عبد العزيز ... ام ... ابن سينا

[shahoooda]

انا نفسي ادخل طب اسنان او طب بشري او اي كلية طبية ... وانا نسبتي كانت جدا حلوة .. بس للاسف مادة الكيمياء نسفت نسبتي الموزونة :.. وانا خااااايفة من التسكين .. خايفة لا قدر الله يحطوني في شي انا ما احبو وما انجح فيلو ...وانا ما ادري ايش اعمل .. والله ما يمر يووم الا وانا ابكي فيلو وادعي من قلبي ... وكنت بفكر اسحب واعيد السنة التحضيرية من جديد .. لكن والدتي ما وافقت لانها معارضة فكرة انو تضيع سنة من حياتي ... فانا بفكر ادخل ( ابن سينا ) لانهم كما سمعت انهم ممكن يعادلولي المواد ... بس انا خايفة لانو اول شي سمعت انو شهادتها مهي معتمدة .. وتاني شي ممكن اعرف ازا ممكن اقدم على منحة داخلية عشان ادخلها وازا ينفع من فين اقدم على منحة داخلية ؟؟؟ مررررررررررة مهم بلييييز جاوبوني

[الدكتور المحتار]

حجاوبك في جانب المنحه

المنحه يا اختي
هيا عن طريق التعليم العالي على ما اعتقد

ثانيا يشترط عليكي دفع قيمة الترم الاول الى ان تاتيك الموافقه على المنحه
بعد ما تجيكي الموافقه يرجعولك الفلوس
ثانيا
في شرووط المنحه الدااخليه
انو معدلك ما ينزل عن 3.75 لكي تتكفل الدوله برسوم الكليه

اما في حاله نزولها عن المعدل السابق سيتم دفع نصف الرسووم وانتي تتحملي النصف



اتمنى ان اكوون افدتك

[ولد حلال]

الله يعينك يا اختي ويوفقك وتنقبلي طب بشري

بس على حسب ما سمعت ابن سينا مستواها مرة سيء هيا والبترجي

[alparee]

بالنسبة لابن سينا عشين تدخلي سنة ثانية على طول لازم تكوني ناجحة في كل موادك في عبدالعزيز ومعدلك ما يقل عن ٣،٧٥ ،، وبالنسبة للمنحة لازم ما تقل عن ٣،٧٥ عشين تدخلي المنحة ،، والشهادة معتمدة لدرجة ان الامتياز صاروا يعطوهم راتب امتياز ما يعادل ٦٠٠٠ ريال ،، وفي دكاترة من عبدالعزيز تدرس هناك ،، لكن ما انصحك بالبترجي بتاتا

[shahoooda]

طيب بالنسة لموضوع اني ادفع الترم الاول ؟؟؟ ما فهمت

[alparee]

انتي الان لما تدخلي ابن سينا لازم تقدمي للمنحة الداخلية والتقديم يكون في رمضان، وعاد انتظري يجيكي القبول على نهاية الترم الاول ولو مرة اتاخرت بداية الترم الثاني ،، ف الكلية تقولك ادفعي حق الترم الاول ولما تنقبلي في المنحة وتجينا فلوس المنحة نرجعلك الفلوس ،، وحتكوني دافعة حق ترم واحد ٢٥٠٠٠ريال

[No_0ne]

غريباااا انا العكس نصحوني بالبترجي ...
واعرف بنات حولو من ابن سينا لعبد العزيز و عادو التحضيري كمان ...
يقولو الوضع هناك لعب في لعب ... و الله اعلم ...
لكن بشكل عام تبقى الجامعات الحكوميه افضل ...
واول مرا اسمع انهم بيدو راتب للامتياز بالنسبه لطلبه الكليات الخاصه ...؟؟؟

[alparee]

هاذي حتكون اول سنة فيها رواتب لطلاب الامتياز ،، والجامعة افضل جامعة اهلية طبية بعد جامعة الملك عبدالعزيز بجدة

[No_0ne]

المشاركة الأصلية كتبت بواسطة alparee هاذي حتكون اول سنة فيها رواتب لطلاب الامتياز ،، والجامعة افضل جامعة اهلية طبية بعد جامعة الملك عبدالعزيز بجدة

على اي اساس حكمت انها افضل؟؟؟
عندك مصدر ...؟؟؟

[alparee]

المشاركة الأصلية كتبت بواسطة no_0ne على اي اساس حكمت انها افضل؟؟؟ عندك مصدر ...؟؟؟

على اساس ان مستواها ممتاز للي يبغى يدرس كفاية الاعتماد وفوقها راتب امتياز ! ان اختي امتياز فيها ،، وبالنسبة للبترجي ما جاها الاعتماد وولا دفعة اتخرجت منها لحد الان