نسبة الثانوية مقارنة بنسبة السنة التحضيرية .

[GnrlKhalid]

طيب يا شباب (و شابات) أنا كان عندي سؤال من زمان أبغا إجابته .
كم الفرق بين نسبتك/نسبتكي في الثانوية و السنة التحضيرية بناءً على الدرجات إلي نزلت إلى حد الآن .
رجاءً مع إحترامي الشديد , إلي درس/درست الثانوي في مدرسة خاصة/أهلية لا يشارك/تشارك في المقارنة .
سارعوا بالتصويت !!!!

[mo3tz_bam]

اممممم بالنسبة ليا انا
مرااا فرق بين الثنوي و دحين
و ماكنت في مدرسة اهلية
كنت في مدرسة حكومية نظام المقررات

بس لو انتا من النوع اللي يذاكر اول بأول
محا تلاقي فرق ان شاء الله
اما لو زيي ماتعرف تذاكر الا قبل الاختبار بيوم ولا يومين
مراا لازم تغير من نفسك لانو الجامعة مراا غير عن الثنوي

و ان شاء الله ربي يسهلك في الجامعة و تدخل التخصص اللي تبغاه
شكلك انتا لسى ثنوي
مراا لا تشيل هم الجامعة دحين و انبسط في اجازتك
خلي قلق الجامعة بعدين

[Doux Rash]

وإشبها المدارس الخاصة ؟
يعني مثلن بتوزع درجات للطلاب بـ كريك ؟
مرررا غلط ترا تفكيرك ، أنا دارس في مدرسة خاصة ونسبتي في الجامعة نوعا ما أحسن من الثانوية !
أو انو الجهد الي كنت أبذلو في الثانوية أكتر من الي أبذلوا في الجامعة ..
وهادا كلو بسبب انو في المدرسة والحمدلله اتعلمت مزبوط فمالقيت صعوبة !
سو راجع تفكيرك لأنو من جد غلط ><

[ُزمرد]

عن نفسي الفرق زي ماهوآ ..
لكن الجهد اتضاعف اضعاف مضاعفه عشآن احافظ على نفس المستوى ><
الله يسهل عليا يارب^^

[آحم p:]

المشاركة الأصلية كتبت بواسطة doux rash وإشبها المدارس الخاصة ؟ يعني مثلن بتوزع درجات للطلاب بـ كريك ؟ مرررا غلط ترا تفكيرك ، أنا دارس في مدرسة خاصة ونسبتي في الجامعة نوعا ما أحسن من الثانوية ! أو انو الجهد الي كنت أبذلو في الثانوية أكتر من الي أبذلوا في الجامعة .. وهادا كلو بسبب انو في المدرسة والحمدلله اتعلمت مزبوط فمالقيت صعوبة ! سو راجع تفكيرك لأنو من جد غلط ><

+1
..................

[mo3tz_bam]

المشاركة الأصلية كتبت بواسطة doux rash وإشبها المدارس الخاصة ؟ يعني مثلن بتوزع درجات للطلاب بـ كريك ؟ مرررا غلط ترا تفكيرك ، أنا دارس في مدرسة خاصة ونسبتي في الجامعة نوعا ما أحسن من الثانوية ! أو انو الجهد الي كنت أبذلو في الثانوية أكتر من الي أبذلوا في الجامعة .. وهادا كلو بسبب انو في المدرسة والحمدلله اتعلمت مزبوط فمالقيت صعوبة ! سو راجع تفكيرك لأنو من جد غلط ><

ايوا هوا تفكيرو غلط عشان عمم
في مدارس اهلية كثييرة معروفة ماعندها اللعب في الدرجات
و اذا على انهم يزودو درجات و يساعدو الطلاب و كدا
حتى في مدارس حكومية نفس الشي

[ُزمرد]

عفواً يا جماعة في سوء تفاهم

هذا شيء معروف ومتدآول بين الناس ان المدارس الاهلية تنجح الشخص ب فلوسه

لكن طبعاً مو كل المدارس مآشيه على نفس النظام دا ..
في مدارس كبيرة ومشهورة هذي فيهآ كرف صح >< وتبغى الطالب يكون مثالي خخخ يعني الواحد يخرج منها فاهم وواعي ودافور d:
ويكونو اغلبها ماشاء الله شطار عشآن المدرسة متكاملة .. موفرين لهم نخبة الاساتذه والوسائل التعليمية إلخ ..
فما عليهآ كلام المدارس دي ^^

وطبعاً في مدارس تعطي درجات عالطاير وتبيع اسئلة الاختبار .. وماحد ينكر دا الشيء

ف كاتب الموضوع كان يقصد تحديداً اللي درسوا ف مدارس ونجحو مو بـمجهودهم .. واكيد مو قصده على كل المدارس الاهلية

موفقين ..

[إبداع آخر]

نسبتي أعلى من نسبة التحضيري ( المتوقعة ) بكثيييييير

لكن المعدل التراكمي تقريبا نفس التحضيري

[نجودي92]

تم التصويت

طبعاً باعتبار نسبة الثانوي لوحدها مقابل النسبة الموزونة للتحضيري

[Beeshoob]

بس دقيقه ايش تبي من ورا دا السؤال

يعني حاولت استوعب << بس دوبي صاحيه ما قدرت