بنات مين خلصت مادة النصوص؟؟تجي تساعدني

[sun shine]

الله يوفقكم يابنات

اللي اخذت الماده وخلصتها تعطينا فكره عن الاسئله والكلمات المهمه واي شي تتذكره

والله مره محتاسه مع هالماده الله يعديها على خير

[sun shine]

معقوووووووووووله ولارد
مشكورييييييين ماقصرتو

[الاءlolo]

ياليت في احد يساعدنا في هادي المادة وكيف طريقه الاختبارات حقها

[لمييس]

كانت الماده معاي بس حذفتها
بالنسبه للاسئله على حسب
اذا كان الامتحان موحد بيجيك عددي ومن هالاسئله الي ترفع الضغط
بس اذا مو موحد
راح يكون صح وخطا وخيارات بس
هالكلام عند الاستاذه امال عاد ماادري عن الاستاذات الباقيات

[ღღღبيـــاض الثــلـجღღღ]

أنا درست المادة مع دكتورة ايمان فطاني

سمعت انها تدرس الانتساب هيا ودكتورة امال فلمبان

صراحة المادة يبغالها مذاكرة أول بااول يعني ماتتراكم ليوم الامتحان

كنت اترجم كل كلمة مع الاستاذة والله مرة سهل علي المذاكرة والحفظ

كانت دكتورة ايمان اسلتها متنوعة في مقالي بسيط وفي موضوعي صح وخطأ واختاري وصلي بس والله يبغاله تركيز ولا تجيبي العيد فيه

انتي لو كل يوم تذاكري جزئية منه وبترجمة وتركزي على مابين السطور وتراجعي والله مرة يسهل عليكي

انا كنت اعمل كذا واجيب دفتر وقلم عشان تثبت المعلومة


والله من ساعة تخصصت والطالبات يخوفوني من المادة وارتعبت منها وكل ترم احزفها لغااية الترم قبل الاخير درستها وعكس البنات ماقالوا بس تحتاج شوية مجهو د من الطالبة ومذاكرة

والله بفضل من الله نجحت فيهاا بدرجة عالية


وعقبالك يارب

واي خدمة او اي فقرة تبغى تترجميها انا حاضرة الكتاب محتفظة فيها

اتمنى اكون افتدك

تمنياتي لكٍ بالتوفيق

[الاءlolo]

يعطيكي العافيه بياض الثلج انا فكرت اذاكر من الملخص يلي منزل على المنتدى

محذف كتيييير مره عشان كدا خايفه

وإن شاء الله ربي يوفقنا اجمعين

انا هادا التيرم اتخصصت ولقيت الشعب مليانه عشان كدا اخدت هادي الماده

[sun shine]

مشكورين يابنات الله يوفقكم
اذا ممكن اختي بياض الثلج تتذكري ايش اللي جالكم عددي؟
وهل كان فيه عرفي وايش المصطلحات المهمه اللي دائما تتكرر
ادري قلت عليكي بالأسئله بس جد مره شايله هم الماده

[algala116]

للرفع والافادة

[sun shine]

مشكوره يالغلا والجيران لبعضيهم ههههههه

[(ريام)]

السلام عليكم اختي بياض الثلج كيف اتواصل معاكي ابغا منك الكتاب لو اصورو او ااكتب الترجمه لانو طلبة مني مدرسه خصوصيه تدرسيني الماده بالف ريال