تكفووون ساعدوووني

[xoooopp]

السلام عليكم ورحمة الله وبركاته
كيف الحال إن شاء الله بخير
انا سوئالي عن السنه التحظيريه وانا خصيت قسم المنتظمين لانهم خلصووو السنه التحظيريه وعارفين عنها كل شي
تكفوون علموني كيف الجامعه هل هي تساعد في الدرجات ولا الناس كلها تمدح جامعة الملك عبدالعزيز وان السنه التحظيريه سهله بس لو اشد حيلي شوي لاكن يووم بدت الدراااااسه اكتشفت غير ذالك والله العظيم اني اداوم من الساعه 8 واخلص اربع وش هذا الكرف كله وغير ذالك كل محاضره في مبنى وغير ذالك تورطت في الانقلش انا مستواي المفروووض لفل ون لاني ما اعرف شي في الانقلش ولاكن الحظ حطني في لفل تو وحاول اغير لفل رفضووووو واللهي صعب عليه لفل توووو مره والرياضيات كبير الكتاب مره وكله انقلش والان مر ثلاث محاظرات والله مني فاهم شي والفيزيا كبير مره وكله انقلش والدكتووووووور زفت مرررررررررره وصعبه الماااده ايش هذي الجاااامعه يعني الان لازم اجيبي مدرسين خصوصين لرياضيات وللفيزيا واما الانقلش باحاول اشد حيلي واما مهارة الاتصال سهله وحلووه مره والحاسب مثلها فابي اسال هل يمكن اني اجيب ثلاثه من خمسه العدل ولا اريح نفسي واطلع من الجامعه من بدري لاني انا ابي 3 من 5 ووووبس ما ابي زياده اهم شي اتخر فوق الثلاثه لاني ابي علووم واتمنى تردون علي في اسرع وقت.

[كماليا]

مابي اخوفك لكن االصراحه انا عانيت كثير والله تعبت حيل انا تخرجي من السنه التحضيري انجاز

انا ولله الحمد ايام المدراسه مستواي رائع ولما دخلت السنه التحضيري تفاجت بالكتب وماصار لي نفس اذاكر او حتى احاول

والانجليزي كان مره معقدني وحملت الترم الاول مادتين eوالرياضيات

(على فكره الرياضيات اربع شباتر بس )والفصل الثاني نجحت في كل المواد والمواد الي اخفقت فيها اخدتها وكنت خايفه وبفضل الله تجاوزتها بدرجات عاليه

انا غرضي ابد مواحطمك او اخوفك حبيت افيد من تجربتي الي تمنيت حد يفيدني

انا ولله الحمد والمنه اخدت معدل 3,25بعد ماكان2,8

سبحانه القادر على كل شي واليك نصايحي المجربه اول شي استعن بالله وادعي الله ان يسهل لك وثق ان الله سيعينك واستغفره ابد لاتيأس ولاتجعل له طريق الى قلبك انا من شدة انجعازي من الفصل الاول كنت راح اسحب وبداية الفصل الاول مادومت تقريبا اسبوع حسييت ان الدنيا ضايقه فيني لجأت الى خالقي

ثانيا ابد لاتقولي ماعرف اذاكر كله انجليزي خصص يوم قريب وذاكر فيه على اساس اليوم الي بعده اختبار لان انا ماذاكرت االا قبل الاختبار بكم يوم واكتشفت انه اشياء تافهه في الرياضيات والفيزيا والاحصاء ملازم اشرف بركات في مكتبة دار الهدى جدا افادتني وحسيت ان المواد سهله

اخيرا ذاكر قبل الاختبار بفتره ونصيحه خد ملازم اشرف بركات من اليوم لكن هذا لايعني ان تترك تمارين الكتاب افهم من الملازم ومسايل الكتاب تفيدك وتتدرب على نماذج اسيلة الاختبار للعام

[جلنـــار]

شوف أول قاعدة لاتسمع كلام من أي أحد يقولك هالسنه صعبه ولا هالماده صعبة ولا هالأستاذ مو تمااام

لأنه إذا سمعت فإنت راح تتبرمج على كذا والعقل حيقفل

ثانياً طلعت ولا نزلت ذاكرت ولا أهملت ما رااح تآآآخذ غير نصيبك بس برضوا لازم ما نتوااكل ولازم نآآخذ بالأسبااب

أنا كنت مثلك السمستر الأول خطة أ وكنت مكتئبة جداً وضاقت فيني الدنيا وصرت أحس إني فاشلة جداً خصوصا بسبب الماث

بس بعد ما خلصت السمستر الأول وكانت درجااتي فيه حلوه الحمدلله بإستثناء الماث بس الحمدلله عديته بدأ يرجع لي شعوري بإني شطووره حبتين << مادح نفسه إيش ..

والسميستر الثاني بدأنا تعودنا على كل شئ والحمدلله المعدل أرتفع صح مو كثير بس ارتفع المهم إني فوق الأربعة

الخلاصة : كل اللي أنت فيه دآآ شئ طبيعي مرينا فيه كلنا بس أتجاوزناه بمجرد إننا تعودنا ع النظام

نصيحتي لك : لا تشيل هم وذااكر تمام التمام مو قبل الإختبار بيوم ولا يومين أبداً ما ينفع لازم تذاكر قبلها بفترة تقريبا أسبوعين أو ثلاثة

ولا تحط الإنجليزي عاائق لك والله أعرف صحبااتي عقدتهم الإنجليزي بس نجحوا في التحضيرية بمعدل لا يقل عن 4

ما شاء الله تبارك الله وبالعكس إنت ألحين لازم تستفيد من الإنجليزي لأنه هذي فرصتك فلا تضيعها

وفي الأخير

لكل مجتهد نصيب

وشد حيلك وربي يوفقك

آآسفه ع الإطاله

[ǁ غــلأآإ ، رٍوٍحــي ǁ]

اولآإ / بعد ماأقولك نصيحتي .. رآح انقله للمسار العلمي .. لأن كل اللي خلصوآ تحضيري يروحوآ عندكم يتطمنوآ عليكم ويجآوبوكم ..
ثـآنيآ / كلنآ بدينآ ونقول صعب .. والمنهج كثير ؟ .. والاستاذه ماتفهم ؟ ... وأكيد كنت تسمع إن الجآمعة لعب مو زي المدرسه ؟
ويمكن اخر سؤال هو اللي خلاك تنصدم بالوآقع .. هيآ أول سنه كرف حبتين ..
شد حيلك فيهآ / قسم وقتك لمذآكرتك .. ووقت للعب .. يعني مو 23 ساعه لعب .. وساعه مذآكره كذا رآح تطلع من المولد بلأآ حمص < يارب المثل صح :)
الرياضيات اسهل شئ بالحيآه .. وربي هو نفس اللي بالثآنوي بس بالانقلش ..
لو جلست يوم الخميس .. وحاولت تترجم وتفك الرموز وتكبر مخك وتركز .. رآح تجيب 95 ..
والمثل يقول ( لن تبلغ المجد حتى تلعق الصبرآ ) ..
السنه التحضيريه / لو مشيتهآ على كيفك رآح تصير من اجمل سنوآت عمرك ..
انا كنت بعد التحضيري العن فيهآ .. ودحين ندمت واتمنى ارجع لهاااا ^_^

بالاضافه / http://www.skaau.com/vb/showthread.php?t=234675

بسسس أهم شئ قوي عزيمتك .. وشد حيلك .. وذاكر أول بأول .. واضمن لك 4.5 مو 3 :)

[عموريAHLI]

هلا اخوي ..

اول شيئ معظمنا مر باللي انت مريت فيه وكنا خايفين مرة وكنا نقول كيف نذاكر وكيف ننجح .. والكتب كبييرة وكل اساليب التحطيم كنا نسمعها ونرددها

لكن بقولك بما اننا جربناها السنة التحضيرية عموماً سنة تآآآفهة جداً , بالنسبة لي اسهل من الثانوي بس اللي يفرق اختلاف اللغة

ودوامك يعتبر طبيعي , بما انك طالب سنة تحضيرية , والسبب في ذلك اكيد محاضرات الانجلش لأن الطالب في هذه الفترة يحتاج لهذه المحاضرات حتى يحسن من مستواه وحتى يتعوّد , لأن اغلب المواد العلمية باللغة الانجليزية

بالنسبة للكتب , اساساً الكتب مو مهم شرائها حتى نذاكر منها , انا ماعمري قكيت كتاب الفيزياء مثلا أو الإحصاء لأن مذاكرتنا اساسا من ملخصات عربية أو انجليزية ,, يعني مبسطة بشكل كبير من الكتاب

والملخصات فيها كل ماتحتاج من شرح او حل تمارين , وان شاء الله تغنيك عن الكتب

خليك مثل ماانت , شد حيلك شوي في الانقلش وفي اختباراته

واذا حبيت تجيب مدرسين خصوصيين بكيفك , بس انا اشوف انه الملخصات تكفي وتوفّي بإذن الله

خليك متفائل , وحاول تشتري الملخصات من الحين وابدأ المذاكرة منها , وان شاء الله معدلك مايقل عن 4,5 - 5

الله يوفقك

[kha10led]

ههههههه
تو ما شفت شي
الله يعينك صراحه

باقي اذا الاختبار النهائي انت بتدرس شي ويجيك شي ثاني

بس الله يعينكم