أستفسارات في التقديم بماجستير تقنيات التعليم

[ام أوس]

السلام عليكم ورحمة الله وبركاته انا خريجة لغة عربية من جامعة الامام وحابه اقدم ماجستير في تقنيات التعليم واتمنى تساعدوني في الاجابه على اسئلتي وتطولون بالكم علي اول سؤال هل اقدم في اول شهر ثلاثه وانا مااختبرت القدرات ولا الكفايات والا انتظر لحين تطلع نتيجة الاختبار واقدم والاكيف؟ واختبار الكفايات للغة الانجليزيه اللي في مركز القياس متى بالضبط ؟ هل هو مع القدرات في نفس الوقت؟ يعني معي وقت اختبر في شهر 4 قدرات وبعدين اخذ النتيجه واقدم عالماستر ؟ وابغى اشوف معدلي 3,24 يعتبرونه جيد مرتفع والا لا ؟ واخيرا حابه اعرف وش يبقى لي غير اختبار القدرات والكفايات والتوصيه من الجامعه؟ ينقصني شي غيرهم الله يسعدكم دنيا واخره

[Brainiac]

هلا بك أختي أم أوس في المنتدى...

اولاً ، من شروط القبول في ماجستير تقنيات التعليم ان شهادتك في البكالوريوس لازم تكون تربوية ... اذا كانت مش تربوية ، بأمكانك تدرسي الدبلوم التربوي لمدة سنة وبعدها تقدمي على برامج الماجستير التربوية.

نظام "قبول" ما راح يفتح معاك الا لما تكون عندك نتيجة القدرات على الاقل... يعني لازم تختبري وتطلع النتيجة وبعدها تقدري تقدمي... .وان شاء الله في وقت لان التقديم راح ينتهي بتاريخ 2 جمادى الاولى.

اختبار الكفايات ( اللغة الانجليزية ) راح يكون بعد القدرات بيوم أو يومين ... وبأمكانك تشوفي التاريخ بالضبط عن طريق موقع "قياس".... يعني القدرات والكفايات راح يكونوا تقريباً في نفس الفترة وراح يمدي تاخذي النتايج قبل انتهاء فترة التسجيل.

للتقديم ، لازم تجهزي نسخ الكترونية من وثيقة التخرج ، السجل الاكاديمي ، التوصيات ، السيرة الذاتية ، درجة اختبار الكفايات ، شهادات دورات أو شكر........... علماً بانك ما راح تحتاجي ترفقي درجة اختبار القدرات لانها راح تكون موجودة بالنظام ... وراح تظهر لك في أول صفحة بالتقديم.

وبخصوص المعدل ، جيد مرتفع يبدأ من 3,25 ... ولكن لا تشغلين بالك في هالموضوع لان الماجستير الخاص يقبل جيد وأعلى.... يعني يقبل 2.75 من خريجي جامعة الامام وأعلى.

بالتوفيق ان شاء الله.

[ام أوس]

مشكور اخوي على اجابتك الوافيه الله يعطيك العافيه بس انا في الرياض وسمعت انو التسجيل اللي فشهر 3للقصيم وجده يعني مافيه بالرياض؟

[Brainiac]

صحيح ... جامعة الملك عبدالعزيز لا تقدم برامج ماجستير في الرياض ........ أنا ساكن في الرياض وأطلع مرتين شهرياً بنهاية الاسبوع لحضور محاضرات الماجستير بجامعة الملك عبدالعزيز.

ولكن ممكن تدرسين في الرياض لو كان البرنامج بنظام "التعليم عن بعد" ... وهذا حالياً متوفر لتخصص "التوجيه والارشاد"... و تخصص "نظم المعلومات الجغرافية" (التوجيه والارشاد يشترط أن البكالورويوس يكون تربوي).


للمعلومية، الان التسجيل مفتوح بجامعة الملك سعود لبرامج الدراسات العليا... لكن الماجستير العادي مش الموازي

[خريج جامعة القصيم]

طيب عندي سؤال هل الدراسة مدفوعة من قبل خادم الحرمين الشريفين عبدالله بن عبدالعزيز للموازي في تخصص تقنيات التعليم وغيره

تقبل تحياتي محبك

[Brainiac]

هلا بك أخوي خريج.. وحياك الله في المنتدى.

نعم المنحة الملكية تغطي جميع برامج جامعة الملك عبدالعزيز الخاصة (الموازيه).... وان شاء الله تمتد لمدى الحياة

[خريج جامعة القصيم]

يعطيك العافية اخوي على المعلومات الوافية ,, بس عندي لك سؤال آخر تراي غثيتك تحملني هههه

أيها اسهل اختبار توفل ولا كفايات اللغة الانجليزية,, علما أني صفر على الشمال في الانجليزي ابي

نصيحة منك استفيد منها ولا انساها لك

[خريج جامعة القصيم]

ماهي مجالا تخصص تقنيات التعليم وهل هناك تخصص افضل منه يناسب لي من رأيك وله مستقبل جيد

[Brainiac]

سؤالك الاخير انا اعتبره "برشامة" :)

اختبار الكفايات اسهل من التوفل... وكونك راح تقدم على الماجستير الخاص ، أي درجة تقدمها راح تكون مقبوله ولكن كلما زادت الدرجة راح تاخذ نقاط أعلى بشرط اللغة الانجليزية ........ يعني اذا جبت 52% بالكفايات راح تاخذ نقاط كاملة على شرط اللغة الانجليزية... واذا جبت أقل راح تاخذ جزء من هالنقاط على حسب درجتك.

بخصوص التخصص المناسب... والله كل واحد وميوله .. ولكن تقنيات التعليم في الغالب (وليس دائماً) يسعون اليه خريجي الحاسب الالي واللي يعملون في قطاع التعليم.

بالتوفيق ان شاء الله

[ام أوس]

طيب الله يعطيكم العافيه متى المحاضرات في القصيم عشان اتوكل على الله واقدم