للصبايا المقبلات على خطة أ

[Dr.lola]

بسم الله الرحمن الرحيم
كيفكم شباب وصبايا ؟؟؟ ان شاء الله بخير وان شاء الله يكون المعدل حلو
وألف مبروك للناجحين والناجحات
المهم انا حابه غيري يستفيد من البنات المقبلات على خطة أ
اولا بالنسبة للرياضيات هي مادة سهلة نوعا ما ولكن يبغالها مذاكرة اول بأول وحل سكاااااشن لازم
وانا كنت عند أ / غادة مطر وطبعا اكيد سمعتوا عنها الله يسعدها يارب تشرح من قلبها كأننا بناتها وتعطي كل ما عندها واهم شيئ عندها بناتها يجيبو درجات حلوة
وانا في الاختبارات بس ذاكرت من الدفتر ودرجاتي في الدوريات مرة حلوة بس الاختبار النهائي جبت العيد لاني ما ذاكرت سكشن والاختبار جا كله سكشن وعن الملخصات انا ما ادري ايش احسن شيئ بس يمدحوا طلعت سالم

وبالنسبة للفيزيا الطامة الكبرى <<< أمزح
هي صعبة ومو صعبة وعلى حسب الدكتورة كمان يعني انا كنت عند نجوى عناية وطبعا مرة ما تعرف تشرح شيئ بس ابشركم ماراح تدرس بعد كدا تحضيري <<<< يعني احنا كنا اخر شعبة تدرسها في التحضيري على الحظ المنيل ستين نيلة
وانا في الاختبارات ذاكرت من اشرف بركات الله يسعده يارب ساعدنا كثييييير وانصحكم انكم تذاكروا منه بس الله يستر من الدرجة ما نزلت الين دحين يارب تكون حلوة

مهارات الحاسب الالي مرررررة مرررررررة لا تستهونوا فيها انا بنظري اصعب مادة انا في البداية استهونت فيها وفي الاختبارات رحت فيها وحاولو انكم تذاكروا اول باول وبالنسبة لاسئلة الاختبار من بين السطور يجيبوا اسئلة

ومهارات الاتصال سهل مادة يمكن في التحضيري كلها بس مرة كثير الحفظ فبرضوا احفظو اول باول وحتجيبوا a+ فيها بالرااااحة

عموما خطة أ سهلة وفرصة انكم تحسنوا وتزيدوا من معدلكم
وبس

واتمنى من الله انو يحققلي حلم كل وحدة وواحد فينا ويدخل التخصص الي يبه
وياؤب تشوفوني في كليه الطب الي هوا حلم حياتي

دمتم بود

[reemooo]

شكرن يا عسوله وجزاك الله خير

[zera]

يعطيك العافيه قلبو

[Dr.lola]

مرسي على مروركم العطر

[د/شهود]

تسلمي ياقلبو

والله يعطيكي الف عافيه

[غيداء2020]

تسلمييييين حياتي الله يعطيك العافيه

[~RAN~]

شكراااااا
يعطييكي العااافيه يارب

[fatoom sweety]

تسلم يدينك ياحلوة

[Dr.lola]

الله يسلمكم يا رب

[بتولآ]

جزآكـ الله كل خييير يآرب ..

والله يستر الكل يقول انها اسهههل من ب بس مدري احسها اصعب :(

ويعطيك الف عآفيه يارب ع النصآيح