ارجو الاجابه حتى اذا ما تعرفوا

[SOosOoOo]

محاسبه متوسطه استاذه صباح

تكاليف استاذه عيشه

مالية شركات استاذه خديجه

نقود وبنوك حاجه

كيف دول الاساتذه يا بنات استاذه صباح دمها ثقيل استاذه وخديجه ما تعرف تشرح صح
والبقيه كيف

[soso139]

سمعت إنو يقولوا حاجة مرررررررررة تمام
بس ماجربتها

[تفـــــــــــــاؤل]

والله أستاذه عيشة مره تمام في التكاليف أنا اخذت عندها الترم اللي فات أسئلتها سهلة وشرحها يبغالك تركزي معاها.
ومالية لاتاخذيها مع استاذه خديجة مرره سيئه يقولوا صحبتي حملتها من عندها وأنا أخذتها عنداستاذه سحر مرره رائعة والمادة عموما سهلة..وكمان استاذه نسمه كويسة.
ونقود استاذه حاجة كويسة بس تعطيك منهج كثير أنا أخذته عند استاذه لمياء ششه 32 صفحة المنهج بس وكلهم كويسين وجاء النهائي موحد كمان.. وبالتوفيق للجميع واذا تبي محاضرات عندي للمواد الثلاثة وكاملة الحمد الله..

[راجية الجنان]

صباح ممتازه وشرحها مررررره رائع وعلى قد شرحها تجيب اسئله يعني يقولو انها صعبه بس انا اشوف اسئلتها حلوة و يبغالها تشغيل مخ بس مدري هيا كيف في المتوسطه انا عني اخذت معاها حكوميه والمتوسطه اخذتها مع فاطمه كمال وكانت قمه في الروعه

عيشه السيد اخدت معاها تكاليف بصراحه ماتعرف تشرح وتجيب النوم بس اسئلتها حلوة لو ذاكرتي كويس تجيبي درجه عاليه معاها

اممممممممممم خديجه جدا سيئه واسئلتها صعبه وترسب مرررررره كتير انصحك تاخدي مع سحر مهران او نسمه كلهم احسن من بعض

واتمنى اكون افدتك .... بالتوفيق

[شـــــاي بليــــمونة]

عيشة سيييييئة اخذت معاها محاسبة 2 استغفر الله ما ابغى احش فيها بس ابدا ما انصح فيها
وخديجة نزل لي معاها مالية العام وحضرت معاهامحاضرة وحدة صراحة مررررة شرحها معقد وسحبت والترم اللي راح نزلت المادة مع سحر مهران شرحها حلو واختباراتها سهلة وتجيبين فيه a+بالراحةان شاء الله لكن النهائي مع انه سهل بس ما ادري ليش البنات ينزلو معاها زي كذا وترى نسمة من نفس مستوى سحر
صباح صحبتي تمدحها وتقول نفس شرح ريم صقر وسارة بكر وتراعي بس انا ماجربتها
وحاجة ما ادري عنها صراحة
وترى في النهاية العلامات رزق ومالها دخل لا بالمادة ولا بالاستاذة
وبالتوفيق

[نينا]

استاذه صباح رائعه واسئلتها على قد شرحها ومررررررررره تفهم ومره طيوبه

استاذع عيشه طيبه واسئلتها سهله وتجيبي معاها درجه اختبارها سهل بس شرحها مو ذاك الزود بس خذي معاها

استاذه خديجه قبل سنه ونص اخذت معاها وقالت ببتقاعد
وغريبه الين دحين موجوده بس عالعموم انا استاذه خديجه عجبتني ودرجتي معاها كويسه الحمدلله

[حأقعد عالكاشير]

حاجة كويسة كشرح وكأسئلة كمان

[Dream Girl]

استاااذه صباااح عليها شررررح لايعلى عليييييييه شرحها ميه ميه بس اسئلتها صعببببببببببببببه من جد صعبه تجبلك فكره تجلسي تحوسي براسك وبدمااغك لين تجيبيهاا يعني اسئلتها والله جدا صعبه
عيشه السيد ادميه هااديه محاضرتها تطفش من كثر ماهي ادميه تحسيها عله وماتعرف تشرح ولاتفهم انتي بوادي والمحاضره بوادي اللهم انك اله كاتبه تكتبي معاها بس واسئلتها اممممم نص ونص خديجة حريري ياقلبي عليها الادميه دي اخلاااق وراااقيه وشرحها مو بس حلوو الا خوقاااقي يعني تحبي المااده وتربطلك هياااا بالعالم الخاارجي مو بس تشرح وخلااص يعني كلاسها من جد كان روعه بس عليها اسئله واللليل كيف صعبه ... يعني من جد من جد صعععععععععععبه اسئلتها لو تبي شرررررررح واسئله على قد الشرح شي صعععب خذي مع صباااح الغامدي وخديجة حريري
وعن حاااااااجه المااده سهلللللللللللللله فخذيها مع حااجه لو تبي
good luck baby

[SOosOoOo]

طيب كيف استاذه نهال

[زهور الشوق]

نهال كويسه نوعا ما يعني تفهم بس مومره بس اختباراتها سهله تجيب نفس اسأله الكتاب والمأشر

صبااح >> بالنسبة لي افضل استاذة في القسم قمة في كل شئ

عيشه >>مااخذت معاها بس ماحبيتهااااا مدري ليه

خديجه>>اختباراتها صعبة