يا اخ يلدرم استشيرك في شيء !!!!!!!

[lulu bajaber]

السلام عليكم ورحمة الله وبركااته

اسمع يا بطل ابى اساءلك هوا في فرز تاني وﻻ ﻻء؟ ولو في حيقبلو
نسبتي 78.57
وابى اعرف لو مافي ايش ممكن تنصحني ادخل وﻻ فين اقدم بالزبط
المشكله انا ما اعرف الكليات في جده وﻻ شيء ما اعرف غير عبد العزيز لانو كل عيلتنا فيها :s
ومرررا شكرا

[bint aboha]

المشاركة الأصلية كتبت بواسطة lulu bajaber السلام عليكم ورحمة الله وبركااته اسمع يا بطل ابى اساءلك هوا في فرز تاني وﻻ ﻻء؟ ولو في حيقبلو نسبتي 78.57 وابى اعرف لو مافي ايش ممكن تنصحني ادخل وﻻ فين اقدم بالزبط المشكله انا ما اعرف الكليات في جده وﻻ شيء ما اعرف غير عبد العزيز لانو كل عيلتنا فيها :s ومرررا شكرا

وعليكم السلام ورحمه الله وبركاته انا برد نيابه عن يلدرم هوا قالي روحي ردي << كذابه

ايوا حبيبتي ف فرز ثاني انا كانت نسبتي 79 وطلع موعد قبولي بعد الإنتظام بإسبوع بعد

ماصارت النفسيه ف أخر أرض أستغفر الله لاتخافي بس الصبر إصبري أسبوع وراح يطلع

لك الفرز إن شاء الله الكليات اللي تابعه لجامعه عزوز هيا الفيصليه للعلمي والسلامه للأدبي

إن شاء الله يقبلوكي ف عزوز يارب موفقه حبيبتي

تقبلي لقافتي

[lulu bajaber]

عادي حبيبتي اتلقفي في اي وقت

مرررا شكرا ياقلبي بس انا بعرف في امل انقبل وﻻ ﻻء وانا حستنى لحد يوم 20 او 22 ازا ماطلع شيء
حقدم انتساب مع اني ما ابى انتساب بس ايش اعمل

سوءال لو دخلت انتساب وشديت حيلي وجبت معدل اقدر احول انتضام وﻻ ﻻء ؟؟؟
وشكرا

[мίŞş мŎŏη]

فيه امل كبير =)
يارب يقبلوكي على الفرز الثاني

[lulu bajaber]

الله يسعدك يا شيخه
ان شاء الله انقبل وارتاح نفسيا :)

[MNMO0ONA]

ان شاء الله تنقبلي
بنت خالتي كانت نسبتها 78 في البدايه مانقبلت الا انتساب وتعليم عن بعد لاكن على اخر مواعيد المراجعه جاها موعد وانقبلت انتظام بس في الفرع
موفقه

[lulu bajaber]

الحمد لله وربي اديتوني امل بس انا ماابى في الفرع
لاني بدخل طب ان شاء الله مع بنت عمتي وبنت عمتي الصلاة عالنبي عليها من الاوءل عالمملكه

وانقبلت وحدخل طب وانا بدخل معاها ان شاء الله

ييارب انقبل وادخل انا وهيا سوا

[رقة الورد]

ان شاء الله أختي و
أنتي تنقبلو
وكل الي نفسة ينقبل

[MNMO0ONA]

المشاركة الأصلية كتبت بواسطة lulu bajaber الحمد لله وربي اديتوني امل بس انا ماابى في الفرع لاني بدخل طب ان شاء الله مع بنت عمتي وبنت عمتي الصلاة عالنبي عليها من الاوءل عالمملكه وانقبلت وحدخل طب وانا بدخل معاها ان شاء الله ييارب انقبل وادخل انا وهيا سوا

حتى اللي حينقبلو في الفرع يقدرو يدخلو طب

[lulu bajaber]

حماااس والله

بس تبي الصراحه انا ما ابى الفرع
بس ازا انقبلت حقول الحمد لله. احسن. من مفيش :)