إستفسار ؟؟

[الدكتورة حلا]

السلام عليكم ورحمة الله وبركاته ..

لو سمحتوا عندي سؤال انا إختبرت إختبار القدرات والكفايات اللي كان بشهر 4 \1431 هــ
يعني السنه اللي راحت والحمد لله جبت الدرجات المطلوبه .. هل أختبر مرة ثانية ذحين ؟؟
أو خلاص أطبع الإفادات وأقدم للماجستير فيها ..

وبالتوفيق للجميع ..

[مكاري]

السلام عليكم
الدرجة تبقى لمدة خمس سنوات يمكن الاستفادة منها
ويجوز اعادة القدرات والكفايات لعدة مرات ويؤخذ بالدرجة الأعلى في اي اختبار

[rozi]

دكتوره حلا الله يسعدك ويوفقك
تقولي اختبرتي ...طيب ممكن تقوليلنا على الاختبارات كيف كانت طريقتها والكفايات كمان ..صعب ولا سهل ...وبأيه تنصحينا.. الكتب .الاستعداد ؟.اي شي ممكن يساعدنا صدقيني اي شي حتى لو كان كلمه
وموفقه مره ثانيه

[أم أسيل]

اي والله ياريت تفيدينا مو عارفة كيف استعد للكفايات والقدرات والمشكلة مواعيدها ورا بعض
الله يسهل ويعين

[الدكتورة حلا]

السلام عليكم ورحمة الله وبركاته

شــكــرا جميعا على الرد ...

أنا أختبرت القدرات في جامعة الطايف وكان الإختبار عادي كله لغة عربية يعني معاني كلمات بس الكلمات شوي غريبة والأقسام الثانية كانت رياضيات حسابات ومسائل .. وفيه قسم أسئلة ذكاء يعني يجيبون شكلين والسؤال يكون ماهي العلاقة بين الشكلين أو الإختلافات ؟؟ أو يجيبون جدول وفيه أرقام وفيه خانات فاضية والسؤال يكون ايش الأرقام المناسبة في المكان ؟؟ انتي تشوفين العلاقة بين الأرقام وتعرفين العلاقة بينها ( جمع ـ طرح ـ ضرب ــ مضاعفات ....... ) وكذا ... وانا أختبرت بصراحة بدون مذاكرة .. لأنه عام يعني معلومات عامة ..

أما الكفايات أختبرت في جامعة الملك عبدالعزيز وكان عادي مستواه متوسط قسم استماع تسمعين محادثات وبعدين تجاوبين على الأسئله (( ممكن يجيبون سؤال عن الأسماء اللي بالمحادثة او المكان او رقم ......... ))
وقسم قاعدات الأسئله كلها عن القواعد ... وقسم كلمات ومرادفها .. وقسم قراءة يجيبون قطع وعليها اسئله ...
أنا ذاكرت بس القاعدات العامة وعادي ذاكريها من أي كتاب قاعدات يكون كويس ..
وطبعا القدرات والكفايات كلها إختياري ..

وبالتوفيق للجميع ....

[rozi]

الف شكر للغاليه دكتوره حلا
وان شالله نشوفك دكتوره في الجامعه عاجل غير آجل

[love200597]

شكررررررررررررررررررررا
الله يوفقك

[شواطئ البحر]

المشاركة الأصلية كتبت بواسطة الدكتورة حلا السلام عليكم ورحمة الله وبركاته .. لو سمحتوا عندي سؤال انا إختبرت إختبار القدرات والكفايات اللي كان بشهر 4 \1431 هــ يعني السنه اللي راحت والحمد لله جبت الدرجات المطلوبه .. هل أختبر مرة ثانية ذحين ؟؟ أو خلاص أطبع الإفادات وأقدم للماجستير فيها .. وبالتوفيق للجميع ..

ما يحتاج للأعادة
اختبار الكفايات صالح لمدة سنتين
والقدرات لمدة 3 سنوات