قصتي مع التحضيري +نصائح لدفعة 12

[SoSoooo B]

بسم الله الرحمن الرحيم


كيفكم ان شاء الله بخير ومبرررررررروك مقدما على القبول في جامعة الملك عبد العزيز
انا بقولكم على قصتي في التحضيري اول شيءفي الثانوية جبت درجة كويسة 97% مع اني كنت في ثانوية مطورة ومدرستي كانت شديدة وابحاث وما في تأشيرولا اي نوع من الدلع يعني الدرجات تطلع من عيوننا المهم قدمت على جامعة الملك عبد العزيز واختبرت القدرات والتحصيلي الحمد الله على كل حال درجتي ما كانت كويسة في التحصيلي ولاالقدرات انخسفت لانو كان في وقت واشياء زي كدا فكانت تجيني حالة توتر ومااعرف احل شيءمع اني احل في البيت ومع مدرسة بس لمن اروح اختبر تجيني ربشة مو طبيعية ومرة كنت خايفة اني ماانقبل في الجامعة بس لمن جاني القبول مبدئي ارتحت شوية
ولمن جا موعد المقابلة افتكرها كانت من اصعب شيءمر في حياتي لاني كنت متوقعة انقبل انتظام بس فجأة قالت وحدة من الاستاذات الانتظام قفل علمي واللي تبغا تحول ادبي في مجال لانوالعلمي مكتفيين ساعتها جاتني صدمة ماني عارفة ايش اسوي ماما جات الجامعة معايا وكانت دوبها طالعة من المستشفى وماني عارفة ايش اقول لماما بس روحت سألت الاستاذة انو ايش اسوي قالت مافي غير تأهيلي كلمت ماما قالت طيب ادخلي تأهيلي المهم سويت بطاقتي وانا قلبي يعورني كيف كدا؟؟؟ قعدت ابكي وماما تهدي عليا قالت لي انا اعملك دحين حساب في البنك وانزلك كل شهر مكافأتك بس لا تعملي كدا في نفسك وفعلا اخذتني وعملتلي بطاقة صراف بس والله ماكنت افكر في المكافأة كنت افكر كيف راح اداوم كيف راح ازاكرحاولت ماما تهديني بس بعد كم يوم نزل الجدول وشوفت اني راح اداوم الى 7 المغرب انهرت زيادة بس بعد فترة قلت الحمد الله انقبلت في غيري ماانقبل بالمرة وعدا اول ترم ليا كان طويل كنت ارجع من الجامعة وعلى طول على مدرسة خصوصية كنت اخذ معاها رياضيات وفيزيا وعدا الترم الاول وما جبت فيه معدل حلو لاني كنت متشتته
جا الترم التاني قلت لازم اعتمد على نفسي وان شاء الله مااحتاج مدرسة ولا غيرو اعتمدت على ربنا ثم على نفسي وجبت ملخصات وذاكرت في البيت وزاكرت نماذج امتحانات والحمد الله معدلي ارتفع اعتمدت على نفسي وصرت انتظام ومنجد احمد ربي اني كنت تأهيلي لانو منجد اتعلمت اني اعرف مصلحتي واعتمد على نفسي

الخلاصة ونصائح لدفعة 12 الحلوين :
1- اعتمد على الله ثم على نفسك .
2-زاكر اول بأول .
3-لا تسمع للاشاعات اللي تتطلع كل يوم وانو السنة التحضيرية صعبة ، السنة التحضيرية صعبة على اللي ما يزاكر اول بأول .


ايجابيات السنة التحضيرية من وجهة نظري :
1- تبين مين يستحق يدخل الجامعة ومين لأ.
2-تخليك تعتمد على نفسك وتزاكر اول بأول.
3- تهيئك للجو الجامعي .


سلبيات السنة التحضيرية من وجهة نظري :
1-احس المواد طويلة بس سهلة لا تخافوا.
2-الانقلش عدد ساعاتو طويلة ومااحس انو استفدت منها كتير .يعني لو ينقصوا من عدد ساعتوا ويهتموا في السبيكنج والرايتنق اكثر يكون افضل لنا


يارب اكون افدتكم ولو بالشيء البسيط
الله يوفقكم يارب

[محمد الداود]

::
بـآدرة طـيـبـة أخـتـنـآ الـمـوفـقـة ^_^
ونصـآئـح وكـلـمـآت فـي مـحـلـهـآ
بالتوفيـق لـــ [دفعـة 12]
،’

[_Sora]

ماشاءالله عليكِ, اهم حاجة طلعتي منها بنتيجة :)
الله يوفقك و يسهلك كل حاجة يا اختي
انا دحين عايشة نفس موقفك
بكرة نتائج الفرز تبع اسماء المقبولين في الجامعة
و منجد خايفة مدري ايش رح يسير
الله يعين بس

[SoSoooo B]

المشاركة الأصلية كتبت بواسطة محمد الداود :: بـآدرة طـيـبـة أخـتـنـآ الـمـوفـقـة ^_^ ونصـآئـح وكـلـمـآت فـي مـحـلـهـآ بالتوفيـق لـــ [دفعـة 12] ،’

جزاك الله الف خير د/ محمد

المشاركة الأصلية كتبت بواسطة _sora ماشاءالله عليكِ, اهم حاجة طلعتي منها بنتيجة :) الله يوفقك و يسهلك كل حاجة يا اختي انا دحين عايشة نفس موقفك بكرة نتائج الفرز تبع اسماء المقبولين في الجامعة و منجد خايفة مدري ايش رح يسير الله يعين بس

اللهم امين
ماشاء الله الله يوفقك يارب ويسهلها عليكي ترا ما يأخذ منك القبول الا 10 دقايق بالكثير

[hadeel a]

بصراحة استمتعت و أنا بقرأ قصتك مع اني عشتها معاكي لحظه بالحظه و من جد نصايحك في محلهاو فكرتيني بمدرستنا كيف كنا نشد شعرنا من الضغط و الله التحضيريي أهون منها بكتيرعلى العموم تسلم يدك يا حلوه و إن شاء الله الكل يستفيد من قصتك و نصايحك

[Dr.Basso0om]

عنجد اهم شي الشخص يعتمد على نفسه
باقي ساعات على نتايج القبووووول
الله يوفق الجميع
ويحقق امنياتهم

[SoSoooo B]

المشاركة الأصلية كتبت بواسطة hadeel a بصراحة استمتعت و أنا بقرأ قصتك مع اني عشتها معاكي لحظه بالحظه و من جد نصايحك في محلهاو فكرتيني بمدرستنا كيف كنا نشد شعرنا من الضغط و الله التحضيريي أهون منها بكتيرعلى العموم تسلم يدك يا حلوه و إن شاء الله الكل يستفيد من قصتك و نصايحك

منجد كلامك صح 100%
الله يسلمك يا قلبي احوووووووووووبك

المشاركة الأصلية كتبت بواسطة dr.basso0om عنجد اهم شي الشخص يعتمد على نفسه باقي ساعات على نتايج القبووووول الله يوفق الجميع ويحقق امنياتهم

الله يوفقك ياقمر ويسهلك

[hadeel a]

Up Up
لدفعة 12

[Ahmad-k-92]

كلامك 10 على 10

[THE HILL]

مآآ شاء الله يا سوسو كويس لحقتني نفسك الترمـ الثاني والله يخلي لكـ امك " الله يسعدها " هونت عليكــ :)


من جد ازمه الدوام المسائي وحاولتي ترفعي معدلك بنفسك واعتمادك بعد الله عليها



واللي يدخل الجامعه ينسى حكايه المدرسه الخصوصيه



والدليل انك رفعتي معدلك من غيرهآ




موفقهـ خيتو ^^