التحويل من تعليم عن بعد الى انتساب

[tatem]

الموضوع باين من عنوانه ....
اقدر احول او كيف
وشكررررررررررررررررررررا

[الحالمه بمستقبل جميل]

وانا كمان

[ماريام]

ايوة راجعي القبول والتسجيل واطلبي تحويل يعطونك ورقة تعبينها توفري عن طريقها 1000 ريال
سياسة ممتازة ربي يوفقكم

[Star Night]

التحويل للانتساب لازم اسافر لجدة ؟
تحياتي لكم

[! سلطـــان !]

لا حول ولا قوة الا بالله

اكيد تبين تحولين عشان ادارة الاعمال صح ؟

طيب انتظري شوي وحطي رقمك الجامعي معنا بالشكوى الي راح نرفعها لمدير الجامعة مو بس انتي الي متضرره

لا تستسلمين بسهوله كذا واذا فقدنا الامل وقتها نشوف وش راح نسوي

[Star Night]

الجامعة ما خلت لنا مجال وهذا حل لمشكلتنا التحويل للانتساب اذا وضعنا ما تغير ولا فتحوا التخصص
ولا انسحب من الجامعة واحول لجامعة ثانية عندنا الجامعات مشاء الله كل جامعة تقول انا اهضم حقوق طلابي اكثر

[سر الوجود]

المشاركة الأصلية كتبت بواسطة star night الجامعة ما خلت لنا مجال وهذا حل لمشكلتنا التحويل للانتساب اذا وضعنا ما تغير ولا فتحوا التخصص ولا انسحب من الجامعة واحول لجامعة ثانية عندنا الجامعات مشاء الله كل جامعة تقول انا اهضم حقوق طلابي اكثر

صدقتي فسياسة التعليم في الجامعات تنفير الأمه من الدراسه

والحكم عليهم بعدم طلب العلم والتطوير من انفسنا

لابارك الله فيها من جامعات قامت بتحطيمنا وهضمت حقوقنا

[ابن السعوديه]

المشاركة الأصلية كتبت بواسطة star night الجامعة ما خلت لنا مجال وهذا حل لمشكلتنا التحويل للانتساب اذا وضعنا ما تغير ولا فتحوا التخصص ولا انسحب من الجامعة واحول لجامعة ثانية عندنا الجامعات مشاء الله كل جامعة تقول انا اهضم حقوق طلابي اكثر

اذا ما طاعك السوق ولا طعه

من الحكمه ايجاد الحلول

بالنسبه لى انا حولت انتساب وريحت راسي وتخصصت التخصص اللى ابغاه

احيانا يحتاج الواحد انه يغير طريقة تفكيره.. ولا وش رأيكم.. لحد يزعل هذه نصيحه فقط

[Star Night]

المشاركة الأصلية كتبت بواسطة ابن السعوديه اذا ما طاعك السوق ولا طعه من الحكمه ايجاد الحلول بالنسبه لى انا حولت انتساب وريحت راسي وتخصصت التخصص اللى ابغاه احيانا يحتاج الواحد انه يغير طريقة تفكيره.. ولا وش رأيكم.. لحد يزعل هذه نصيحه فقط

هذا حال الدنيا يبي لنا نفكر ونختار حلول بحيث ما نتخلى عن هدفنا الاساسي


لا هنت اخوي ابن السعوديه حابه اعرف كيف حولت للانتساب ياليت تفيدنا

بكون شاكره لك

[! سلطـــان !]

المشاركة الأصلية كتبت بواسطة star night الجامعة ما خلت لنا مجال وهذا حل لمشكلتنا التحويل للانتساب اذا وضعنا ما تغير ولا فتحوا التخصص ولا انسحب من الجامعة واحول لجامعة ثانية عندنا الجامعات مشاء الله كل جامعة تقول انا اهضم حقوق طلابي اكثر

هو ممكن يكون حل للمشكله بس بالمقابل انتي لك حق ولازم تصرين عليه وما تستسلمين بسهوله

خلنا نشوف وش يصير معنا يوم السبت انا بروح جده ان شاء الله لمكتب مدير الجامعة ويقدم له الخطاب اكتبي رقمك الجامعي معنا منتي بخسرانه شي بعدها انتقلي للحل الثاني ولكن بدون التحويل لجامعة ثانيه الا اذا كانت بتعادلك المواد حرام تضيع سنة من العمر ع الفاضي

وشغلة ثانيه اذا ع بالهم بنسكت حتى لو وضعونا امام الامر الواقع يحلمون ديوان المظالم يناديهم نتقدم بشكوى على الجامعة والمطالبه بالتعويض المادي والمعنوي هالـ 4000 الاف نعرف كيف نجيبها وزود ان شاء الله ما ضاع حق وراه مطالب

المشاركة الأصلية كتبت بواسطة ابن السعوديه اذا ما طاعك السوق ولا طعه من الحكمه ايجاد الحلول بالنسبه لى انا حولت انتساب وريحت راسي وتخصصت التخصص اللى ابغاه احيانا يحتاج الواحد انه يغير طريقة تفكيره.. ولا وش رأيكم.. لحد يزعل هذه نصيحه فقط

صحيح كلامك احيانا نحتاج للتكيف مع الامر الواقع بس بالمقابل ما نتنازل عن حقنا اذا ما خصصونا التخصص الي سلبوه منا بيننا وبينهم ديوان المظالم اقل المكاسب الي ممكن نحصل عليها نبين للراي العام الحقيقه المره داخل اسوار الجامعه