استفسار عن رابغ ..

[Hayate Lak]

السلام عليكم ..

بعد التحيه .. نقول صباح او مساء الخير ..

انا انقبلت طب وجراحه في رابغ وصراحه متحمسلوو مررره بس الناس بتخوفني , ف ابا ارائكم هل استمر على عزيمتي .. !!

لني ابا التخصص هذا وفرحت بيه فوق ماتتوقعو ..
لنه تخصص مطلوب ..

فيدوني الله يخليكم ..

[hasooona]

كمل وماعليك اذا قدرت تتأقلم كمل
واذا ماقدرت فانت سويت الي عليكـ

[Hayate Lak]

ان شاء الله بتاقلم وبكمل لنو التخصص مايتفوت ..

[hasooona]

المشاركة الأصلية كتبت بواسطة hayate lak ان شاء الله بتاقلم وبكمل لنو التخصص مايتفوت ..

الله يوفقكـ

[Hayate Lak]

طيب انت رحت رابغ وعارف ايش فيها ايش تنصحني اسوي اشان اتاقلم .. ايش اكبر مشكلة واجهتك هناك ..

[hasooona]

المشاركة الأصلية كتبت بواسطة hayate lak طيب انت رحت رابغ وعارف ايش فيها ايش تنصحني اسوي اشان اتاقلم .. ايش اكبر مشكلة واجهتك هناك ..

اكثر شي كان مشكله الاكل والمطاعم
وبعدين سعر السكن لانه كل الي هناك بيوت شعبيه يعني قليل العماير المسلحه وكلها عائلات
وبعدين الملل لانه مافي شي هذه رابغ قريه فيه شارع رئيسي وفيه كل شي من سجن لمحكمه
لشرطه كل شي في شارع...
بس فيها شي حلو الي هوا البحر الي مافيه الا انت لوحدك زي الجني..
لكن لو كنت ولد بيتوتي بس بتقعد تذاكر طول الوقت فرابغ هيا المكان المناسب
لكن حط في بالك لا ملخاصت تجي لك ولا حاجه
يعني انتوا في جده كان تجيكم الاسئله من الشرح لكن احنا؟؟
والدكاتره كنا نسالهم الين فين الاختبار يقول ماادري .. .. ..

[hasooona]

غير كذا لاشبكه اتصال زي الناس
ولا في خطوط مويه يعني كله وايتات
ولا في انترنت عدل زي الناس
والكهرباء دايما تنقطع لما الجو يكون رطوبه<-----ليش مني داري؟؟

[طفشان حدي]

يا شيخ حطمتنا حرام عليك أنشاء الله تنحل

[Lujee]

أنا اعرف رابغ تمام

رحت كدا مررة

عشان فيها سكن أرامكوو ..

شووف صراحة قوول الحمد لله انقبلت طب ولو في المريخ

كمان جو رابغ ينفع للمزاكررة .. يمكن تطلع تزاكر انت و أصحابك قداام البحر بهدووووء

كماان يقولو بيبنولكم مباني عالبحر حللوووة

و مدام إنتا من جدة

جدة خطوتين كل ويكإند تعااال

ولو حصلت نفسك مررة فااضي في وسط الأسبووع تعاال يعني كلهاا شغلة ساعة ونص

ولو عندك واسطة في السكن حق ارامكوو رووحوو

مرررررة يجنننننننننننن

شد حيلك و إن شاء الله لو جبت معدل يمديك تحول هناا ..

بالتوفيييق

[Hayate Lak]

والله جد لو في المريخ مو مشكلة ..
وصراحة انا ماحب الطلعات والدخلات ..
وبالنسبة للنت كونكت والحمد لله والاختبارات هناك دحين تخصص يعني من نفس الكليه الي هناك معد فيه اسئلة موحده ..
ربك بيفرجها الحمد لله ..
انا بالقوه جبت معدل اشان ادخل طب ان شاء الله التاقلم سهل وماعلينا ربك مايخلق الا يدبر