محتاااار وممكن تساعدوني

[محمد احمد الحربي]

السلام عليكم ورحمة الله وبركاته
انا طالب مستجد في المستوى الاول في علم النفس صراحه من كثر اللي يسبووون في التخصص هذا جتني حاله نفسيه وكثير من اصدقائي سحب ملفه من الجامعه بسبب كلية الآداب مايبونها ولاني قادر احول لأي تخصص ثاني بسبب المعدل 2.70 يقولون مافيه وظايف وتخصص غير مرغوووب جميع اللي حولي حتى اهلي وانا ناوي إن شاء الله افصل من الجامعه واروح اشوفلي اي جامعه ثانيه والله كليه وش تنصحوني فيه لاهنتم وهل هو فعلا وظايفه قليله جدا.

[طهر الطفولة]

وعليكم السلام ورحمة الله وبركاته

والله اخوي كل تخصص و له مستقبله
لكن سالفة انه مرة ماله وظايف مااتوقع
وانت قبل ماتسوي اي شي استخير
والله يكتبلك مافيه الخير ولو انت مرة محبط
ارفع معدلك هالترم و قدم طلب تحويل لكلية ثانية
حتى لو اقتصاد و إدارة وانت ادبي ماعندك مشكلة تتحول عادي
مو تطلب تحويل لكلية الطب ولا العلوم و تقول طهر الطفولة قالت ^_^
بس ارفع معدلك هالترم و إن شاء الله ربي يكتبلك كل مافيه الخير
ونصيحة إخت لو بكل خطوة بحياتك احد يحبطك و لا كلمة توديك و كلمة تجيبك
عمرك ماراح تنجز خليك واثق من نفسك و من إختيارك و اي شي بيصيرلك
تأكد انه ما صار الا لأنه ربي سبحانه يحبك
والله يرزقك كل ماتتمنى يارب و يحققلك امانيك وييسرلك إمورك ,,,

[سكون الورد k.a.u]

المشاركة الأصلية كتبت بواسطة محمد احمد الحربي السلام عليكم ورحمة الله وبركاته انا طالب مستجد في المستوى الاول في علم النفس صراحه من كثر اللي يسبووون في التخصص هذا جتني حاله نفسيه وكثير من اصدقائي سحب ملفه من الجامعه بسبب كلية الآداب مايبونها ولاني قادر احول لأي تخصص ثاني بسبب المعدل 2.70 يقولون مافيه وظايف وتخصص غير مرغوووب جميع اللي حولي حتى اهلي وانا ناوي إن شاء الله افصل من الجامعه واروح اشوفلي اي جامعه ثانيه والله كليه وش تنصحوني فيه لاهنتم وهل هو فعلا وظايفه قليله جدا.

له له له ياولد العم ،،، وش هالاحباط هذاااا !!!!!

لاااااا مايصير ترد على كل من هب ودب ...!! وبعدين انت اكييييد سامع ومتأثر بكلام ناس ماهم شاطرين ولاهم حول الدراسه ابد ...!!
بالنسبه للتخصص .. ترآهـ تخصص ممتع جدااااااا وحلوووو وسهل ممتنع ،،، لكن يبيله صبر وطولة باااال ...
بالنسبه للي يقولك ماله مجال :
من بياناتك اعلاهـ اتضح لي انك انتظام >> اذن ماعندك مشكله ابداً ... في هالتخصص ..
راح اشرحلك وش بيصير وضعك بعد ماتاخذ البكالوريوس :
اذا تبي تصير في مجال صحي .. يعني تصير عندك عيادهـ بالمستشفى ولا عيادة خاصه بك .. الخ
ويجونك مرضى وتعالجهم حسبب حدود تخصصك .. حزتها يلزمك تختبر في الهيئة السعودية للتخصصات الصحيه .. بعد ماتجتاز الامتحان بنجاح .. تحصل على رخصة اخصائي نفسي من الهيئة ... >> ابي احمسك شوي : (وتلبس لاب كوت ،، وتصير زي الدكاترهـ ،، وينادونك المرضى وغيرهم يادكتور مع انك بالاصل ماانت دكتور بس عاد اللاب كوت يفرض هالشي هههههه وتصير تعالج المرضى النفسيين) ..
ولو انت فعلاً تبي ترتقي بذاتك ... تكمل الماجستير وتخصص باللي تبي مثلا .. (ارشاد وتوجيه نفسي او اكلينيكي ... الخ ) ...
وانا اقولك هالشي .. لان عندنا واحد من العائله علم نفس - انتظام ،، وهو ماشاء الله عليه دافور ،، بعد ماانتهى من البكالوريوس اختبر بالهيئة .. والله الذي لااله الا هو .. انه استلم وظيفته بعد الاختبار مباشرهـ من وزارة الصحه ...
علشان كذا اقولك لانك انتظام التخصص هذا احلى تخصص لك لو حبيته واتقنته ..
لذلك اشد على يد الاخت اعلاهـ واقولك : لاتتأثر بكلام الغير لان كذا راح يصيرون يتحكمون بحياتك بمزاجهم ولاتسمع كلام الناس واسمع كلام قلبك واحساسك .. واستخير ياخوي قبل كل شي ،

والله يوفقك يااارب ^_^

دمتم بود

[نغوومه]

مشاء الله

من كلام الاخووات اللي قبل

انا نووويت ادخل طب هع اقصد علم نفس

[محمد احمد الحربي]

شكرا طهر الطفوله شكرا سكون الورد على التوضيح الأكثر من رائع ولاهنتو والله يوفقنا وياكم.

[No-Comment]

طهر الطفوله وسكون الورد كفوو ووفوو انا كنت داخله اقول نفس الكلام

انا نفس مشكلتك كنت انا احب علم النفس وتقدر تقول اني اعشششق هالتخصص بس بالبدايه مشيت ورا كلام الناس قالو تتعقدين تصيرين مريضه نفسيا ومدري شنووو ودخلت لغات

صحيح ان معدلي كان تمام ونجحت بس ماكان لنجاحي طعم ولا كنت مهتمه اساسا

بس بعدين تحديت الكل ودخلت التخصص اللي احبه والحمد لله مرتاحه نفسيا ومتفائله هذا كله طبعا بعد الاستخاره وتوفيق ربي

والى الان القى من المحبطات مالايطاق لكن ولا حطيت لهم بال


اهم شي اللي احبه انا وارتاح له لو قالو اللي يقولوه

وبعدين انت انتظام ومجالك مفتوح اكثر

الله يسهلك ويوفقك


وطبعا انا انصحك بالاستاخره والدعاء

استخير مره مرتين عشر اهم شي انت وش ترتاح له

واي شي يصير لك من الله والله ماراح يقدر لك الا اللي فيه خير لك


اعتذر عن الاطاله بس لاني حسيت بمعاناتك ومريت فيها حبيت اطرح تجربتي

الله يوفقك ويسهل لك لا يحبه ويرضاه