تبي تضيف مادة والشعبة فل ... تعال هنا

[|JOKER|]

بسم الله الرحمن الرحيم

السلام عليكم ورحمة الله وبركاته

إذا كنت تبي تضيف مادة والشعب فل ، مالك إلا ثلاث طرق :

(1) إما ترابط عند الكمبيوتر وجنبك كوب شاي تمشي فيه حالك على بال ما يجيب لك أخوك كابتيشنو من بارنيز ودونات من كرسبي كريم وتنتظر واحد يحذف عشان تضيف وهذا إذا قدرت تلحق وقابلني وقتها .


(2) أو إنك تروح عندهم بالقسم يوم السبت وتاخذ ورقه وتدور المرشد حقك
إذا لقيته وقتها توضأ وصلي الضحى أما إذا مالقيته فانتظره يجي من القرموشي أو أبوزيد
واحتمال يكون ع السرير وانت واقف تنتظره 3 ساعات . " إذا كنت داهية وقع بنفسك
وحاول تقلد توقيعه لكن بقلم ثاني " وعندها راح يوسعون الشعبة بعد شحاده وترجي منك


(3) أو يكون عندك فيتامين " و " ..

لذلك اقترح ع الإخوة في نظام ODUS اللي أكيد اقتراحي ما راح يفيدهم في شيء .
إنهم يريحون الطالب من اللإحتمالات الثلاثه بوضع نظام جديد وهو

إذا كانت الشعبه فل وتبي تضيف مادة يمكنك تضيفها لكن تضاف على انها waiting
" إنتظار " ويكون لك رقم تسلسلي في الإنتظار بحيث لا تحتاج إنك تقعد كل شوي
وانت مسنتر على الكمبيوتر تشوف أحد حذف لأنه لو أحد حذف راح تضاف لك المادة auto OK وذلك بالإعتماد ع الرقم التسلسلي الخاص بك

وأيضاً هذه الطريقه تفيد قسم المادة فهم إذا رأو عدد المنتظرين في ازدياد ولديهم
قدرة على فتح شعبه جديدة أو توسيع الشعب فسيكون ذلك راح لهم ولنا افضل من إن الواحد
يروح يترجى ولا يشحد منهم


ومن فوائد هذا النظام يلغي جزء من فعالية فيتامين " و "



يمكن إني اضعت وقتي وانا اكتب هذه الكلمات اللي محد درى عنك لكن هذه
فضفضه و فرفشه لعلها تصل لسعادة الدكاتره و البروفيسورات في جامعة بلا تدخين



JOKER