سؤال من طآلب في السنة التحضيرية لطآلب كلية الهندسة

[راكان القرشي]

السلآم عليكم ..

آولا .. حبيت استفسر عن القبول في كلية الهندسة .. فآرجوا المسآعدة منكم

آنا سمعت آن القبول في كلية الهندسة يعتمد بشكل كبير على المواد التالية : فيزياء ورياضيات والانجليزي "والاحصاء" مؤخرآ .. وبعدين يطآلعوا في النسبة العامة او المعدل الموزون العام ..

طيب .. ممكن آعرف كم آقل نسبة خآصة ونسبة عامة قبلت في السنة يلي كنتم فيهآ في فرع السلمانية ؟

ولو كآنت درجاتي بالشكل الآتي :
الفيزيآء : 88
الرياضيات : 74
انجليزي 1 : 82
اتجليزي 2 : 81 ..

هل ممكن اني انقبل في الكلية ..؟

وشكرآ ..

[رابغاوي]

والله قول ان شاء الله
لانو انا الي اعرفوا 80 في كل الموااااد د بس زي الماث لو جبت 74 ممكن يتغضوا ويدخلوك لانو اعرف واحد من العيال 78 ودخل هندسه
يعني شد حيلك انتا وسهاله ان شاء الله
بعدين ممكن ادا ما انقبلت في السليمانيه تروح رابغ او الشمال
وموفق خير

[fahad2010]

ان شا الله تنقبل
ادعي ربك
وراح تحصل نفسك معانا في الكلية

[sA@Am]

ممكن جدا انك تنقبل لانه في الي انقبل بدرجات اقل منك
ولكن اسمح لي اني اشرحلك طريقة المفاضلة وهي كالاتي :
وقت ما انا قدمت العام الماضي كانت موادنا فيزياء ,رياضيات , انجليزي 1و 2
والنسبة لكل كلية مثلا كلية الهندسة وهدي المواد المطلوبة يحسبو شي اسمه نسبه خاصة للكلية وتكون على هدي المواد الاربعة فقط وكانو العام الماضي طالبين 80% فمهت قصدي
والطب حسب مواده يحسبو له نسبة خاصة وكانت 85 % بس مع المفاضلة ارتفعت 89% يعني في ناس ما انقبلو لانه في كتير عدو الشرط المطلوب
وبعدين حاول تشد حيلك في الانجليزي لانها ترفعلك النسبة الخاصة للكلية
وان شاء الله بتكون معانا والف سلامة

[عاصم العاصم]

المشاركة الأصلية كتبت بواسطة راكان القرشي السلآم عليكم .. آولا .. حبيت استفسر عن القبول في كلية الهندسة .. فآرجوا المسآعدة منكم آنا سمعت آن القبول في كلية الهندسة يعتمد بشكل كبير على المواد التالية : فيزياء ورياضيات والانجليزي "والاحصاء" مؤخرآ .. وبعدين يطآلعوا في النسبة العامة او المعدل الموزون العام .. طيب .. ممكن آعرف كم آقل نسبة خآصة ونسبة عامة قبلت في السنة يلي كنتم فيهآ في فرع السلمانية ؟ ولو كآنت درجاتي بالشكل الآتي : الفيزيآء : 88 الرياضيات : 74 انجليزي 1 : 82 اتجليزي 2 : 81 .. هل ممكن اني انقبل في الكلية ..؟ وشكرآ ..

حياك الله أخي الغالي بين أخوانك
يجب عليك انك تجيب في الاحصاء فوق 75
درجاتك تأهلك لدخول الهندسة بس زي ماقلت لك يااخي
حاول تشد حيلك في الاحصاء ..
المعدل لا يقل عن 3.75
وان شاء الله تقدر عللى هذه
وكل التوفيق لك ياغالي

[AbsolutioN]

ان شاء الله بتنقبل و بهسوله
وفي غيرك درجاتهم كانت اقل و انقبلو دون اي مشكل او واسطات


بالتوفيق يارب :)

[وسيم الإتحاد]

شوف هو الاعتماد الرئيسي على دفعتك ... هل هي دفعة مليانة بالناس الدوافير أو لا

كلية الهندسة لها عدد مقاعد معين (( ما أدري كم )) لو إللي تجاوز المتطلبات أقل من العدد المطلوب راح ياخذو ناس معدلاتهم أقل من المطلوب والله أعلم

والله يوفقك والجميع يا رب