بنوتات العلوم وبالذات البايوكمستري مرررره حايسه في الجدول *&*

[sarona sweet]

السلام عليكم ورحمة الله وبركاته

أول حاجة عندي سؤال بخصوص العربي ليش ماهو راضي ينضاف على الجدول...ما فيه

تعارض وحاولت أحذف مواد عشان احط العربي برضو مو راضي ينضاف لي هذا أولا...


ثانيا هل أقدر احط في الجدول مواد غير الترتيب الموجود في الخطة الدراسية...يعني مثلا هل أقدر أحط

ثقافة إسلامية إللى موجودة في الترم التاني بدل أي مادة موجودة في الترم هادا؟؟؟

والله مررره حايسه في الجدول وماني عارفه إيش أسوي

[بيو كيميائية ^_^]

وعليكم السلام

العربي والثقافة ضيفيهم من الجامعة لأن مو فاتحين في العربي إلا شعبيتن لنا والثقافة ولا وحدة

تقدري تاخذي مواد من المستوى الرابع

بس أهم شيء تاخذي جنرال حيوي

بالتوفيق

[sarona sweet]

يا بنوتة والله إنك بطلة كفيتي و وفيتي

الله يسعدك وينور لك دربك...الحمدلله أضفت جينرال بايوكمستري

بس كيف طريقة الإضافة في الجامعة؟؟؟ يعني أروح عند مين وفي أي مبنى؟؟؟

طيب هل أقدر أحذف مادة من داحينت قبل الدراسة؟؟لأنه لو أضفت الثقافة والعربي حيكون عدد الساعات اكترمن المسموح؟؟؟

[الفنانة]

المشاركة الأصلية كتبت بواسطة sarona sweet السلام عليكم ورحمة الله وبركاته أول حاجة عندي سؤال بخصوص العربي ليش ماهو راضي ينضاف على الجدول...ما فيه تعارض وحاولت أحذف مواد عشان احط العربي برضو مو راضي ينضاف لي هذا أولا...

ياستي لأن شعب العربي لكلية العلوم بس اتنين اللي هما ia // ja مكتوب جنبها 013 يعني لكليتنا =) ..

ودول الاتنين فل >_<

المشاركة الأصلية كتبت بواسطة sarona sweet ثانيا هل أقدر احط في الجدول مواد غير الترتيب الموجود في الخطة الدراسية...يعني مثلا هل أقدر أحط ثقافة إسلامية إللى موجودة في الترم التاني بدل أي مادة موجودة في الترم هادا؟؟؟ والله مررره حايسه في الجدول وماني عارفه إيش أسوي

ايوا تقدري تحطي .. بسا المشكلة انه ثقافة101 مافي ولا شعبة لكلية العلوم ..

أعتقد تضيفيها من الشؤون في الجامعة =)

الحل :: خليك ورا شعب العربي ia // ja لمن وحدة تخرج .. ادخلي اضيفيها ..
أو ضيفي ثقافة من الجامعة =)

بالتوفيق

[sarona sweet]

الله يعطيك العافية يا سيتي ربي يسعدك


بس موجود اماكن كتيرة فاضية في الشعب وأنا ماني عندي تعارض

[بيو كيميائية ^_^]

بس مو حق كليتنا

اللي تشوفي عند خانة الكلية 13 هذا إحنا

[sarona sweet]

اها اجل فهمت ليش ما أنضافت العربي

لأنه كليتنا رقم 13...حسبي الله ونعم الوكيل

[sarona sweet]

المشاركة الأصلية كتبت بواسطة بيو كيميائية ^_^ بس مو حق كليتنا اللي تشوفي عند خانة الكلية 13 هذا إحنا

أعذريني والله لأنه أنا سنة تاني وماني فاهمة شيء

ومن أول جالسة احذف مواد عشان أبغى العربي ينضاف

طلع كل المشكلة عشان كليتنا رقم 13 ومرررررره مليانه

[بيو كيميائية ^_^]

^^

عـــــــــــادي إحنـا بعـد كـنـا مثـلكـ بعـدين تعــــــــــــلمنـــــــا

[سوبر]

السلام عليكم
عذرا على المداخلة بس إش قصدكم من إنو الكلية 13
يعني إنتو كلكم من أيت كلية الفرع ولا السليمانية؟؟
وبعدين دحين انا ماأقدر أخد عربي وثقافة لأنو لين دحين ما عملت الجدول تبعي
وأرجو الإجابة وبالتوفيق جميعا..