لجميع الطلاب الذين اختبرا مادة المحاسبة 102 الرجاء الدخول للاهمية !!

[ناصر الرويلي]

السلام عليكم ورحمة الله وبركاته
انا لاجيد المقدمات وحاب ادخل بالموضوع على طول

كلمني صديقي اليوم وقال لي راح للجامعة وقابل الدكتور عبدالعال ابو خشبة رئيس قسم المحاسبة وابلغه عن مشاكل الطلاب مع المحاسبة وكثرة الرسوب اللي حاصل فيها من الطلاب وقال اه يابني إن شاء الله ماراح نقصر مع احد وراح نتساعد مع الطلاب بقدر الامكان وقاله سجل اسمك عند السكرتير وكم عدد مرات الحمل وراح يتساعدون فيها والمطلوب منكم ياطلاب الذهاب الى رئيس قسم المحاسبة وتقديم اسمائكم باكبر عدد ممكن حتى يشوفون معاناة الطلاب من المادة وقال لي الدكتور متفهم واستقباله جميل
وعني انا رغم لايوجد لدي غير تلك المادة للتخرج ومع مغادرتي لجدة امس راح احجز وارجع لجدة لمقابلة الدكتور وشرح له ضروفي لانني حاملها اربع مرات ولا يوجد لدي غيرها

[عبدالله الـتـويجري]

السلام عليكم

انا مريت رئبس القسم امس وتكلمت معاه وانشأ بيان فيه الاسم ، والرقم الجامعي ، ورقم الجوال ، وعدد مرات الرسوب

وقال بنساعدكم بالي نقدر عليه .

لكن هالكلام صار الترم الماضي ووعدنا بأنه يساعدنا لكن مايساعد الا الطلاب اللي درجاتهم من 50 فما فوق اما اللي تحت 50 درجته يفتح الله وعلى فكره المساعده تكون على كل الطلاب المتخرج او غيره يعني مافيه اي تفضيل للمتخرج.

وكلامه امس لي اللي نقدر عليه 10 درجات بس ، وانت شف حلك اذا كان فوق الخمسين كويس واذا كان تحت الخمسين حاول انه يساعدك

[wwe]

هو النجاح من 50

[عبدالله الـتـويجري]

النجاح بجميع مواد الجامعه من 60 وفوق

[ناصر الرويلي]

انا حسبت درجاتي وجبت فيها 48 وانا طالع لجدة اليوم علشان المادة هذي ولاعندي شي ثاني غيرها
دعواتكم ان الله يسخرهم لنا ويمشونا

[odus]

اخوي ناصر اسأل الله انه يوفقك وايانا للنجاح بهذه المادة وجميع المواد وفي الدارين انت وجميع من يقرأ




يالجنة المحاسبة ارحمو من في الأرض يرحمكم من في السماء

[ناصر الرويلي]

المشاركة الأصلية كتبت بواسطة odus اخوي ناصر اسأل الله انه يوفقك وايانا للنجاح بهذه المادة وجميع المواد وفي الدارين انت وجميع من يقرأ يالجنة المحاسبة ارحمو من في الأرض يرحمكم من في السماء

ومن يقول اخوي اوديس الله يجزاك بالخير ورحم الله والديك
وهذا انا بمطار الرياض رحلتي بعد ساعة متجه لجدة دعواتكم
الله يرحمنا برحمته بس هذا اللي اقدر اقوله

[ناصر الرويلي]

شكله مافي احد عنده اهتمام بهالمادة او انه كل الشباب معدين المادة ؟؟؟؟

[عبدالله الـتـويجري]

الا والله انا مثل حالتك بالضبط وابي اشوف وش صار عليك وكل شوي انتظر ردك هنا بخصوص وش صار معاك يوم رحت لرئيس القسم.

انا بروح له بكرا الصباح مره ثانيه بعد ماتأكدت من درجاتي لأنها هذي المره الرابعه اللي اختبر هالماده ومابقي الا هذي الماده عندي

[عبدالله الـتـويجري]

لكن كيف حسبت درجاتك ؟؟

مع العلم ان نوذج الاسئله اللي عندي (ب)

وش النموذج اللي اختبرت فيه ؟؟