ابغى مساعدتكم ايش الاصعب والاسهل ؟؟

[*روعه*]

السلام عليكم ورحمه الله وبركاته

ان شاء الله تكون نتائج امتاحاناتكم كويسه ومرضيه " الى حد ما" والف مبروك للي اتخرجوا ..

عموما انا باقي لي ترمين ان شاء الله .. وكنت حابه اقسم موادي على اساس اخذ 6 مواد هذا الترم و6 مواد الترم اللي بعده ان شاء الله ..

وتخطيطي اخذ المواد الصعبه هذا الترم .. وهذا هو اللي ابغاكم تساعدوني فيه ..
انكم تقولولي ايش اصعب االمواد من المواد هذه :

استثمار
بحوث عمليات
ادارة اعمال دولية
ثقافه اسلاميه4
نوع اجتماعي
بحث وتدريب
ادارة موارد بشريه بالانجليزي
ادراة اعمال في ثقافات متعدده
ادارة مشاريع صغيره
بالاضافه الى مقررين حر ومقرر واحد اختياري واللي هما 3 من ( سياسه سعوديه - الاقناع - الرأي العام - ادارة الجودة الشامله - اتفاقيات منظمة التجاره العالمية )

يعني باختصار ايش هيا اصعب المواد "عشان اخذها هذا الترم " وايش هيا كمان احسن المواد من الحره والاختياريه ؟؟؟

ساعدوووووووووووني برأيكم الله يوفقكم ويسهل اموركم .. يارب

[حلم عمري]

وعليكم السلام ورحمة الله وبركاته

وإن شاء الله تعدي الترمين الباقيين على خير

والله مااعرف من المواد اللي ذكرتيهم غير إتفايات منظمة التجاره العالميه

ماده حلوه مابها شيئ بس خذيها مع أريج فيومي

بس سؤال اللي اعرفو المواد الحره غالبا تختلف من ترم لترم انتي رحتي وسألتيهم اش المواد الحره لمسارك حق دا الترم يعني طلعوها ولا معتمده على حق أول ؟

[*روعه*]

المشاركة الأصلية كتبت بواسطة حلم عمري وعليكم السلام ورحمة الله وبركاته وإن شاء الله تعدي الترمين الباقيين على خير والله مااعرف من المواد اللي ذكرتيهم غير إتفايات منظمة التجاره العالميه ماده حلوه مابها شيئ بس خذيها مع أريج فيومي بس سؤال اللي اعرفو المواد الحره غالبا تختلف من ترم لترم انتي رحتي وسألتيهم اش المواد الحره لمسارك حق دا الترم يعني طلعوها ولا معتمده على حق أول ؟

اشكرك يا عسل على الرد السريع ...
وبالنسبه للمواد الحره والاختياريه انا ما رحت وسألتهم .. انا فقط حطيت اختياراتي بالنسبه للاعضاء اللي في المنتدى وارائهم .. يعني وقتها اكيد حأروح الجامعه عشان اضيفها وساعتها اشوف ايش راح يقولولي على دي المواد اذا ممكن اضيفها ولا في مواد تانيه ؟؟ ..تحياااااااااااااتي

[لايت مون]

بالتوفيييق يارب للجميع امة مـــحمد