جامعة ام القرى ... بين القبول والرفض ؟؟

[رويده]

الاخوة والاخوات الافاضل
السلام عليكم ورحمة الله وبركاته

عندي استفسار عن جامعة ام القرى وتقديمها للماستر في كلية بريده الاهلية
بالنسبة للتخصصات والدراسة حلوة .. بالنسبة للاسعار كارثة

احد ناوي يسجل فيها .... والي ناوي/ة ... قادر على دفع 40 الف ريال مرة وحده
ويا عالم ينقبل والا لا ؟؟

الي عنده مشورة ياريت يدلى بها .. كون انه مافي غيرها حاليا

[غيم تايه]

الا فيه جامعة الملك سعود ،، واشكرك على هالخبر لاني بسجل فيها 40 الف كثيير جدا في كل سنة وفيه جامعة نايف لكن تعالي كل سنة 25 الف ... موفقه

[رويده]

ادري عن تقديم جامعة سعود لكن دراستهم مسائي وانا مو في الرياض
بالنسبة الافضل هي القصيم كون ان الدراسة يومي الاربعاء والخميس وتقريبا كل اسبوعين
وهذا الخيار الافضل للدراسة الي من برا القصيم
بس المشكلة ان كل سنة لازم 40 الف ريال .. يعني الدراسة كلها رح تكلف 80 الف ريال
اما جامعة نايف فهاذي جديدة على ... بس حد علمي انها للعلوم الامنية ؟؟ !!!
مشكور على تجاوبك وردك على .. كل التوفيق يارب

[غيم تايه]

شكرا انتي انك علمتيني على طريقة الدراسه لان العمل رافض اكمل تعليمي ،،، واذا وقفت على ثمانين الف فالله ييسرها
ونايف فيها الان قسم البنات فاتح في اربع تخصصات وحضورها بطريقه احلى من اللي ذكرتيه .. لكن تدفعين رسوم

عند التقديم اظن 350 ريال سواء قبلوك ولا ما قبلوا موفقه

[أرتقاء]

انا بعد عندي مجموعة أستفسارات أتمنى أصحاب الخبرة يفيدونا..
أولا - هل الماجستير المطروح هنا يعادل قوة ماجستير جامعة الملك سعود وجامعة الملك عبد العزيز
ثانيا- المبلغ المطلوب 40 ألف الى السنتين أو الى السنة الواحدة
ثالثا- هل أحد سبق وسمع تجارب طلاب أو طالبات درسوا في أحد البرامج المطروحة وويقدر بخبرنا عنها..
التوفيق للجميع

[رويده]

المشاركة الأصلية كتبت بواسطة غيم تايه شكرا انتي انك علمتيني على طريقة الدراسه لان العمل رافض اكمل تعليمي ،،، واذا وقفت على ثمانين الف فالله ييسرها ونايف فيها الان قسم البنات فاتح في اربع تخصصات وحضورها بطريقه احلى من اللي ذكرتيه .. لكن تدفعين رسوم عند التقديم اظن 350 ريال سواء قبلوك ولا ما قبلوا موفقه

التعليم المسائي وتعليم نهاية الاسبوع ما تحتاج ابد موافقة ... المهم ان شاء الله هو القبول
هو صحيح انهم طالبين كل سنة 40 الف ريال .. بس كلنا امل انه يشملها المكرمة من الملك مثل السنوات الي فاتت
بالنسبة لجامعة نايف ياريت تتكرم وتحط لي رابط التقديم لاني عجزت القاه
اما بالنسبة لموضوع 350مقدور عليها اهم شئ تكون فرصة جديده
وكل الشكر

[رويده]

المشاركة الأصلية كتبت بواسطة أرتقاء انا بعد عندي مجموعة أستفسارات أتمنى أصحاب الخبرة يفيدونا.. أولا - هل الماجستير المطروح هنا يعادل قوة ماجستير جامعة الملك سعود وجامعة الملك عبد العزيز ثانيا- المبلغ المطلوب 40 ألف الى السنتين أو الى السنة الواحدة ثالثا- هل أحد سبق وسمع تجارب طلاب أو طالبات درسوا في أحد البرامج المطروحة وويقدر بخبرنا عنها.. التوفيق للجميع

هلا ومرحب اختى ارتقاء ..
1- بالتاكيد الماجستير الي هنا لها نفس قوتهم ونفوذهم كون ان الجهة المشرفة عليه هي جامعة ام القرى بالتنسيق مع كليات بريده الاهلية
2- 40 الف ريال هي رسوم العام الدراسي ... ولكن هناك امل انه يكون في مكرمة ملكية بالغاء الرسوم واعادتها الي طلبة في حال انهم دفعو كما حدث مع السنوات الي قبل
3 - في ناس درسو هذا التخصصات في جامعة ام القرى وكلن في مجال تخصصه يمدح
يعني انتي شوفي ايش التخصص الي يعجبك وسوي بحوثك عليه وتوكلي على الله

اما من حيث ان الدراسة هالعام رح تكون في كليات بريده الاهلية ... انا متفائلة خير من حددو يومين في الاسبوع .. الاربعاء والخميس واحتمال يكون كل اسبوعين
كذار رح يكون الاقبال كبير
ولكن الخوف من الرسوم الضخمة الي لازم تدفع مرة وحدة ... حتى الان مافي تاكيد .
هل كلها والا نصها .. الله اعلم

[وحيدو]

40 الف الشكوى لله ندفعها عشان نحقق طموحنا...... غيرنا يحقق طموحة بواسطة .......
لكن العوض ولا القطيعة

[رويده]

المشاركة الأصلية كتبت بواسطة وحيدو 40 الف الشكوى لله ندفعها عشان نحقق طموحنا...... غيرنا يحقق طموحة بواسطة ....... لكن العوض ولا القطيعة

احس قلبي يتقطع من تذكرت انها 40 الف ريال بس على قولتك العوض ولا القطيعة
اما بالنسبة للواسطة ... والله انها جت لاربع بنات من صحباتي في جامعة المؤسس لكن كان مقابلها شئ ما ينقدر عليه فتركوها لله يعوضهم احسن منها

[أرتقاء]

أن شاء الله يكون لنا نصيب في الدراسة هذا العام ،،وجزاك الله خير أخت رويدة