سؤال + استفسار مهم لأولاد التحضيري 2010 بخصوص سكن الجامعة

[Kaira]

السلام عليكم ورحمة الله وبركاتو

كيف الحال ؟؟؟ ايش الأخبار ؟؟

المهم
حأدخل في الموضوع على طول ^^"

هوة خاص لأولاد التحضيري لدفعتنا 2010 وممكن كمان لأولاد التحضيري السنة الي فاتت
أنا واحد من أقربائي السنة الجية احتمال يسجل في جامعتنا عبدالعزيز وهوة من مكة ..
فهوة حاب يستفسر عن السكن في الجامعة كيف يعني ؟؟ وهل هوة بس لطلاب النتظام فقط ؟؟
يعني لو دخل انتقالي او تأهيلي مالو سكن ولا كيف ؟؟

يعني أبا معلومات كااااااافية وواااافية الله يخليكم عن سكن الجامعة حق الأولاد ولا كيف ..
يا ليت الي كان في سكن جامعي يقولي ويخبرني
أو لو كان في سكن برة الجامعة يعني شقة عزوبية أو شي زي كدا وتكون كويسة

بليييييييييييز أبا مساعدتكم أخواني =(

وشكرا جزيلا لكم

[Glamor Mada]

هوا اول ما حيجي الجامعه عشان يستلم بطاقتو الجامعية .. رح ياخدوهم جوله عالجامعة بالباص وبعدين يروحو لعمادة شؤون الطلاب في صالة النشاط الطلابي وهناك رح يكون في المسؤولين عن السكن .. لازم يسجل اسمو ورقم جوالو في الورقه حقت اللي يبغو السكن وبس .. طبعا اول ما يبدا دراسه رح يبدؤو يسكنو الطلاب على حسب اللي سجل اسمو اول .. فا نصيحه مني قوليلو يروح العماده بدري عشان يسجل اسمو قبل غيرو لانو هما رح يسكنو بالترتيب فا احتمال لو انه سجل اسمو متاخر رح يسكنوه بالترم الثاني او يمكن السنه الجايه حتى .
اما عن سؤالك انو اذا كان لطلاب الانتظام بس فا ماعندي معلومه والله سامحيني .. حسأل واردلك انشاءالله

[مـــآجد]

اللي انا اعرفه وشفته مع الطلاب

انوا هم يسكنوون اللي بعيد عن جده

واحد من اصحابي قال لهم انه من مكة والثاني قال انا من تبووك
اللي من مكة مادووا له شئ

يعني خليه يقول انا من منطقة بعيدة

[Kaira]

المشاركة الأصلية كتبت بواسطة glamor mada هوا اول ما حيجي الجامعه عشان يستلم بطاقتو الجامعية .. رح ياخدوهم جوله عالجامعة بالباص وبعدين يروحو لعمادة شؤون الطلاب في صالة النشاط الطلابي وهناك رح يكون في المسؤولين عن السكن .. لازم يسجل اسمو ورقم جوالو في الورقه حقت اللي يبغو السكن وبس .. طبعا اول ما يبدا دراسه رح يبدؤو يسكنو الطلاب على حسب اللي سجل اسمو اول .. فا نصيحه مني قوليلو يروح العماده بدري عشان يسجل اسمو قبل غيرو لانو هما رح يسكنو بالترتيب فا احتمال لو انه سجل اسمو متاخر رح يسكنوه بالترم الثاني او يمكن السنه الجايه حتى . اما عن سؤالك انو اذا كان لطلاب الانتظام بس فا ماعندي معلومه والله سامحيني .. حسأل واردلك انشاءالله

مممممــ
يعطيك العافية عالتوضيح مررررررة تشكراتي الحارة ^___^
التسجيل متى يفتح ؟؟ يعني يكون التسجيل النموزدجي ويكون بدري مرة ؟؟

[Kaira]

المشاركة الأصلية كتبت بواسطة مـــآجد اللي انا اعرفه وشفته مع الطلاب انوا هم يسكنوون اللي بعيد عن جده واحد من اصحابي قال لهم انه من مكة والثاني قال انا من تبووك اللي من مكة مادووا له شئ يعني خليه يقول انا من منطقة بعيدة

أها أيوة فهمت
شوكراتي أخ ماجد عالمعلومة ..

[Glamor Mada]

المشاركة الأصلية كتبت بواسطة kaira مممممــ يعطيك العافية عالتوضيح مررررررة تشكراتي الحارة ^___^ التسجيل متى يفتح ؟؟ يعني يكون التسجيل النموزدجي ويكون بدري مرة ؟؟

امممممم صعبه تفهمي اللي اقصدو .. بس خليه يروح يسجل اسمو في ورقة السكن اللي في عمادة شؤون الطلاب في اول يوم تبدا الجامعه تستقبل الطلاب عشان ياخدو بطاقتهم الجامعيه .. يعني اول يوم تسجيل في الجامعه يروح حتى لو ماكان دورو .. يعني اللي اقصدو انو التسجيل بالجامعه يكون على حسب الدرجات فا الاولوية للي درجاتهم اعلى .. بس قوليلو يروح يسجل اسمو بالسكن حتى لو ماكان دورو في اول يوم عادي خليه يروح عشان يسجل اسمو اول واحد في القائمة عشان يسكنوه بسرعه

[ǁ غــلأآإ ، رٍوٍحــي ǁ]

يعني لو دخل انتقالي او تأهيلي مالو سكن ولا كيف ؟؟

.{ حتى لو انتقآلي يقدر يتسسكن .. اعرف مجموعه انتقآلي من أقربآئي واتسسكنوآآ في سكن الجآمعة ^_^


بسس التآهيلي اي دونت نوو :(

[WAFA 13]

تاهيلي وانتقالي وحتى انتساب يتسكنون لكن زي ما قال الاخ لازم يسجل بدري ......... بالتوفيق

[د/ روميو]

اهلا ً


عادي (انتظام ، انتقالي ، تأهيلي ، ) ..

كلهم يسكنون في السكن الجامعي ،،

-----

ومثل ماذكروا لو يسجل اسمه اول يوم -حتى لو كان تقديمه مو اول يوم-

عشان يستلم السكن على طول ..

واي خدمة انا قريب ..<<في نفس القسم .

>طالب في السكن الجامعي<

[husseing]

المشاركة الأصلية كتبت بواسطة د/ روميو >طالب في السكن الجامعي<