الأمـــــل يتجدد بلا أغاني ،، لنمضي حياة لها أسمى المعاني *_^

[.,.نيــــــــــــــــــــران.,.]

السلام عليكم

اليووووووم التقيت مع الغاليتين نجود وايقاع المطر عشان نروح للدكتورة أمل شلبي مشرفة اللجنة الاسلامية
رحنا ندورها في المبنى السادس ومالقيناها
وبين تفكير واستغلال للوقت شدينا الرحال لمبنى 13 عشان نكلم مديرة النشاط ، لكن طلع المكتب مقفل
قلنا نروح لوكيلة نشاط الطالبات ، مقفل برضو
قلنا نخش على مكتب مديرة الوكيلة ، شفنا مسئولة قلنالها احنا نبغه نكلم أحد عشان نوزع ...الخ

الحرمة دخلت في عيوننا "ترى ذي مسئولية ولازم العميدة تشوفه وهذا تعميم من الوزارة وشوفوا ترى فيها فصل من الجامعة !! ومافي وفي ومافي وممنوع "
انا فاااهمة الكلام ذا واقول لها صح ايوة صح ايوة ..
ودلتنا على العلاقات العامة أ.امل السيد "روحولها وانتبهوا تسوون حاجة بدون تصريح أهو حذرتكم"

شلنا نفسنا ورحنا ندور أمل السيد قالولنا موجودة في السادس
رجعنا المبنى السادس وقلنا خلونا نشوف امل شلبي جات وللا لا
وحصلناها في المكتب معاها بنوتة ربي يسعدها
المهم قلنالها عندك خبر عن الحملة ؟!
قالت لا والله ماعندي >> سبحان الله كنت حاسة انه محد قلها شي بس مشوا حالكم
المهم باركت الشغل وجدا شجعته وهذا عمل رائع منكم وأوصت بتطبيقه في الملتقى اللي في الاسبوع الجاي
مشاورات من هنا ومن هنا وقالت خلاص حنقول ذا في اجتماع اللجنة في قاعة المؤتمرات..

البنوتة قالت لي تجين معايا عشان تقولينه بنفسك أفضل ؟
قلت لها حلو

الساعة 1 رحت مع نجود ومس بيبي والبنوتة لقاعة المؤتمرات وحضرنا الاجتماع

كانت الرئيسة هي د.منيرة باحمدان والحلو انها عندها فكرة عن الحملة تماما

ويوم جا دورنا قلنا العمل وآلية تنفيذه :
* يكون لنا برنامج خاص في المسرح نعرف فيه البنات ايش مضمون حملة حياتي بلا اغاني : طقوس حنعرض المكس في شاشة العرض

* ونسوي عرض رياضي >> طبعا يدرب عليه قبل البرنامج بواسطة مدربة

* وفقرة تكون زي فكرة "قصة تائب" يكون الشخص يتكلم كيف ترك الاغاني وكيف أصبح بعد ترك الاغاني

* بعد كذه نوزع المنشورات والسيديهات والمطويات



للمعلومية : الطباعة حتكون على حسابنا الخاص فإللي حاب يقط أهلا وسهلا
بس مو دحين ، بعد ماأختم الاشياء وأوقعها من الرئيسة عشان مااجمع فلوس ع الفاضي لاسمح الله

اتمنى ان لا أصل إلى حالة احباط وتعقيد بعد اللي صار اليوم ياررررب ياكررريم


كونوا متابعين