ياهل السنة التحضيرية ممكن تسآعدوني .. ربي يوفقكم ..

[طآلب هندسه]

السلام عليكم ورحمة الله و بركآته ..


كيفكم عسآكم بخير ..؟!

حبيت استفسر ..
انا اسمع من طلاب كثير .. تذمرهم من السنة التحضيرية ..
البعض يوصفهآ بأنها صعبة صعبة جداً ..
و أن بعض الدكآترة نظآمهم معقد و اسألتهم جداً صعبة و مآتنجح فيهآ ..
و أن البعض منهم يضع الدرجة أو المعدل من راسه .. بدون مآيصحح ..!
انا يآ أخوآن مو من النوع الي يحكم على الشئ قبل مآشوفه و اجربه و أسأل عنه ..
بحكم تجربة الاخوآن الي هنآ .. كيف نظآم السنة التحضيرية هل هو معقد ..!؟
أو كمآ نسمع ان دوآمهم جداً طويل .. من الصبآح للين اللليل ..!؟


و بالنسبة لمعدل المطلوب للهندسة و الطب ..؟!
كم كآن السنة هذي ..؟!


تكفون يآ أخوآن لا تبخلون علينآ نحن الطلآب ..؟!

[Abdulrahman alqahtani]

اهلين اخوي وعليكم السلام ورحمة الله وبركاته

[هذا اللي استفدناه من بعض المواضيع اللي مالها داعي بس تشوش على تفكير الطلاب]

اخوي ما عليك وربي السنة التحضيريه انها سهله من ناحية الدراسه واما من ناحية الدكاتره فخلك مع الدكتور تمام

والله العظيم ان يوصلك حقك كامل وعليها اكراميه بعد

بس بصراحه كل اللي تذمروا من السنه التحضيريه (وانا منهم) كنا نلعب ونسحب على المواد وفي الاخير اكلناها على روسنا

ما نقول الا الحمد لله انها عدت على خير بس

وانت لا تشيل هم زي ما قلتلك ذاكر وادرس وان شاء الله درجاتك تكون في العلالي

اما بالنسبة لسؤالك عن المعدلات ما ادري والله انا دخلت حاسب

والسلام عليكم

اخوك/راقـ ي ورايـ ق

[طالب طب في المستقبل]

وعليكم السلام ورحمة الله وبركاته

اهلين اخي العزيز حياك

شوف راح واصفلك السنه التحضريه في الكلام اللي بقوله

اولا خلك من كلام الناس اللي لا يودي ولا يجيب لانه اكبر مشكله واجهناها في التحضيري هي الاشاعات
والسنه التحضرية علمتني اني مااسمع الا الكلام الموثوق وبس

ثانيا نتكلم عن السنه التحضيريه راح تدرس فيها تسع مواد مقسمه على ترمين
الترم الاول راح تاخذ فيه مواد على حسب خطتك
خطه أ (رياضيات -فيزياء-حاسب - مهارات الاتصال -لغه انجليزيه 1)
خطه ب (كيمياء - احياء -احصاء -لغه انجليزيه 2)
وهي نفس اللي درسته في الثانوي بس بالانجلش وصدقني ان الدراسه بالانجلش اسهل من العربي
وشوف السنه التحضيريه سهله لو تعطيها حقها في المذاكره وصعبه لو تهملها

ثالثا بالنسبه للدكاتره ماعليك في دكاتره كويسين وفي دكاتره .....؟؟ الله لا يوريك بس احلى مافي السنه التحضيريه
انو مافي ولا درجه في يد المدرس مايقدر يضرك في شي اما الاختبارات فهي موحده لجميع طلاب التحضيري
يعني الدكتور حقك ماله صلاح في الاختبارات والتصحيح الكتروني ويعني حتى التصحيح ماله صلاح فيه

رابعا بالنسبه للدوام احيانا من 8-4 العصر واحيانا 12 الظهر انت والجدول حقك

خامسا المعدل اللي وقف عليه الطب هذي السنه 89.333 يعني مايقارب 4.6 هذا هنا في جده
والهندسه 76.222

واتمنى اني افدك

واي استفسار اسال وحنا في الخدمه

اخوك دــ عبدالرحمن المالكي

[Abdulrahman alqahtani]

^^^

اهلا اهلا يا طالب طب

مبروووووك يا السمي والله وعقبال التخرج ان شاء الله ونشوفك دكتور (أد الدنيا)

والله اني فرحتلك ما شاء الله عليك

يا اخوي واخو كل اللي في المنتدى خخخ

[طآلب هندسه]

الله يهدي بعض الطلآب شوشونآ و قآلو فيها و كثرة تذمرهم ..
كأني بصراحة أحس جآمعة الملك عبدالعزيز بأنهآ أكسفورد أو هآرفورد ..
ومآيمشي الطآلب فيهآ الا يوم يشيب رآسه ..

/
\


المشكلة الي كنت اسمع فيهآ ان الدرآسه بالانجليزي ..
و كنت اسمعه من نآس كثير يتذمرون من هالشئ ..
حبيت اسأل عن القآعآت هل هي ممتلئة .. يعني في حدود كم ..؟!
الشئ الثاني تعآمل الدكآترة معكم يالطلآب ..
كيف ..؟ لاني لآحظت تعآملهم يوم رحت اختبر قياس ..
فيه شدة شوئ .. و معقد بعض الشئ ..؟!

سؤالي الاخير الـ 76.222 تعتبر كم بالمعدل ..
يعني 4.0 ..؟

[طالب طب في المستقبل]

المشاركة الأصلية كتبت بواسطة راقـ ي ورايـ ق ^^^ اهلا اهلا يا طالب طب مبروووووك يا السمي والله وعقبال التخرج ان شاء الله ونشوفك دكتور (أد الدنيا) والله اني فرحتلك ما شاء الله عليك يا اخوي واخو كل اللي في المنتدى خخخ

هههههههههه

هلا فيك والله

الله يبارك فيك وفي ايامك وفي عمرك كله

الله يسلمك والله وهذا ان دل يدل على طيب اصلك يالحبيب

اخوك ياراقي كمل الباقي خخخخ

[طالب طب في المستقبل]

المشاركة الأصلية كتبت بواسطة طآلب هندسه الله يهدي بعض الطلآب شوشونآ و قآلو فيها و كثرة تذمرهم .. كأني بصراحة أحس جآمعة الملك عبدالعزيز بأنهآ أكسفورد أو هآرفورد .. ومآيمشي الطآلب فيهآ الا يوم يشيب رآسه .. / \ المشكلة الي كنت اسمع فيهآ ان الدرآسه بالانجليزي .. و كنت اسمعه من نآس كثير يتذمرون من هالشئ .. حبيت اسأل عن القآعآت هل هي ممتلئة .. يعني في حدود كم ..؟! الشئ الثاني تعآمل الدكآترة معكم يالطلآب .. كيف ..؟ لاني لآحظت تعآملهم يوم رحت اختبر قياس .. فيه شدة شوئ .. و معقد بعض الشئ ..؟! سؤالي الاخير الـ 76.222 تعتبر كم بالمعدل .. يعني 4.0 ..؟

طيب اخي وش يعني الدراسه بالانجلش شي عادي واسهل بمراحل من العربي

بس اللهم احفظ المصطلح وخلاص مو لازم تكون فنان بالانجلش

وبالنسبه للقاعات والله على حسب خبرتي انو اذا كان الدكتور كويس تشوف القاعه مورمره مليانه

يعني لكن مستحيل يحضر العدد كامل

وشوف بالنسبه ليه انا ماقد حضرت كلاس الكيمياء الا مره او مرتين يعني عادي

والاحياء وصلت فيها 11 غياب لكن اعيد واكرر على حسب الدكتور

تعامل الدكاتره ماعليك من الدكتور يجي الكلاس يعطيك اللي عنده ويضرب الباب

وماعليك فيه واذا عندك شي روحله المكتب انشب له عادي هذا من ابسط حقوقك

وبالنسبه للمعدل والله مااقدر افتيلك لكن بحسبها واشوف

واتمنى لك التوفيق

[اسامـــه]

المشاركة الأصلية كتبت بواسطة طالب طب في المستقبل بس احلى مافي السنه التحضيريه انو مافي ولا درجه في يد المدرس مايقدر يضرك في شي اما الاختبارات فهي موحده لجميع طلاب التحضيري يعني الدكتور حقك ماله صلاح في الاختبارات والتصحيح الكتروني ويعني حتى التصحيح ماله صلاح فيه اخوك دــ عبدالرحمن المالكي

يا عبودي الله يصلحك الدكتور له صلاح ونص في درجتك صح ان التصحيح الكتروني يعني البونس يفرق من دكتور لدكتور وهكذا
وبالنسبة الى طالب هندسة السنة التحضيرية سهلة مافيها شي معقد حتى ولو ماعندك انجليزي تقدر تمشي فيها تمام
بالتوفيق

[د.شيمو]

الصراحة في البدايه حتواجه صعوبات في اللغة وطريقة المذاكرة واهم شي في المذاكرة التركيز على الشي المهم وانك تحاول التعامل مع اي سؤال يواجهك في الاختبار لانهم الصراحة مايجيبو الاسئلة بنفس نمط الكتاب لازم في شوية غموض والشاطر الي يقدر يفك هذا الغموض وبعد ما تتعدى حاجز الغة حتواجه مشكلة تعقيد الاسئلة في بعض الاختبارات او بمعنى اصح محاولة تتويه الطالب عن الجواب الصح لان الخيارات تكون قريبة من بعض فتطلع من الاختبار وانت واثق من حلك وتتفاجئ انك غلطت غلط بسيط وعلى فكرة الغلط هذا يروح عليك درجة يعني ع كل سؤال درجة في بعض المواد ان شاء الله اكون افدتك بس هذا الكلام الي قلته هو الصراحة من غير لف ولادوران

[دنـــا]

مآآشآآآآآآآء الله كفو وفـو اهل الخبرة^_^
تبي تجيب معدل لاتسحب وخليك مجتهد و ذاكر اول بأول ولاتسمع للاشاعات<~هي اللي تضيع بس

كل حاجة بالاجتهاد بتحصل عليها
وان شاءالله السنة الجاية زي كدا نقولك مبروك ياباش مهندس