تخصص اللغة الانجليزية ... س/ج

[The Shark1401]

السلام عليكم

وانا وكثير من زملائي الطلاب والطالبات نطمح نتخصص انجليزي .
لكن عندنا أسئلة كثيرة ونبحث لها عن اجابة .
أتمنى من الطلاب والطالبات و المشرفين اللي درسوا تخصص لغة انجليزية يساعدونا .

بعض الاسئلة اللي محيرتنا ونبحث عن إجابة لها


س/ كم المعدل الطلوب للتخصص في اللغة الانجليزية ؟

س/ هل مسار الترجمة متاح لطلاب وطالبات الانتساب أم فقط الادب الانجليزي؟ وما الفرق بين التخصصين ؟ ومامدى صعوبة كل منهما ؟

س/ هل نحتاج إلى الإستعانة بمدرسين ودروس خاصة لنتمكن من إجتياز المواد ؟

س/ ماهي طريقة أداء الاختبارات ؟ هل هي كتابية أم اختيارات (ملتيبل شويز ) ؟ وهل فيها اختبارات معامل و شفوية ؟

س/ هل ندرس الانجليزية البريطانية أم الأمريكية ام ندرسها جميعا ؟

س/ هل نستفيد من التخصص في حياتنا العامة ونطور انفسنا من الممارسة في الحياة العامة أم اننا ندرس عمق اللغة الغير مستخدمة في الحياة العامية ؟

س/ ماهي مجالات التوظيف بعد التخرج للمسارين ؟

أخواني وأخواتي أرجوا الاجابة على الأسئلة بكل صدق وشفافية لأنه سوف يترتب على هذه الاجابات مستقبل اشخاص كثير

وفق الله الجميع لكل خير

[nasser2004]

الله يوفقك اخوي حبيت ارفع الموضوع فقط

[The Shark1401]

وأياك اخوي

مافية اي اجابات ؟!!!!!!

[ملآك~]

آنا إللي اعرفه .. إن على حسسسب درجتك بالانجليزي لآزم تكون 90 وفوق ..
وبالنسبه لـ آلاداء الاختبارات آي ماده تتخصصها مسسستحيل تجيك ملتيبل تشويز لآنه تخصص لآزم تكون فاهم فيه وتحل آسئلة مو اختياري . . يعني كله كتابيه بإستثناء المواد الحره تجيك آختياري ...
وبالعكسسس إللي يتخصص إنجليزي بيتقن اللغه مزبووووط وبتنفعه كثيير في حياته في تعاملاته في كل شي لآ اتقن اللغه وعنده محصوول كبيييير من الكلماااات ..

بالنسبه لسؤآلك إنو نحتاج الاستعانه بمدرس خصوصي .. هو شي رآجع لك .. وعلى حسب الدكتور اللي يدرسك إذا يفهم المنهج مزبوط آو لآ .. عموما خليك مركز معااه وافهم آي نقطه يشرحها وذاكر آول بأول وبكذا ما راح تحتاج مدرس خصوصي بإذن الله ..

هذا اللي عرفت اجاوبه من اسئلتك .. بـ التوفيق ..

[The Shark1401]

الله يعطيك العافية ملاك

أنا في elca 101 كانت درجتي 92 وفي elca102 درجتي 88 ينفع اتخصص ؟

بالنسبة لكلامك عن المدرس الخصوصي انا طالب منتسب يعني ماحضر للدكتور محاضرات عشان اعرف كيف اسلوبه في الشرح او متمكن او لا . ايش رايك مايحتاج مدرس خصوصي ؟

[أبو سـالي]

لكل مجتهد نصيب
الواحد منا والوحدة ايضا لابد ان تجتهد لتحقق طموحها في الحياة
وايضا الاتكال على الله في كل شي
وكل تخصص في اي دراسة له مستقبل بس يعرف كيف يوجهه
وبالنسبه للمدرس الخصوصي لزيادة استيعاب المادة وليس لشرح المادة
يعني ما ينفع ناخذ مدرس واحنا ما فكينا الكتاب
وأتمنى للجميع التوفيق والنجاح

أنا تخصصي بإذن الله لغة انجليزية
وبنسوي قروب كامل لهذا التخصص مستقبلا
للمذاكرة والشرح والمراجعة
وتقبلوا مروري
مانع العمري

[The Shark1401]

الله يعطيك العافية ابو سالي
كلامك صحيح
اذا انا تخصصت ان شاء الله انجليزي اعتبرني معكم في القروب

[سااااااااااره]

ابي احد يجاوبنا على السؤال الثاني اللي هو مجال ادب الانجليزي والترجمه مفتوح للانتساب وايهم اصعب

انتظر ردكم

[إلهام]

المشاركة الأصلية كتبت بواسطة The Shark1401 السلام عليكم وعليكم السلآآم ورحمة الله حيآآكــم ‘‘ وإن شآء الله أفيدكم باللي أقدر عليه س/ كم المعدل الطلوب للتخصص في اللغة الانجليزية ؟ المعدل يختلف ,, البنآآت ركزوآ آخر سمسترين على إنو المعدل يكون فوق الــ4 ودرجآت الإلكــآ 1 و2 الأفضل تكون فوق 95 أو على الأقل 90..أما بالنسبة للأولآآد ماعندي جوآب أكيد.. س/ هل مسار الترجمة متاح لطلاب وطالبات الانتساب أم فقط الادب الانجليزي؟ وما الفرق بين التخصصين ؟ ومامدى صعوبة كل منهما ؟ قسم اللغآت الأوربية إلى الأن مسآر وآحد وأغلب الموآد أدب وبرضو في موآد تتعلق بالترجمة..>كوكتيل حلوو . بالنسبة للصعوبة بمآ إنوا الى الآن مآفي الأ مسآر وآحد ما نعرف مقدآر صعوبة الأخر(الترجمة ) بس على كل حآل قسم الأنجليزي يحتآآج إلى جهد مضآآعف ... س/ هل نحتاج إلى الإستعانة بمدرسين ودروس خاصة لنتمكن من إجتياز المواد ؟ هذا السؤال يعتمد بشكل كلي على الشخص ...من تجربتي الشخصية موآد زي الريدينق والليسيننق ما تحتآآج لأن كل شيء عليك قوي لفتك بنفسك ذآآكر المقرر ..عندك القدرة على ادارة وقتك في الإمتحآنات ..بإذن الله تنجح وبتفوق س/ ماهي طريقة أداء الاختبارات ؟ هل هي كتابية أم اختيارات (ملتيبل شويز ) ؟ وهل فيها اختبارات معامل و شفوية ؟ بالنسبة للأختبآرات غآآلبآ ما تكون طويلة شوي بعضها يوصل إلى 7 صفحآت ..وطبعآ الأغلبية كتآآبي ومقآلي ..رتب نفسك ورآح تحل بإذن الله س/ هل ندرس الانجليزية البريطانية أم الأمريكية ام ندرسها جميعا ؟ تقريبآ في أول سمسترين رآح نركز على الإمريكية ..لمآ نتقدم في القسم رآح ندرس بالبريطآنيه لأننا راح ندرس موآد الأدب... س/ هل نستفيد من التخصص في حياتنا العامة ونطور انفسنا من الممارسة في الحياة العامة أم اننا ندرس عمق اللغة الغير مستخدمة في الحياة العامية ؟ أكيـــــد ...بس لــ تطويرك لنفسك من وقت لآخر وعدم اعتمآدك فقط على المقررآآت له دووور كبير ووآضح في تحسين اللغة س/ ماهي مجالات التوظيف بعد التخرج للمسارين ؟ أكيد التدريس أهم مجآآل ..البآآقي ما أدري بصرآآحة أخواني وأخواتي أرجوا الاجابة على الأسئلة بكل صدق وشفافية لأنه سوف يترتب على هذه الاجابات مستقبل اشخاص كثير وفق الله الجميع لكل خير

أتمنى قدرت أفيدكم ولو في شيء بسيط وأي استفسآر آخر أنا جآهزه


~~~~

Elham

[The Shark1401]

إلهام الله يوفقك ماقصرتي

وننتظر إجابات من باقي الاعضاء