ساعدوني .. ترم صيفي ( انتاج )

[mo7a18]

السلام عليكم ..

شباب انا الترم اللي راح اتخصصت هندسة ميكانيكا انتاج ..
وما كان في وقت اضيف مواد من تخصصي .. وان شاء الله في الترم الصيفي ..
باخذ مادتين , وانا لحد الان ما اخذت ولا مادة من تخصصي لاني زي ما قلتكم قريب اتخصصت ..
وايش تنصحوني اخذ مواد من الهندسة الانتاج .. لاني ما عندي اي معلومة للمواد اللي عندي
وياليت تقلولي درجة الصعوبة للمادة ؟؟
وهل فيها كرف في الصيف ؟؟

وموفقين ان شاء الله

[صياد النسور]

خذ مواد عادية
مو شرط مواد تخصصك
بتاخذها بتاخذها
ماراح تطير المواد المطلوبة

[mo7a18]

مشكور اخوي صياد النسور على التجاوب ..
بس انا مغلق اغلبية المواد العامة عشان كذا ابغى مواد من تخصصي وتكون سهله

[Muaath]

بالتـوفيـق عـزيزي في قسـم الإنتـــاج

وأكـيد خطـة الإنتـاج نـزلت لك في الأوديوس ... وهـذا ترتـيب بسيـط لهـا:

Ce 201(ستاتيك) >> meng 270(ميكانيكس) >> meng310(ديزاين1) >> meng410(ديزاين2) >> MENG499(مشروع التخرج)

سلم المواد هذي هو أساس التخصص .. لازم تشد حيلك فيه .. وركز على الفهم أكثر من الدرجات

CE 201 (ستاتيك) >> MENG262 (ديناميك) >> MENG364 (مشـين)>> MENG270(فابريشن)

وحتى المواد هذي مهمة لكن ليست بأهمية اللـي قبلـها

MENG102(رسم1) >> MENG204 (رسم2)
.......................>> MENG130 (ورش)

رسم2 .. أنصحك إنك ما تهمل فيها أبـد وتاخذها بمحمل الجد .. لأنك حتتخرج مهندس إنتاج و(مصمم) نظم ميكانيكية .. يعني برنامج الأوتوكاد لازم تكون متمكن منه

MENG130(ورش) >> MENG332(مصانع1) >> MENG434(مصانع2) >> MENG452(شب لودينغ)

هـذي المواد عسـل ... ممتعـة بالذات المصانع إذا أخذتها مع د/أبو خشبة
.................................................. .............

فإذا ما أخـذت الإستاتيك ... فالأفضـل إنـك تنـزلهـا في الصـيف

الميكانيكس نـزلت هذا التـرم في الصـيف .. بس نصيحة لك .. لا تاخذهـا إلا في ترم عادي لأن المـادة هي أساس التخصص ومنهجها 10 شباتر ... يعني لو ما فهمتها بتتعــب في التخصص مستقبـلاُ

لكن حـاول تنزل ماث في الصيف << المواد اللي بتشغلك في الترم العادي

كمان حاول تنزل مادة من مواد الحرارية ... MEP261(ثيرمو) أو MEP290(فلويد)

عنـدك الورش .. حلوة لو تنزلها صيفي .. مادة ممتعـة .. أحضر المعامل كلها والمحاضرات كمان .. وتضمن إن شـاء الله إنك تاخذ 100 فيها

بالتــوفيق عـزيزي

[mo7a18]

يعطيك الف الف عافية اخوي Muaath..
ما قصرت والله ..
وموفق ان شاء الله ..

[Muaath]

يعــافيك يالغــالي .. ماسـوينــا إلا الواجـب :)