موضع للأستشارة بخصوص البعثة

[معالي العلامة]

السلام عليكم ورحمة الله و بركاته ...

كيف الحال عساكم بخير ,,,

في الحقيقة أبغى أستشيركم في موضوع ..


أنا طالب سجلت في بعثة خادم الحرمين الشريفين و سجلت في جامعة الملك عبدالعزيز , و كما تعلمون طلعت نتايج البعثات في أول أسبوع في الدراسة يعني داومت معاكم أول أسبوع و معدين سحبت ملفي من الجامعة , طبعا دولة ابتعاثي هي إيرلندا و حصلت على قبول طب مشروط بأني أعدي اختبار لآيلتس ielts و آخذ درجة 6.5 فيها , و أعدي بعض المواد العلمية و الحمد لله عديتها لأنها سهلة , لكن المشكلة بالآيلتس , و المشكلة الأكبر بالمعهد لأننا الآن قاعدين نتعلم كيف نحل اختبار ielts محنا قاعدين نتعلم انجليزي , و في نفس الوقت جو الغربة ما عجبني لأني في الحقيقة كمية العطاء اللي عندي الآن قلت بشكل غير طبيعي و انتاجي أصبح محدود .

السؤال هنا : أنا أفكر في أني أسجل في الجامعة من جديد انتظام إن شاء الله ؟ أبغى أرائكم ؟
و إيش رايكم في السنة التحضيرية ؟ تكفون أنا محتاج مساعدتكم أنا في قرار مصيري.
و ياليت الدكتور علي الزهراني يعطينا رأيه .