مالية دولية مع نسمة ...؟؟؟قواعد بيانات مع ريم....قبل الدوام

[*nar*jes*]

صباح الخير ....
ابي اسال من اخذت مالية دولية مع نسمة من الافضل هيه ولا سحر
وعن قواعد بينات مع ريم كيف الدرجات معاها...
ضروري ردولي قبل ماروح الجامعة ...
ابي استاذة اضمن معها الa+ في مالية دولية

[روحي لها جنحان...]

مالية دولية انا اخذتها مع سحر ما انصحك فيها ما تشرح في هالمادة مررره فخليك عند نسمة ممتازة

وقواعد بيانات مع ريم زي العسل الله يسعدها احب هالانسانه موووت ولا تخافي ابدا ان شاء الله المهم تشاركي وتكوني مهتمه وهي تعطي المنهج من عندها يعني زي الملزمة واسئلتها سهلة وحلوة وفي اختبار عملي شوي يبغاله بس هيا تساعدك فلا تشيلي هم وتوكلي على الله

اتمنى اكون افدتك

دعواتك

[*nar*jes*]

يابنات مرة 10 منت ولا احد رد
بليس ردولي ضروري..........

[*nar*jes*]

الله يوفقك.... الله يوفقك .....الله يحقق اللي في بالك
قولي امين
ريحتيني مررره ...كنت متخوفة
يعنى اضمن مع نسمة a+

[سبأ]

والله متابعه من اول .. انا ما اخدتها بس بشوف الارآء
وبستفيد وآخد فكرهـ معاكي =)

[*nar*jes*]

طيب يعنى اخذتيها الترم دا ولا اللي فات
غشان اعرف غلى الاقل احد معايه

[روحي لها جنحان...]

ان شاء الله تضمني لان نسمة شرحها ممتاز وتخلي تصحصحي معاها بعكس سحر مافي شرح وتنوم

هذا على كلام البنات وبالنسبة للمادة فهي تقريبا تشبه الاقتصاد الكلي

ارتفع وانخفض وزاد ونقص وفي قوانين مباشره بس النظري شوي صعب يبغاله بس اتوقع نسمة راح تخليكم تفهمونه مزبوط مو زي سحر والاسئلة خيارات ومسائل وممكن يجي سؤال مقالي يكون عددي

آآآآآآمين تسلمي على الدعوة ...ولك مثلها .......الله يوفقك

[روحي لها جنحان...]

ع فكرة اختي نرجس بالنسبة للمواد الاختياريه

ترى تقدري تختاري مواد من الخطة الجديدة مو من القديمة بس لان حنا سألنا قالوا عادي نقدر نتبع الخطة الجديدة فإذا سمعتي عن مادة سهلة اختياريه في الخطة الجديدة خذيها

بس حبيت اقولك المعلومة

[m!ss lala]

بالنسبة لريم مشاط في قواعد بيانات مره كويسه

لان الماده اصلا ما تحتاج شرح

وريم زي العسل

انا اخذت معاها a+

تقسم المنهج قسمين واحد عملي والثاني نظري

والاختبار نفس الحكايه

واسئلتها سهله جداً

بالتوفيق يا قمر

[*nar*jes*]

المشاركة الأصلية كتبت بواسطة روحي لها جنحان... ع فكرة اختي نرجس بالنسبة للمواد الاختياريه ترى تقدري تختاري مواد من الخطة الجديدة مو من القديمة بس لان حنا سألنا قالوا عادي نقدر نتبع الخطة الجديدة فإذا سمعتي عن مادة سهلة اختياريه في الخطة الجديدة خذيها بس حبيت اقولك المعلومة

انا رحت يوم الثلاثا عن امل تركستاني وقالتي عن مالية دولية انو اختيارية للاقسام الثانية مولنا ...هذا اول رد ...ثاني رد جاني من معيدة في الحذف والاضافة تقول انو شوفي المواد اللي في الخطة الجديدة وامشي عليها وهذاالي ريحني وسمعت نصيحتها....