طالب مساعدتكم في الموآد الحررهـ

[عبودي 1]

بسم الله الرحمن الرحيم
السلام عليكم ورحمة الله وبركاته

اسمحولي ادخل على الموضوع بدون مقدمات

سيداتي سادتي انا طالب انتظام
مخلص السنه التحضيريه
طبعا كنت راسب في مادة الاحصاء واخدتها ترم صيفي والحمدلله نجحت
وقبلوني للاسف في تخصص علوم وطبعا ما عجبني الوضع
وانا في الاصل ابغا احول لهندسه بس معدلي الحالي ما يساعد
فقررت انو احول لتصاميم بيئه بمساعده من ناس اعرفهم
وكل واحد صار يرسلني للتاني حتى وصلت لعميد كلية
تصاميم البيئه ودا الكلام بعد مرور حوالي ال 4 اسابيع من بداية الترم السابق
فطبعا وافق العميد بس طبعا لازم عمادة القبول والتسجيل توافق عشان اقدر احول
رسلو خطاب للعماده واستنيت اسبوع برضو وللاسف جا الخطاب
بانو ما قبلو التحويل لمررو مدة طويله عن بداية الترم
فقررت اسحب ترم وارجع تاني هادا الترم
بعضكم حيقول ليش تصاميم البيئه
لانو انا ابغا احول لهندسه ومحتاج معدل
لو فرضنا ما جمعت معدل فتخصص تصاميم البيئه يعتبر ممتاز
ولو جمعت معدل كافي يصير اقدر احول للهندسه
وطبعا جلست ترم كامل بدون دراسه وقدمت اعتذار عن طريق ال odus

والان دخلت الموقع لقيتهم كاتبين حالة الدراسه : طي القيد لعدم الدراسه
فقدمت طلب اعادة قيد عن طريق الموقع برضو ومستني الرد إن شاء الله يقبلوه

وطبعا إن شاء الله لو انقبلت مارح انزل ولا مادة من مواد كلية العلوم اللي هيا
تخصصي الحالي لكن حنزل مواد حرررره بس تكووون سهله جداااا
عشان ارفع معدلي دا الترم وبأذن الله اقدر اتخصص هندسه

معليييييييييييش طووووولت عليكم الهرجه بس حبيت تكونو على دراية تااامه
بموضوعي اللي هوا
ايش هيا المواد الحره اللي تنصحوني بيها تكون سهللللله وفي نفس الوقت ترفعلي معدلي
وطبعا انا مسموح لي ب 18 ساعه وابغا ادخل مواد بقدر المستطاع
عشان معدلي يطلع فوق

ارجو منكم تردوولي باسرع وقت ممكن

واعتبروني زي اخوكم وشكرا للجميع

[عبودي 1]

يا غالييين محد رد على موضوعي ممكن تتفضلو وتردو عليه باسرع وقت لانو الحمدلله رحت اليوم وقبلو طلب اعادة القيد والحمدلله صارت حالة الدراسه : مستمر بالدراسه

[عبودي 1]

تكفى يا رجال ابغا مساعدتكم ضرووووووووري لانو السبت رايح انزل مواد وما اعرف ايش انزل تكفى مساعدتكم

[الحــــربيهـ]

انصحك تأخذ مواد عامه وحره المواد العامه اللي هي ثقافه وعربي هذي لكل الكليات طبعا
وعندك المواد الحره اقناع مع انمار مطاوع هذا اللي اعرفه وسمعت فلك من كلية العلوم مع حسين عسيري
وربـــــي يـــــوفقــــــك أن شــــاء الله ...

[عبودي 1]

تسلمي والله يا حربيه ويعطيكي الف عافيه

[Dody.1]

صح خليك عالثقافه ومادة عربي ومبادئ اداره ومقررين حر وتقفل الجدول على 14 ساعه ..
ممكن تضيف مقررين حره مدحولي السيره النبويه والفلك العام 1 ومدخل لعلم النفس والقران
اضفتها ليه هذا الترم انا ما جربت غير الثقافه والعربي وكانت حلوه
ويكون افضل اذا تسال عن افضل الاستاذه واللي ياشر ويسهلها يعني ..

بالتوفيق اخوي

[عبودي 1]

يسلمووو دودي إن شاء الله انا حبحث في دي المواد

[عبودي 1]

يعني لو حطيت ( ثقافه - ولغه عربيه - مبادئ اداره - وعلم فلك - مدخل علم النفس ) كم ساعه ممكن حتصير
لانو ناوي اقفل على ال 18 الا ازا بخبرتكم قلتلولي لا يصير اخليها زي ما هيا واحتمال اغير فيها شويه

[عبودي 1]

وغير كدا انا ناوي احول لهندسه وطبعا الهندسه يبغالها ادرس رياضيات وفيزيا فهل تنصحوني ادخلها من ضمن المواد حقتي في دا الترم او ازا حتسويلي مشاكل اخليها الترم الجاي بس بكدا حكون متأخر ترم
ايش رأيكم يا غاليين

[عبودي 1]

ايش رأيكم ؟ يا شباب وصبايا المنتدى ايش تنصحوني اسوي ؟