إلا شغالتنا ماحد يزعلها ماحد يكرفها صوور مأساوية لمطابخ عائلية ضحيتها ؟؟

[مرشده]

اهديكم عطر الورد والوانه


وارسل جواب انتم عنوانه


واهنيكم بقدوم رمضان وايامه



وأحب اعرض عليكم عرض مغري وحصري لكم
اللي تبغى اقيم اكلها واعطيها تقييمي بشهادة تلصقها بصالة الاستقبال ترسلي من كل نوع من مفرزلاتها سمبوساء لحم وجبن ودجاج وسبرنغ رول وكبة ورق عنب حتى اقيم لحمكم إذا هو متغذي صح ولا لا دجاجكم ياكل صحي ولا لا مع اني مشغوله بس من شانكم افضي نفسي لوجة الله تعالى

كنت اتصفح واشوف مواضيع عن حوسة المطابخ وعن الكم الهائل من المواعين الامر هذا خلاني اتهور وافتح موضوع بهذا الشكل المرعب




تخيلوا اهل الخدامات يطلعون على هالصورويشوفون جبااال من المواعين المكومة وبنيتهم تكرف << ردة فعل امها ناتي واختها سرياتي واخوها تاتي وابوها سراتي
ردة فعلهم كيف ؟؟
يبي يقولون هذا
شعب دايخ, شعب بلوع , شعب فاقد الحنية, شعب قاسي
بحثت ابي اتأكد من المعنى العلمي الصحيح للي شفته وبعد البحث والتحري لقيت ان اللي شفته يسمونه علماء الزلازل بركان او بمعنى اوضح يسمونه عج جن اجل ذولي مواعين ناس لوجبة فطور بسسسس


أجل عمركم شفتوا مواعين تصك سطح المطبخ ياكااافي وبكل فخر نصور ونوري هالعالم ونقول يعين سرياتي وشوشاتي على التغسيل ونضحك بكل سرور ان عندنا خدامة تغسلهم
مافكرنا لو هالصورياخذوها ويظاهرون فيها على الملاء وأمام الكاميرات وكل العالم تتفرج على مواعيننا اللي جامعينهم للضعيفة تغسلهم وتخيلوا تنشر ببرنامج أوبرا والعالم تشوف هالاعصار تشك انه تسوماني مو مطبخ أوادم اكيد راح ينحقد علينا


لو درت عنا موسوعة جينيس لاحتلينا الرتبه الاولى بين الشعوب بكثرة الحوسة وتجميع المواعين


احساس خلاني اقول وش تحس فيه الضعيفه وهي اسفل جبل المواعين تغسلهم وش تفكر ياترى وهي ترفع رويسه الى اعلى قمة المواعين وتفكر بشي ماهو هذا اللي تفكر فيه ؟


أختاري احد هالخيارات الله لايهينك

1- تعتزل العمل
2- تقدم اوراقها على مستشفى شهار
3- تنتحر
4- تنحاش للبطحاء
5- ياليت ماجيت للدنيا
6- ياليت هذا بيت يصير حريق وانا هووجي


نجي للزبدة جبة لكم صور حوسات لمطابخ متفرقة من كذا عائلة تنتمي للشعب الكريم
اترك لكم المايك تدلون بدلوكم ولانقبل اي وحدة انحرقت سمبوستها وطنقرت نفسيتها او زجرها زوجها ترد وتحط حرتها بموضوعي


هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 600x400 و بحجم 67KB.



هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 48KB.