ان شاء الله يصير خير أغلب الوقت بالبيت يا اقرأ اي شيء او على النت او اشوف افلام الإجازة يبي لها مصاريف وخاصة للسكن اذا انا لسى بجدة وبدأت الأسعار تطير وزحمة بشكل مو طبيعي تقدير

الله يكتب لنا ولكم الشهر الفضيل يارب ونكون من الصائمين لهذا الشهر الفضيل يارب
اما بالنسبه الاسعار صحيح هذا موسمهم وقت رفع الاسعار وياليت يكون في رقابه شديده خص ع الاسعار0

[صدى الصوت]

ياليـــــــت لو بيدي أخذ صيفي
كان عالأقــل خذيت 3 مواد اطق طق عليهن بالصيف
<<<< اللي بسويه بالصيف الف سمبوسه عشان الرمضان واطلع ابداعاتي بالطبخ

[صقر الشمال]

المشاركة الأصلية كتبت بواسطة لماذا اسلم للبحر امري؟ ياليت انه في ترم صيفي للبنات ع الاقل نزلت لي 3 مواد طبعآ اذا عندي اعفاء راح انزلهم بس ادفع 3 الاف على 3 مواد .. قويه شوي اتمنى الاقي وظيفه صيفيه الي الآن مالقيت ^_^ دائمآ الصيف يروح مانحس فيه .. بس احلى شي جمعه الاهل والوناسه اتوقع حتى لو يمديني ادرس صيفي ماراح اوافق .. لأنه ضروري الواحد يرتاح من تعب الدراسه شوي مشكور صقر الشمال على تفاعلك ماشاءالله عليك

الله يكتب لكم الخير لابد ان صوتكم ياصل الي الجهه المعنيه بذلك
ولابد من المطالبه كلنا طلاب وطالبات وش الفرق بينا وبينكم
لاكن نظام مدري وشفيه0000
لاشكر ع واجب