صيف .. هذا العــآم .. اسـوأ صيف عشته في حيــآتي {

[د.كيــف]

صيف هذا العام اسوأ صيـف عشتـه فـي حياتـي
باختصـار اكثـر مــررت بمرحـلـه جــدا حزيـنـه

كنت عايـش فـي صـراع كبيـر مـن ذاتـي لذاتـي
كنـت ضايـق واشعـر انـي بعـد ضيقـت المدينـه

كنت اخطط وانتظر صيف السنه هـذي واحاتـي
لجـل اعيـش اجمـل اجـازة حـب مابينـي وبيـنـه

الحبـيـب الـلـي مــن اول كــان اجـمـل ذكريـاتـي
وصـار اسـوأ ذاكـره فــي داخــل اعمـاقـي دفيـنـه

كانـت اشـوى لـو صدمنـي فجـأة بغيـر امنيـاتـي
ولا امــوت بامنيـاتـي غــدر مــن طعـنـة يميـنـه

ضيـق الدنيـا بعينـي صــدق واحـتـرت بجهـاتـي
كنـت اشبـه مــا اكــون بـحـال قبـطـان السفيـنـة

لا ارتفـع مـوج البحـر والريـح هـبـت والتفـاتـي
كــان عـكـس التـجـاه الـلـي يحـسـس بالسكيـنـه

راكبيـن اثنيـن عـرض البحـر والمركـب مؤاتـي
للـغـرق او واحــد مـنـا يـضـحـي عـــن ضنـيـنـه

يعـنـي كــان الـحــل واحـــد يامـمـاتـه يامـمـاتـي
الـبـلا فــي نـاتـج الحليـن..امـوت مــن الغبـيـنـه

قال:ويـش الحـل؟ قلت:التضحيـه مـن واجبـاتـي
لازم اضحـي عشـان اعطيـك بـعـض الطمأنيـنـه

قـال:افـرض خــذاك البـحـر قلـت:اعـلـن وفـاتــي
قول:مـات فـلان لـجـل اعـيـش والمـولـى يعيـنـه

قال:طـيـب لا رحـلـت وشـلــون بتـهـنـى مـبـاتـي
قلت:فكـر فـي رجوعـي بــس وانطـرنـي لحيـنـه

وانتـبـه تنـسـى وتكـفـى كــل شــي الا وصـاتــي
انتـبـه للـقـلـب تـكـفـى قـال:فــي ايـــدي امـيـنـه

قمـت اودعـه بسكـات ودمعتـي تـشـرح سكـاتـي
وماذبحـنـي ضـيـق الا يــوم انــا اقـبــل جبـيـنـه

وارمـي نفسـي للبحـر واختـل فـي موجـه ثباتـي
والبحـر لبعيـد اخذنـي وصـرت لأمواجـه رهينـه

لـكـن الله مــد فــي عـمـري ونـجـانـي بـصـلاتـي
مـا وعـيـت الا وانــا مابـيـن شــط وبـيـن طيـنـه

والحبيـب الـلـي نـجـا مــا كــان متـوقـع نجـاتـي
جيـت مـن بعـد الغيـاب المـر ادور عــن حنيـنـه

مالقيتـه فــي المديـنـه وانشـغـل بـالـي واحـاتـي
ورحت من بـاب انشغالـي اسـأل الجيـران وينـه

قيل:سافـر فــي إجــازة حــب دام الصـيـف آتــي
جــاه غـيـرك يـاخـذه مــن قـبـل يومـيـن بيديـنـه

وقتـهـا دنـقـت راســي حــزن حسـيـت بشـتـاتـي
وقتـهـا حسـيـت نـفـسـي طـفــل اهـلــه بايعـيـنـه

وش حصل لابن اللذينا والا انا وش هي سواتي
مـــا تــقــول الا كــأنــي ذابــــح لــــه والـديـنــه

ذا وانـا اللـي لجـل عينـه مـا بخلـت بتضحيـاتـي
والـقـهــر لابــــارك الله فــيــه مـابـيــن بـعـيـنــه

دام حتى ما حفظ لـي عشرتـي واحسـن جزاتـي
ويـش بأرجـي منـه لابـو عشرتـه لابــو سنيـنـه

كان هذا احساسي اللي دوم اعيشه وسـط ذاتـي
والا انـا ماجيـت بحـر ومانـي قبـطـان السفيـنـه

بس انا اللـي كنـت اخطـط لجـل احقـق امنياتـي
في اجازة صيف ضاعت غدر مـن طعنـة يمينـه

رحـــت بـيـتـي مـامـعـاي الا اقــلــب ذكـريـاتــي
واقـفـل الغـرفـه عـلـي واسـمـع اغـانـي حزيـنـه

لجـل ذلـك كـان هـذا الصيـف الأسوأفـي حيـاتـي
لجل ذلك كنت اتعس شخص عايش في المدينـه