المشكلة فييين ,؟؟ العلم عند الله

[MR.ABADY]

بسم الله الرحمن الرحيم

كيفكم ايش مسويين مع الاجازة ان شاء الله تمام
والله اني مقهوووووووووووور انا كنت طالب اتخرجت من الثانوي بمعدل تراكمي 95 وقدرات 88 التحصيلي صح طحت فيه بس انو وقتها كان عندي ظروف وجبت 72

دخلت الجاامعة اوكي وفااهم وماشي زي العسل جاء اول ميدتيرم ماادري ايش صار اذاكر ليل نهار مااجيب درجاات وخلاص اتعودت على كذا صرت اذا شفت 20 احمد ربي

دلخت الجاامعة على اساس طب والان صرت افكر في الهندسة والله لدرجة اني صرت افكر اعيد السنه

انا ماعندي مشكله ادخل هندسة بس حتى الهندسة يبغالي عصا سحرية غلشان ادخلها

والله ماادري فين المشكلة ؟؟؟ هيا فيا ولا في الجاامعة والله ماني دااري والله مااتهنيت في اجازة ولا اي شي حتى

الللللله المستعااان

[Hadeel kateb]

لا تفكر كتير في دي المواضيع خلاص يعني انتا سويت الي عليك والباقي خلي على ربنا ما حيضيعلك تعب ان شاء الله
والله يسهلك امرك ياااارب وامرنا كمان

[اللحظة الاخيرة]

سوري اخوي بس ممكن اعرف من فين كنت تذاكر

ربي يوفقك ويعينك

[ريم جده]

نفسسس المعاناه اخوي انا برضو اتخرجت من التانوي ب 99 < لكن حط فـ بالك هناك مدرسه وهنا جامعه هناك الاسئله وان صعبت ما تخرج حدود المنهج اما في الجامعه فالاسئله تتعدى كل الحدود < ارضى بالامر الواقع وسلم امرك وشوف ايش التخصص اللي يناسبك ويدعمو معدلك معليه تنازل عن طموحك شوي .. او قدم على ابتعاث خارجي شوف ايش الخيارات المتاحه عندك اللي ممكن تحقق لك حلمك وممممموفق ^_*

[Dr.Passed]

لا تسحب ولاتفكر الأفكار دي هما يبغو خيالك يوسع ويوصل لعصايات سحريه...إن شاء الله حتدخل طب كمان خلي املك بالله كبير

[ساكن بصمت]

^^ المشكلة من الجامعة مو منك حبيب قلبي ... الله يوفقك يارب امييييييين ...

ساكن بصمت ...

[أثير العالم]

السســــلآم علــيككم

آولآ الله يوفقك وينور دربك ويسهل لك التخصص إلي تتمنآه .. آمــــين ..

وبالنسبة لموضوعك ي أخي الجامعه غير الثانوي .. شووف أنا اعرف ناس تخرجت من الثنوي بمعدل تراكمي وقدرات وتحصيلي اعلى من اللي كتبتها ..!!

أنا كمــان تخرجت الثانوي بنسبة ججدا عالية وقدرات وتحصيلي حلوة كمان ..

دخلت التحضيري متحححمسسة وفي راسي اجيب 5 من 5 ,, ويمكن كلنا في البدايةة كذاا

بس المشكلة اننا نتحطم من اول اختبار .. :(

لكن الحمد لله قدرت اسيطر ع الوضع .. وتخصصت والحمد لله ماشيه في التخصص زي ماكنت في الثنوي واحسن :)

شوف انا مـ حطوول الكلآم بس المختصر المفيد انك المفروض تبدأ في ذي اللحظة تبدأ منجد بـ غض النظر عن التخصص إللي ممكن تكون فيه .. حط في بالك ان عندك اكثر من طريقة تحول تخصصك ....
ذحين ادعي ربي انك تنحط في تخصص يناسب قدراتك حتى لو ماكنت تحبه .. ماتعرف ممكن تدخل التخصص ويعجبك وتكمل فيه .. ي أخي الطب والهندسة حلم كل الطلآب لكن حط في بالك انه في ناس بتدخل طب وفي ناس بتدخل هندسة لكن مو اي احد يقدر يكمل الا اللي يجد ويجتهد ويتعب نفسه ليل ونهار..

وزي ماقلت لك الجامعه مو زي الثانوي هنا انت اللي تدور ع نفسك محد بيسأل فيك نجحت ولا رسبت مالهم فيك ..

هنا لازم تذاكر اول بأول وتسأل أول بأول .. لآ تقول كلام تقليدي من يوم درسنا واحنا نسمعه .. ترا هذا الكلام الصح وأسأل مجرب وانت بنفسك لو جربت بتلقى كلامي صح ...

حاول تنسى اللي راح وتبدأ من اليوم .. انت لسا ببداية المشووار والعمر قدامك لآ تخلي التحضيري يغير من حلمك او يوقف عقبة قدامك ..
ادعي ربك في صلاتك وكل ماحسيت انك بدأت تتعب من المذاكرة او الدراسة وصدقني في الجامعه ع قد ماتتعب ع قد ماتحصصل درجات ..

وفي النهاية اخلص النية لله وحط في بالك مدام نيتك حسسنة ربي مستحيل يضيع لك تعب :)

وربنــــآ معآك .. وبالتوفيق ..

[n.m.r]

في الجامعه
بالتوفيق اخوي

[خجول الورد]

أتووقع المشكله فينآ ..

لأن كلنا متخرجين من الثانوي بنسب عآآآليه .. وقدرات وتحصيلي عاالية بعد ..

وندخل متحمسين وآثقين من أنفسنا تم ننصدم بالواق المختلف ..

ونكتشف إن الجامعه غير وكل السنين الي قبل كانت شيء ثاني .. وعآد يانلحق أنفسنا بدري

أو نكتشف ذا الشيء متأخر .. لكن أكيد الحياة كلها قدامنا للحين ..

[Bella LuLu]

إن شاء الله يارب كل واحد فينا يدخل التخصص اللي يبغاه من غير اي تعب ... ونصيحة مني لاتستسلم وتضيع سنة زي ما انا سويت