أرجو المساعدة في جدولي

[Rawan-Ad]

صباح الخير على الجميع انا أطلب منكم المساعدة في إقتراح مادة تكمل جدولي:
الأخ هتان الله يجزاه خير ساعدني في وضع جدول مبدئي ويتكون من التالي:

محاسبة 102
السلوك الإنساني في المنظمات
مالية شركات
مبادئ التسويق

من المخطط أن تكون المادة الخامسة إدارة أعمال باللغة الإنجليزية ولكن السستم لم يسمح لي بإختيارها لأنها تتضارب مع جدولي فأريد نصائحكم لإضافة مادة خامسةلأنه أغلب المواد متعارضة مع جدولي والسستم لا يسمح لي بإختيار مواد أخرى ولا اعرف ما العمل:

...
...
...

أرجو منكم المساعدة في اقرب وقت حتى استطيع أن اضيفها إلى جدولي وترتيبه بالشكل النهائي

شكرا

[AL_HATTAN]

اختي روان حياكي والله ..

ما ادري ليش عند البنات هذا التعقيد .. طالبات الانتساب ايش لهم داعي في موقت المحاظره واعتراض مع ماده ثانيه .. ما ادري ليش كذا ..؟ نفسي اعرف ايش التخلف هذا اللي عايشين فيه الجامعه في قسم البنات ..

ليش ماتنزلي مواد حره او اختياريه ..

عندك ماده سلوك المستهلك .. او ماده علوم سياسيه ..

في ماده اسمها اداره مشاريع bus 401 .. ما ادري لها متطلب سابق ولا لا .. حالياً موقع الجامعه مقفوول عشان اشوف الخطه الدراسيه حقتك .. انتي شوفيها من الاوديس حقك ..

انتي افتحي الحذف والاضافه وسوي اضافه اي ماده وشوفي ايش المواد اللي تنزل معاكي .. وقوليلي هيا وبعدين نشووف ..

بالتوفيق ياارب

[Rawan-Ad]

المشاركة الأصلية كتبت بواسطة al_hattan اختي روان حياكي والله .. ما ادري ليش عند البنات هذا التعقيد .. طالبات الانتساب ايش لهم داعي في موقت المحاظره واعتراض مع ماده ثانيه .. ما ادري ليش كذا ..؟ نفسي اعرف ايش التخلف هذا اللي عايشين فيه الجامعه في قسم البنات .. ليش ماتنزلي مواد حره او اختياريه .. عندك ماده سلوك المستهلك .. او ماده علوم سياسيه .. في ماده اسمها اداره مشاريع bus 401 .. ما ادري لها متطلب سابق ولا لا .. حالياً موقع الجامعه مقفوول عشان اشوف الخطه الدراسيه حقتك .. انتي شوفيها من الاوديس حقك .. انتي افتحي الحذف والاضافه وسوي اضافه اي ماده وشوفي ايش المواد اللي تنزل معاكي .. وقوليلي هيا وبعدين نشووف .. بالتوفيق ياارب

مرحبا أخ هتان

والله انا مبدئياً نزلت الثقافة الإسلامية 401 واغلب المواد اللي في خطتي واللي يوافق ينزلها السستم لي لها متطلب سابق من مواد الترم هذا اللي نزلتها (بعضها تحتاج مالية شركات)

ففكرت أنزلها السمستر الجاي والشكوى لله وش نسوي بالجامعة انا المفروض انزل اللي ابغى انتساب وفي الرياض يعني مالهم اي صلاحية في المواد حقتي لكن السستم غبي عندهم مدري كيف بس مشكور على مساعدتك انا كان نفسي انزل مواد تكون 3 ساعات عشان ارفع ساعات معدلي بس الشكوى لله

مشكور اخوي ماتقصر والله

[Rawan-Ad]

إلى الاخ هتان كأني لقيت طريقة اغير فيها سستم الجامعه

غيرت الشعب في بعض المواد وابشرك قدرت انزلت إدارة أعمال باللغة الإنجليزية =]

شكرا على مساعدتك بس ان شاءالله يارب ما يكون الامتحان مادتين في يوم واحد

بس اتوقع ماتفرق الاوقات لأنو أغلب مواد ال bus مانزلت اسماء الدكتورات فما يفرق معي اي شعبة والاسئلة في الغالب موحدة من اللي لاحظتوا في الجامعة

ايش رايك؟؟

[AL_HATTAN]

شكلك خلصتي كل المواد السهله .. وباقي لكي الصعب .. الله يعينك على اللي جااااااااي ..

سمعت انو ثقافه 401 غيرو الكتاب اتأكدي قبل لاتبدأي تذاكري في الماده ..

واي خدمه في المواد اللي عندك نحنا حاضرين وربنا يوفقك ياااارب

[AL_HATTAN]

طيب مررره حلوو ..

وفي مره سمعت هرجه زي كذا .. وحده حذفت ماده عشان تضيف الثانيه لمن رجعت ترجع الماده الاولى لقتها قفلوو الشعب كلها ..

مدام نزلت معاكي المواد كلها يلا مبرووك وشدي حيلك في المواد ..

[AL_HATTAN]

محاسبة 102 << عندك الكتاب وملخصي اللي موجود في التوقيع .. والماده اسهل من محاسبه 101 ..

السلوك الإنساني في المنظمات << دوري اسئله حقت ام رنيم مررره مفيده .. وتجيكي في الاختبار دائم ..

مالية شركات << هذي احلى ماده عندي وكانت ماده ممتعه بالنسبه ليا .. ذاكرتها من عطر الغلا ومن هاني عرب ومن التذكار ..

مبادئ التسويق << انا ذاكرت من الكتاااب .. وماده حلووه

[AL_HATTAN]

اختي روانوو ..

شوف الموضوع هذا ان شاء الله يفيدك ..

http://www.skaau.com/vb/showthread.php?t=203536

واذا مالقيتي اللي تبغيه من ملخصات او من اسئله انزلها لكي ..

[AL_HATTAN]

وفي بعض الاسئله حقت ماليه شركات اخذتها من قسم الطالبات .. يعني ممكن تفيدك اكثر وتعطيكي نبذه عن الاختبار ..