ممكن اي وحدة عملت تقويم اسنان تدخل ضرووري وعاجلا :(:(

[N0NA]

السلام عليكم ..

انا اليوم رحت عيادة عند الدكتور فريد ابو طعيمة وقلي لو تبغي البارزة تدخل على جوة لازم نخلع ضرسين فوق وضرسين تحت ولو بس ترتيب اسنان ماحنحتاج خلع بس حرام تدفعي 8 الاف من غير ماتخلعي لانه اسنانك ماحتتغير كتير .. وانا اتهورت وخلعت واحد وبكرة التاني ولما رجعت البيت اختي هزئتني وقالتلي مجنونة انتي ماتبطلي جنان مرا حواجبك ومرا خدودك ودحين اسنانك وانا مرا خايفة ومني عارفة اكمل الخلع ولا خلاص اسوي التقويم على طول وكمان لما افتح فمي يبان انو فاضي كأني عجوزة مني عارفة صحيح المكان الفاضي تترتب عليه الاسنان ويختفي الفراغ ولا لأ ! خايفة اعمل التقويم وماتغير وخايفة اخلع ويبقى الفراغ حتى بعد مافك التقويم .. استنى تجاربكم وخبراتكم اتمنى ماتقصرو وتساعدونيي وليكم احلى دعوة واحلى وردة

[شرووق]

هلا

وعليكم السلآم ورحمة الله وبركآته ..


شوفي يَ عسل آنا فكيت التقويم من إسبوع تقريبآ ..
والحمدلله ..

طبعآ في البدآيه خلعت اربع إثنين فوق وإثنين تحت << طالعه من قلبي ..

وشي طبيعي يكون في فراغ ..بس الدكتور ماراح يتركها كذا
مع الشد راح تختفي هالفراغات تمامآ .. ولاكأنك خلعتي ابدآ ..
بس انتي كوني منتظمه في المواعيد ..

ودآمك خلعتي واحد كملي ...الله يعينك ..
لان مكان الفراغ ماراح يتغطى الا بالشد ..



موفقه يـــآرب ..

[N0NA]

طمنتيني الله يسعدك عملتيه وكم كان عمرك وكم شهر واتسكر معاكي اخاف اورط ويبقى فارغ واتشوه :( لأني سمعت انو في حالات ماتتسكر معاهم واحتاجو لحشوات تجميلية

[شرووق]

اممم عملتو يمكن كان عمري 19

جلس التقويم سنه و9 شهور
اممم لا ماطول كم شهر والفراغ اتسكر ..
اما عن الحالات التشوه والله ما ادري عنها ..
ان شاءالله مايصرلك شي ..

[~~||* ملكة الأحاسيس *||~~]

وعليكم السلام

عزيزتي أنا كمان عملت تقويم قبل 3 سنين لاتخافي أبدا أصلا لازم يخلع لك 2 فوق و2 تحت ولا اصلا كيف راح ترجع اسنانك !

قصدي انتي لما ما تخلعي اسنانك كيف تبغيها ترجع وأصلا هي محشية اسنان من جوة !

فلازم يخلع علشان لما الدكتور يشد اسنانك عن طريق التقويم تلاقي مكان ترجع فيه ولاااااااااااازم تلتزمي بالمواعيد يعني موشهر تروحي و3 شهور لا كذا انتي ماراح تخلصين هذا شيء والشيء الثاني اسنانك ماراح ترجع تمام فلازم انتي تراجع في الوقت الي الدكتور يحدده لك .

ومع الشد كل مرة اسنانك راح ترجع شوية شوية وماراح تخلصي من التقويم إلا انك تشوفي اسنانك رجعت وصارت مرصوصة بشكل جذاب وبسم الله عليك خطييييييييرة وجميلة كمان .

خلاص توكلي وكملي وعلى فكرة اسنانك لما تنشد راح توجعك شوية والله يعينك ياغالية .

الله يوفقك يارب .

~ ملكة الأحاسيس ~

[N0NA]

بحق الادان دا يارب ينجحك ويزوجك الصالح التقي ^_^ الف شكر

[عهووده]

انا عملت التقويم السنه الي راحت بشهر 3 وخلع لي اتنين من تحت واحد من اليمين والتاني من اليسار وتسكرت الفراغ الحمد لله مع الشد والحين بفكه واركب متحرك بعد 3اسابيع

[khadoOoj]

انا عملت تقويم

وما خلعت ولا سن

والحمدلله اسناني تعدلت وفكيت التقويم

ولي شهر وانا استخدم المتحرك

[afnan]

انا كان عندى سن وراء سن واللى جنبو صار مفلج وطاير خلعلى السن اللى قدام ورجع المفلج وباقى مكان الفراغ عشان اللى وراء يشرف عادى هوا دكتور ماحيعملك شئ يضرك وانتى حتشوفى النتيجه صح فى الم بس يهون الم ولا ابتسامه صفرا


اهم شئ انو فى فرحى حجلس بالتقويم مدرى كيف شكلى حيكون

[kh.dd]

ياقمر مره لا تخافي انا دحين برضو حركب والدكتور خلعلي اتين من فوق وتحت

لازم عشان يسير في مكان ترجع فيه الاسنان

بعدين يحددلك كم المده حسب الحاله يعني