لكل الي يشكك في درجاته طريقة التصحيح

[shooo8ah]

السلام عليكم ورحمة الله وبركاته

تحية للكل قبل كل شي


اتمنى تكونو مرتاحين نفسيا ومستعدين للترم الجي ..<ان شاءالله

حبايبي انا نزلت الموضوع دا بس عشان اريح قلوب الي شاكين وخااايفين ع درجاتهم

يوم الاحد كانو صحباتي من خطه أ راسبين في مواد ومن ظمنها الرياضيات

طلبوا انهم يراجعو اوراقهم وطبعا ماكذب ولا اجامل .. هم شحططووووونا وتعبونا

بس اهم شي ...

دخلنا نتاكد من الدرجات وطبعا دخلونا وحده وحده لغرفة الدكتورة .. باطرفي <<مو عارفه الاسم صراحه :)
الغرفه كلها اوراق تصحيح يعني دخولنا كان مخاطره لهم خخخخخخخخخخخ

المهم البنات اغلبهم كانو جايبين نفس الدرجه 14 وزعلوووو وقالووو غش ومايصير الكمبيوتر غلطااان

انا طبعا المفروض ما تدخل بس دخلت وطلبتها توريني الورقه حقت البنت ع الجهاز وورتني هيا وطلبت ورقة البنت التانيه وشفتها

كلهم كانو نفس الدرجه 14

طلبت منها توريني مرا تانيه ..وانا قاعده احفظ اماكن الاخطاء عشان اشوف هو من جد غش ولا في اختلاف

ولما اتاكدت طلع فيه اختلاف بين الاوراق

البنات زعلوووو وبرضووو ما اقتنعووو ابدا

قلت لها دامكم واثقين خلاص الاوراق حقت الاجابه وراكي انتي طلعي ورقة البنت وخليها تتاكد من الكمبيوتر

رفضو بعدين وافقووو


ومن جد خليت صحبتي تشوف ورقة اجابتها وتتاكد منها وطلعت تمام وصارت تعطينا الاجابات من ورقة البنت وانا قاعده اراجعها ع الكمبيوتر <<طبعا مع كل وحده فينا استاذه للأمانه

والله العظيم يابنااااات مافي اي غلط كله كان تماااام

يعني لاغش ولا غلط والكمبيوتر مصحح كووويس الحمدلله

وازيدكم من الشعر بيت

البنات كلهم مترفعين 10 درجات


كيييييف ؟؟

يعني صحبتي جايبه 14 زودوها 10 درجات صارت 24
وضربوها في 2 وصارت درجتها 48 يعني باقي لها برضو عشان تنجح


وفوووق دا كلو ... اتسامحو معاهم وخلو النجاح من 50 درجه مو من 60 درجه كالعاده

يعني كانو متعاونين وماقصرووووو

وياليت الكل يذاكر وبلاش كلمة والله غشاشين

خلونا نشد حيلنا ونذااااااااكر بليز ونبطل ندعي عليهم لان الدعوات راجعه لنا بالنهايه


حبيت بس اقولكم ع الموقف الي صار واطمن الي خايفين وازيد من عزيمتهم ..لان ربي انشاءالله مايضيع لهم تعب

والي رسبو .. شدو حيلكم ولسه في امل

تحياتي للكل

[بياض الندى]

جزاك الله خير

[*sweet smile*]

مشكورة على الموضوع

يعطيك العافية :)

[Hanaa16222]

مرحبا

صح حتى انا صار معايا نفس الشي فمكتب الدكتور حنان باطرفي الدور التاني

كان ناقصني درجتين على النجاح وما رضيت تساعدني بس مش مهم الحمد لله قدر الله وما شاء فعل وربي يوقفنا في الاعادة


مقدر ومكتوب