الأرز الكابلي من مطبخي بالصور ...

[ستأتي أيامي]

السلام عليكم ورحمه الله وبركاته ..





كيف الحااااااااال والأحواااااااااال

اليوم جاء على بالي أسوي رز كابلي ..
عشان أنا مرره أحب هذا الرز وقلت يلا أطبخ وأصور لأخواتي حبيباتي ..
المقادير ..
كيلو لحمة تقريبا ..
رز حسب مقداركم اليومي ..
لبن زبادي علبة ونص ..
بصلتين مقطعة صغير صغير ههههههههه.
فصين ثوم..
جزر مبشور أو مقطع ..
قشر برتقالتين مبشور .
ربع كاسة صغيرة زيت ..
بهارات موية سلق اللحمه قرفة وهيل وملح ..
بهارات اللحمه بعد السلق ( ليمون ناشف - قرنفل - هيل - قرفة - فلفل أسود - شيبة )..
بهارات الرز الأصفر ( قرنفل - قرفة -هيل -فلفل أسود - ملح - هرد ( كركم ))..
بهارات الرز الأحمر (قرنفل -قرفة - هيل - فلفل أسود - ملح - ملعقتين معجون طماطم )..
وبسس
1- جيبي قدر وغسليه مزبوط وحطي اللحمه والقرفة والهيل والملح وأسلقيها لمدة ساعة ونصف ..
2-أنقعي الرز في المويه ..
3- خرجي اللحمه وحطيها في صحن ، وأقسمي المرقة ( المسلوقة - موية السلق )نص حطيه في قدروخليه الرز الأصفر ..



والنص الثاني حطي في قدر ثاني وخليه الرز الأحمر ..




وعشان تعرفي المرقة مزبوطة ولا لأ ،حطي الملقة زي كذا لو وقفت يعني الموية تمام ولو طاحت يعني الموية زايدة ..




ولو زادت المرقة أرفعيها لاستخادمات أخرى ..



4- جيبي البصلتين المقطعة والثوم وحطيهم في قدر مع الزيت ولازم يكون القدر كبير عشان حتصير في انقلابات ..



5- لما يصفر البصل شويا حطي اللحمة وبهارات اللحمة بعد السلق واللبن الزبادي والجزر وقشر البرتقال وخليهم ربع ساعة ..





6- الرزالأحمر والرز الأصفر خلاص استووا أقلبي القدرين على قدر اللحمة وقلبيهم بشويش عشان الرز ما يتغفص إلين تحسي الخلطة اللي تحت جات للرز كللللللو بجميع ألوانو ..


7- خلي الرز 5 دقايق وطفي النار ..
8- بالهنا والشفا ..



.
.
.
.
.
.
made in skaau