افتووني بقصتي .. اختبر او لا

[بيادر 2011]

سسسلام عليكم
سمعت ان فيه تسسجيل قياس وستيب

انا اختبرت توفل لكن درجتي 16 من ميه لااحد يضحك لان صارت ظرووف وماقدرت اذاكر واسترجع
انمسح كل شئ فتوكلت على الله ودخلت والحمد لله على كل حال

واختبرت قياس ..
الحين


اقدر ادخل قياس مره ثانيه والا تكفيهم درجتي هذي وخلاص علما اني جايبه 58 من ميه
وتنصحوني بالستيب بدل شهاده التوفل اللي تفششل

ومتى التقديم الماجستير العادي والموازي المره المقبله

لان هالمره استبعدوني علشان شهادة التوفل ماصورتها لهم
لانها ماوصلت بالبريد

والماجستير العادي ماقبلت علشان تقديري جيد

من وين مانطقها عوجاء

مع ذلك متفائله ..

[MesSsk]

نصيحتي .. لو تقدري تدخلي الأختبارين مرة آخرى أفضل لتحسين الدرجه ،،

وبالنسبة للأنقليري ماجربت التوفل ..لكن كثير من الإخوة يقولوا الستيب أسهل بكثير من التوفل ،،،


أسأل الله لك التوفيق وتسهيل الأمور ،،

أختك MesSsk

[ar_8]

أدخلي الاختبارين خصوصا تقديرك جيد
القدرات والاستيب
وبلاشي من التوفل وترى لا الاستيب سهل ولا التوفل سهل كلن وله صعوبته.
وبالتوفيق

[أنفاس مشرقة]

الله يعينك بس ماشاء الله عسووله اخذتي 58 درجه حلوه ويكفي الاستيب هذا والله اعلم واتوقع يقبلو جيد مرتفع شوفي الجدوول حق النسب وتاكدي

عندي سوال
الحين انا مقبوله بشرط اني ادخل اختبار الاستيب والحين القياس حاطين موعدين اخترت موعد اللي هو يوم الاربعاء .. بعدين فكرت ادخل الموعد الثاني .. بس هل يحسبون لي الاختبارين وياخذو درجه الافضل؟؟؟؟

ولو ماجتزت الاختبار لا قدر الله شو راح يسير في قبولي في الماجستير هل راح يتلغي

[عماد الحسن]

أنصح الجميع بدخول الاختبارات القادمة بمركز القياس لأنها مطلوبة لكم، ولا يوجد أي إحراج في نتيجة اختبار اللغة علماً بأن الجامعة تقبلها في كل المجالات ماعدا كليات الهندسة العلوم والاقتصاد المنزلي، وفي حالة إعادة الاختبار فإن العمادة تحسب لكم الدرجة الأعلى.. موفقين إن شاء الله.

[صباوي 10]

طيب نعيد الاختبارين القدرات والكفايات والا ندرس دورات افضل لنا من ناحية القبول تكفى دكتور ساعدنا حيل محتارين ؟؟؟؟؟؟؟؟

[ar_8]

اختبارات ولا دورات ..

من جد نقطه مهمه ..

اب

[أبو الهش]

لو دخلتي الاختبار مره ثانيه يحسبون لك الاكثر درجه

[Maxim]

موفقة ان شاء الله

اشوف ضروري تعيدي الاختبارات لرفع الدرجات ورفع فرصتك بالقبول
اما التوفل فحتى انا لم تصل شهادتي الى الان رغم اني اختبرت منذ اكثر من شهرين، لكني ارسلت لهم برنت سكرين للنتيجة من موقع التوفل وقبلوها بدون اي اعتراض

[عماد الحسن]

المشاركة الأصلية كتبت بواسطة صباوي 10 طيب نعيد الاختبارين القدرات والكفايات والا ندرس دورات افضل لنا من ناحية القبول تكفى دكتور ساعدنا حيل محتارين ؟؟؟؟؟؟؟؟

والله أختي كلها مهمة كما ذكرت أختكم ولا يوجد تعارض بينها، لو كنت في مكانكم رايح أركز في الشهر القادم لأنه حاسم وراح يفيدكم سواء الأن أو في الفترة القادمة.

المشاركة الأصلية كتبت بواسطة maxim موفقة ان شاء الله.. اشوف ضروري تعيدي الاختبارات لرفع الدرجات ورفع فرصتك بالقبول، اما التوفل فحتى انا لم تصل شهادتي الى الان رغم اني اختبرت منذ اكثر من شهرين، لكني ارسلت لهم برنت سكرين للنتيجة من موقع التوفل وقبلوها بدون اي اعتراض

الحمد لله على قبولكم وشكرا لهذه المعلومات الجديدة ،، قريب تصل شهادتكم بحول الله وتكملوا الدراسة على خير.