نزلت 7 مواد المستوى الرابع ؟وش رأيكم

[ياسر الرحيل]

السلام عليكم ورحمة الله وبركاته
أخواني أخواتي
أنا في المستوى الرابع تخصص إدارة عامه - مسار عام
ونازل لي في الجدول عدد الساعات المسموح بها 18 ساعه

مع العلم أنني أنا من قمت بإضافة مادة الخدمة المدنية ,,لأكمل عدد الساعات
رأيكم أحذف الخدمة المدنية اللي أضفتها ,, وأكتفي ب16 ساعه أو أخلي الجدول على كذا

رأيكم ضروري أخواني أخواتي
أخوكم / ياسر الرحيل

[فهـد]

اهلين اخوي انا نفس جدولك ومن رأيي انك تتوكل على الله وتأخذهم

[ياسر الرحيل]

أخوي فهد مشكور على ردك
بس ماتحس أنها كثيره 7 مواد ,, يتشتت المخ مع المذاكره !!
متردد ,, شكلي بتوكل على الله وأخليه كذا ,,

[فهـد]

والله ياخوك هي كثيره كثيره

لكن يوم تشوف ان كل المستويات القادمه ست مواد الا في حاله انك بتتأخر فصل زياده هذا شي ثاني


الا اقول لك انت تعرف اسماء الكتب والا لسه

[zakaria_asere]

اخوي على ايش مستعجل
يعني لو ضغطت نفسك ب18 ساعة 7مواد كل ترم راح تعدي 8 اترام وانت عندك 129
ولو خففت عن نفسك مابين 6-5 مواد بمعدل 15-16 ساعة راح تعدي 8 اترام وانت عندك 120 ساعة
يعني باستطاعتك بعدها تاخذ صيفي وتنهي ال9 الباقية
اخيراً:انت احكم بنفسك هل 9 ساعات تستحق ان تشتت نفسك وتجهد عقلك وبدنك
اتمنى ان تفكر مليا وتحسبها صح وانت ومجهدوك وقدرتك ولاتنسى معدلك اذا يهمك المعدل او لا
اخوك زكريا عسيري

[مناير السديري]

انا اشوفها زينه

خاصه ان العربي والثقافه واخلاقيات العمل مررررره سهله بس يبي له حفظ

وهذي راح ترفع معدلك لو ركزت عليها

بالتوفيق

كلنا نفس موادك اللهم انك مزود عربي لاني اخذته الترم اللي راح

بالتوفيق اخوي

[مستشفى]

مثل جدولي اخوي موفق خير

[طالب بكلوريوس]

الله يوفقك
ركز على
نظرية التنظيم
محاسبه حكوميه
قانون إداري

[رسمي]

توكل على الله ومالها إلا رجالها .. انا مثلك .. زودت الخدمة المدنية وفكر فيها انت كل مستوى تنزل زيادة مادة يطلع لك فرق عن زملائك آخر مستوى قبل التخرج يعني السابع8 ساعات على افتراض ساعتين زيادة كل مستوى من الرابع لحد السابع وخلك آخر مستوى تريح بكم مادة وغيرك ضاغط عمره
وبالنسبة لزكريا عسيري .. مادري شلون تحسب انت ؟ 18 * 8 = 144 وانت كاتب 129
و 16 * 8 = 128 يعني الفرق 15 ساعة
بعدين ماتفرق مادة زيادة وخصوصاً مادة إدارية يعني غالباً واضحة مايبي لها وجع راس
والله يوفق الجميع

[ياسر الرحيل]

أخوي فهد ,, خلاص توكلت على الله وبخلي السبعة مواد كما هي الي في الجدول .. وإن شاء الله تتيسر الأمور ,, وبالنسبة لإستفسارك
( إلى الآن ماعرفت أسماء الكتب المقررة )

_____________
أخوي زكريا ,, مشكور على ردك
لكن إلى الآن أنا أكملت 45 ساعة خلال ثلاثة فصول ,, وتبقى لدي 84 ساعة خلال خمسة فصول
يعني لو حسبتها صح وأخذت ال 18 ساعة في هذا الفصل الرابع
سيبقى لدي حوالي 64 ساعة خلال أربعة فصول .. بمعدل كل فصل 16,5
وإن شاء الله الأمور تتيسر وأخلص بدري ( مايحتاج ترم صيفي )
والمعدل ماكان يهمني كثير .. لكن أنا نويت أكمل الماجستير ( يعني المعدل أصبح يهمني )
وشاكر ومقدر لك مشاركتك معنا في هذا الموضوع وإبدأ رأيك

_________________

حور الجنان ,, الله يسهل أمورك دنيا وآخره ,, هونتيها علي بكلامك

(خاصه ان العربي والثقافه واخلاقيات العمل مررررره سهله بس يبي له حفظ

وهذي راح ترفع معدلك لو ركزت عليها)

ثلاث مواد سهله ,, يعني أربع مواد هي الي يبيلها التركيز ..

جزاك الله خير وبارك الله فيك ,,

_____________________

أخوي مستشفى ,, الله يوفق الجميع إن شاء الله

_____________________

أخوي طالب بكلوريوس ,, الله يرزقك الجنه من أوسع أبوابها
بالنسبة لــ
نظرية التنظيم
محاسبه حكوميه
قانون إداري


هل المحاسبة الحكومية تحتاج إلى مدرس أم يمكننا إستيعابها بدون حاجتنا للمدرس الخصوصي ؟؟

_________________________


أخوي رسمي ,, أعجبتني كلمتك ,, مالها إلا رجالها
يوم حسبتها مثل ماحسبتها أنت طلع كلامك ميه الميه كفيت ووفيت أخوي
بيض الله وجهك

شاكر ومقدر جميع من تواجد في هذا الموضوع وأسال الله التوفيق لنا جميعاً ,,
أخوكم / ياسر الرحيل