استفسار عن مادة حلقة بحث في اللغويات

[Banana|]

السلام عليكم ورحمة الله وبركاته

عندي استفسار عن مادة حلقة بحث في اللغويات
مين أفضل د. نهى الشرفا وإلا أ. منال التاودي
لأن نازلة معاهم المادة ..
شكرًا جزيلًا مقدمًا ..
والله يسعدكم دنيا وآخرة

[white rose]

وعليكم السلام ورحمة الله وبركاته

حياك الله اختي

من خلال تجارب زميلاتي مع الاثنين لانو د.منال كانت ماسكة الانتساب زمان بالسيمنار فافضل د.منال التاودي عن د.نهى لانو بس تحفظي والفهم عليك انتي بس ما تغلبك بكثرة الكويزات والشغل يعني لو تمشي مع منال التاودي على الحفظ اول باول وتركزي زين معها وتمشي على الخطوات زين راح تضمني درجتك بإذن الله لكن نهى للامانة اغلب اللي اخذو معها كانو يشتكو خاصة المنتظمات انو اسلوبها صعب واختباراتها طويلة ودقيقة وبحثها في السيمنار عن النحو واصلا هيا بتدرس نحو وكانو ينزلو مع د.عزيزة سوسيو الاغلب واستخيري وربي ييسر لك امرك .. وشوفي كمان موضوع التجارب :

http://www.skaau.com/vb/showthread.php?t=692697

الله يوفقك :-)

[Banana|]

آمين ، الله يسمع منك ..
المشكلة دحين اكتشفت إن في وقت شعبة أ. منال التاودي عندي تعارض مع الفرنسي ..
يعني مضطرة أخذ مع د. نهى الشرفا ، مرة سيئة هي؟
شفت تجارب الطالبات معاها ، بس مو باين كويسة أو لا ، فعشان كذا فتحت موضوع على أمل إن أحد يكون أخذ معاها يطمن لي بالي :/
على إني تمنيت أخذ المادة مع د. عزيزة بس ما أعرف اسمها ليش مو نازل الترم الجاي ..
الحمدلله على كل حال ..

جزاك الله كل خير

[white rose]

المشاركة الأصلية كتبت بواسطة Banana| آمين ، الله يسمع منك .. المشكلة دحين اكتشفت إن في وقت شعبة أ. منال التاودي عندي تعارض مع الفرنسي .. يعني مضطرة أخذ مع د. نهى الشرفا ، مرة سيئة هي؟ شفت تجارب الطالبات معاها ، بس مو باين كويسة أو لا ، فعشان كذا فتحت موضوع على أمل إن أحد يكون أخذ معاها يطمن لي بالي :/ على إني تمنيت أخذ المادة مع د. عزيزة بس ما أعرف اسمها ليش مو نازل الترم الجاي .. الحمدلله على كل حال .. جزاك الله كل خير

امين يارب

طالما انك مضطرة عزيزتي اجل شوفي هالموضوع راح يطمنك ويساعدك :

السنتآكس و السيمنـآر مع د. نُهى الشُرفـآ ..طآلبـآت الإنتسـآب ، حيآكن .

هيا كويسة كشرح الدكتورة مرة تمام وتحسيها بروفسورة ربي يحميها بس تبغاك تشدين حيلك وتركزي بالكورس معها لانها قد ما تعطيك تبغاكي تشتغلي معها زين



د. عزيزة حتى بالانتساب ما مسكت هالترم السوسيو ومسكت عندنا د. نهى معها في السيمنار الظاهر الترم الجاي محتاجة تتفرغ الدكتورة بس ان شاء الله تكون خيرة لكم ..


واياك الله يرضى عنك وييسر لك احسن الشعب والدكتورات :-)