تم حذف الترم والسبب الجامعه

[ابو أحمد55]

للاسف نزل جدول الاختبارات في نفس الوقت شالوا الحذف والاضافه

وكان الجدول زفت جدا جدا اختبر يوم الخميس اول يوم اختبارت ثم استراحه اسبوع ثم تختبر خمس مواد كل يوم ماده

يعني تدفع تكالف سكن و سياره وغيره لمدة اسبوع بدوف فائده

الله لايسامح من كان السبب

[مـشـعـل]

الله يكون في عونك

[احب ديرتي]

الله يكون في عونك لي
زميل من الرياض يقول كلفته شهادة الجامعة 90000 رسوم وسفريات وسكن

[نٌآديةةة]

ممكن كل سنه يتكرر نفس المآسآه ترى ليش تتهور وتحذف الترم
كان سكنت بسكن الشبناب او مثلا اختبرت الخميس ورجعت بلدك وبعدين رجعت الاسبوع الاخير
الجدول ماله ذنب الجامعه ماراح تحط جدول مخصص لك فكر بعقلك قبل عاطفتك ولاتتهور

[moheem79]

المشاركة الأصلية كتبت بواسطة نٌآديةةة ممكن كل سنه يتكرر نفس المآسآه ترى ليش تتهور وتحذف الترم كان سكنت بسكن الشبناب او مثلا اختبرت الخميس ورجعت بلدك وبعدين رجعت الاسبوع الاخير الجدول ماله ذنب الجامعه ماراح تحط جدول مخصص لك فكر بعقلك قبل عاطفتك ولاتتهور

الله يعطيك العافيه ياأختي

الأخ يدري إن الجدول ماله ذنب

الذنب الأول والأخير من الجامعه

ليش ماينزلون الجدول ويتركون الحذف والإضافه أقل شي أسبوع

أول ينزلون الجدول بدايه الدراسه

وش مصلحتهم من هذا التأخير

أتمنى منك إنك تفهمي قصد الرجال من الموضوع

[سراب الدمع]

مصلحتهم انكم شباب انتساب مو انتظام يعني مو كافي الانتساب ملحطين وندفع فلوس بدولتنا

علشان ندرس بالجامعه وفوق كل هذا ندفع تكاليف السكن والتذاكر ماهي مخفضه لاننا عيال البطه السوداء

اما الانتظام لا مايدفعون ولا ريال وينزل لهم راتب وفوق كل هذا سكنهم على كيف كيفهم ومدلعين

وربي ماعمري شفت ظلم زي كذا بس مانقول الا حسبي الله ونعم الوكيل

كأن طالب الانتساب جالس ع بنك وطالب الجامعه جالس ع بوابة المسجد

حسبي ربي بس

[امل عطشان]

اذا حذفت الترم صدقني بيجيك احباط الين تفصل
يابن الحلال احمد ربك خويي عنده مادتين في اول خميس وبعدين ينتظر الين الثلاثاء اللي بعده عشان ماده
بعدين اخر خميس عنده مادتين برضه في نفس اليوم وبيختبر
يعني من شاف مصيبه غيره هانت عليه مصيبته
توكل على الله واختبر والعن ابليس تراها ايام وتعدي

[منصور998]

الترم اللي فات نزل الجدول بدري والحذف والاضافة كانت موجودة وعدلت بعض المواد اللي كان توقيتها سئ
اما الترم هذا تاخر الجدول وماتقدر تعدل عليه وجاء الجدول اسوا من السي عندي اختبار يوم 12 واللي بعده يوم 20 وحجزت يوم 12 ارجع لحايل وارجع لجدة يوم19
حسبي الله علي من كان السبب

[ابو أحمد55]

تحياتي لكم

عندي ظروف عمل كثيره ارتب بمشروع الان وغيرها من ظروف

وبعدها الجامعه كملتها
ارجو ان يصل الموضوع الى مدير الجامعه
ومعدلي 3.75 يعني ممتاز بالنسبه لغيري
وهذا الضروف والضغوط ممكن ينزل المعدل

ارجو التثبيت للتأثير

[الامل437]

حسبنا الله علىى هذي الجامعة السخيفة الله لايوفقهم الموقع مو راضي يفتح معي حاولت بكل الوسائل والطرق وفوق هذا تقولون شالوا الحذف والاضافه والجداول ما نزلت الله لاسامحهم فينا اسال الله العظيم ان يريني في الجامعه والمسؤلين عجائب قدرته . خلاص انقهرت وتعبت منهم