مرحبا..استفسار عن اللغه الانجليزيه

[بندرحمد]

السلام عليكم

انا انسانه محبطه للغايه ودي ابكي

ولا احد يسكتني

الحين انتم فالمنتدى كاتبين الغي امر 40 ساعه فالدوره

ولازم اختبار التوفل

افتح على الموقع من الشروط اللقى موجود سالفه 40 ساعه ماالغت

ممكن افهم ليه هذا الاختلاف؟


الله يجعلنا انا وانتم من المقبوللللللللين ياكريم فالدنيا والاخره

[سفينة الحياه]

40 ساعه من شروط التقديم للماجستر او الدبلوم

[فندام]

الصورة مو واضحة عندك ياأم راما عندك التباس لكن حوضحلك الصورة دورة ال 40 ساعة كانت تمثل الحد الأدنى بالنسبة لشرط اللغة الإنجليزية في السنوات الماضية لكن ابتداء من العام القادم بإذن الله ماحتقبل أي دورات من أي معهد ومافي قدام اي متقدم الا خيارين الأول وهو الأصعب انو يدخل اختبار التوفل ويجيب فيه درجة 450 من 700
والخيار الثاني وهو الأقل صعوبة انو يدخل اختبار Step الي ينظمه المركز الوطني للقياس والتقويم والمركز هدا نفسه هو الي بينظم اختبار القدرات العامة واختبار Step من 100 درجة وهو اسهل من التوفل
وللمعلومية درجة اختبار اللغة الانجليزية صار عليها 10% من النسبة المئوية الموزونة هدا الكلام ابيتداء من العام القادم في حين انو في السنوات الماضية ماكانت داخلة في النسبة المئوية الموزونه وهدا معناه انو كلو ماكانت درجة المتقدم عالية بالإختبار كلما كانت النسبة الي حيحصل عليا من ال 10% عالية يعني بالنسبة لاختبار STEP كل 10 درجات بالإختبار تعادل نسبة1% وبكدا تصير ال 100 درجة تعادل 10% وبالنسبة للتوفل أعتقد انو حصول المتقدم على درجة 450 من 700 يأهله للحصول على نسبة ال 10% كاملة
اما عن سبب الاختلاف الي ذكرتيه يا أم راما وهو انو شرط ال 40 ساعة
وقرار عدم قبول أي دورات في اللغة ابتداء من العام القادم كان بموجب تصريح لأحد المسؤولين بعمادة الدراسات العليا أعتقد ادا ماخانتني الذاكرة انو وكيل العمادة وهدا الموضوع طرح بالمنتدى وأحد الاخوان حط الرابط الي فيه التصريح هدا يعني الموضع هدا اكيد ومافيه أي شك
اما بالنسبة للإختلاف الي ذكرتيه ياأم راما وهو انو شرط ال 40 ساعة مازال موجود بموقع الجامعة بينما الاخوان بالمنتدى يقولو انو هدا الشرط اتلغى فسبب هدا الاختلاف حسب اعتقادي هو انو الاخوان بعمادة تقنية المعلومات ماعملو تحديث لشروط التقديم على الماستر بموقع الجامعة يمكن لأنهم ماأتبلغو بالموضوع هدا الى الان وما اعتقد انهم حيعملو أي شي حتى لو انهم اتبلغو بي الى حين موعد التقديم للماستر للعام 1432 يعني بشهر جمدى اول ولا ترى زي ماذكرت هناك تصريح من مسؤول معتبر بالعمادة ييفيد بالكلام دا وما اعتقد انو هدا المسؤول قال الكلام دا الا وهو متاكد منو بنسبة 100% وممكن تبجثي عن الموضوع دا بالمنتدى وحتلاقيه بإذن الله
نقطة اخيرة اتمنى ياأم راما انك تسجلي بالمنتدى باسم خاص بيكي وتتركي اسم اخوكي الي بتدخلي بي دايما يعني كدا افضل ولا ايش رايك؟ اتمنى اكون افدتك عن النقة الي سالتي عنها وإدا اي احد من الاخوان عندو جديد او تصحيح ياليت يبلغنا عشان نكون بالصورة

[تميمية القصيم]

تسلمي فندام, حابة أسأل, كم يفترض انه نجيب بالستيب؟

[فندام]

قبل ماأرد عليكي ياتممية القصيم بدي انبهك لشغلة مهمة وهي اني طالب مو طالبة الا اذا كانت الياء زايدة في كلمة تسلمي وبالنسبة لسؤالك عن الدرجة الدرجة المفروض تجيبها با ختبار step بدي اوضحلك نقطة مهمة وهي انو مافي درجة محددة مطلوبة بهدا الاختبار يعني صار زي اختبار القدرات العامة مافيه نجاح ولا رسوب والافضل طبعا انك تجيبي اعلى درجة تقدري عليها لأنو زي ماذكرت بالأعلى الختبار من 100 درجة والنسبة المئويه المحددة له 10% يعني كل 10 درجات عليها نسبة 1% فالمطلوب هو تحقيق اعلى درجة ممكنة

[ابو لنو]

مشكور اخوي فندام ماشاء الله لديك خلفية ممتازة عن الماستر

اخوي انا اريد التقديم منذ فترة للماستر ولكن كلما عزمنا الامر اتت الرياح بلا ماتشتهي السفن ونصرف نظر

طبعاً معدلي مش ولا بد رغم انه جيد متوسط وماراح اغامر بالماستر العام لاني صعب اترشح

لكن حبيت اتقدم على الماستر الخاص مستقبلا اذا لم يحصل ما يصرف النظر

انا لدي خبرة تربوية 6 سنوات+هذا العام=7 سنوات معلم

حبيت استفيد من خبرتك وهي ماهي الدورات اللي راح تفيدني بحال اردت التقدم للماستر مستقبلا

علما اني ارغب الالتحاق ببرنامج تقنيات التعليم لمحبتي بالحاسب رغم انه ليس امتداد لتخصصي بالبكالوريوس

[بشير الزبني]

أتوقع أن موضوع الغاء دورة الــ 40 ساعة لغة أنجليزية

ما راح تلغى ..

يعني راح تبقى للتخصصات التربوية ..


أما استبدالها بالتوفل او الستيب او الكفاياات أتوقع أن تطبيقها صعب جداً

[بندرحمد]

الف شكر للجميع

[تميمية القصيم]

آسفة جداً لعدم الانتباه,
وبارك الله فيك على التوضيح!