بما إنو كتيـــر يبغو يدرسو طب بشري عندي اقترآح..

[nadooodi]

هـــــــــــــــــــــــــــــآي
كيفكم؟؟وكيف الاجازة معاكم<<بالنسبة ليا مارح اعتبرها بدات الين يبان كل شي
اممممم المهم اقتراحي هوا يعني اكيد الكل سمع بموضوع المقابلة الشخصية للقبول في كلية الطب فعشان كدا انا حابة انو كل واحد يدخل هنا ويحاول برتب الكلام الي بيفكر يقولوا بالنسبة للسبب الي خلاه يختار دا التخصص يعني بكدا نكون جربنا عشان نقدر نتكلم في المقابلة وكمان لو احد فينا قال كلام ممكن يسبب انو يخليه ماينقبل او كلام مو مقبول لطالب يبغى يدر طب ننبهو وكل واحد يستفيد من التاني طبعا مو معناتو انو ياخد كلام غيرو ويقولو لا بس يعني يشوف هوا ايش هدفو من دا التخصص وكيف حيبين سبب اختيارو لدا المجال

رح ابدا انا
أنا الصراحة أحب دا التخصص لاني أحس إنو هوا أكتر عمل إنساني في هادي الحياه يعني مهنتو مو زي أي مهنة الطب وعلاج الناس ممكن تعطيه لأحد بدون مقابل بسبب انو انسانيتك وعاطفتك تخليك تسوي دا الشي لانو ايش فيه احلى من انك تسعد انسان محتاجلك بدون ماتاخد منو شي اكتر من دعوة من قلبو وكمان انا احب تكون حياتي اجتماعية ودا التخصص حيمنحني فرصة كبيرة لاني اتعرف على ناس كتير وتكون عندي حياه اجتماعية ناجحة وحلم مستقبلي الي من زمان بحلم فيه هادا التخصص هوا الطريق لو <<مارح اقولكم ايش مخططة

يلا مستنية كلامكم