بنات اللي أخذت f في الانجلش 101 تدخل هون للأهمية

[jolie]

السلام عليكم و رحمة الله وبركاته

أخذت في الانجلش 101 F طبعا زي ما انتو عارفين انو نتيجة الانجلش مع التفكير طلعو يوم الاربعاء11/7 و أنا رحت راجعت معهد اللغة الانجليزية يوم السبت 14/7

وصلت هناك الساعة 8 و رحت لسكرتيرة مشرفة الانتساب سألتها عن استاذتي قالت لي ما جات لسة قلت لها عن مشكلتي اني ماخذة رسوب و أنا متأكدة اني حليت و حابة اشوف استاذتي ممكن تلقالي حل قالت استاذتك مو بيدها شي وقالت لي انت بس سجلي اسمك ورقمك الجامعي و رقم جوالك و احنا نتصل عليكي >>>طبعا تكلمني وهي عينها على كمبيوترها و ماهي معبرة فيني

انا سويت زي ما قالت لي بالضبط و طلعت برة مكتبها لقيت طالبة انتظام جات عشان هي كمان أخذت F طبعا ما شاء الله حصلت مشرفة الانتظام و كلمتها و حلت مشكلتها و طبعا أنا حكيتها عن وضعي قالت لي ما راح يتصلوا عليكي هذي بس تصريفة

البنت هذي راحت و خلتني جالسة لحالي قلت ما راح امشي بيتي الين ما ألقالي حل

جلست مستنية مشرفتنا الكريمة تجي و صارت الساعة 9 وما جات

جو بنات زيي ماخذين رسوب و وحدة ماخذة dn يعني ما حضرت الاختبار وهي حضرت ووقعت على الكشف >>سبحان الله

المهم جلسنا نستنى أحد يجي و في الاخير على الساعة 11 ونص جات استاذة اسمها دينا مساوى أما مشرفة الانتساب لاجات ولاهم يحزنون


كلمتنا قالت انتو ليش متجمعين ايش تبغوا>>كنا 9 بنات

قلنا لها عن موضوعنا جابت ورقة وقالت اكتبو لي اسمائكم وارقامكم الجامعية و ارقام جوالاتكم وانا أشوف لكم

أول وحدة دخلت عندها البنت اللي ماخذةdn دورت لها على ورقتها في الكمبيوتر قال ايش انا ماني مسؤولة عن الاوراق ما أقدر اطلعلكم هيا لازم تجي مشرفة الانتساب

المهم دورت لها على ورقتها قالت لها مالقيتها معليش ماهي موجودة في الكمبيوتر تعاي بعد يومين

جا دوري أنا قلت لها رقمي الجامعي و طلعت لي الورقة سألتني ايش كان نموذجك في الاختبار قلت C قالت شوفي ورقتك تصححت على نموذج B

قالت لي انت ظللتي غلط قلت لها طيب استاذة ليش ما تعيدوا تصحيح ؟!؟!


قالت لازم تجي المشرفة انا ما اقدر اعملكم شي

و اشرت على اسمي في الورقة و قالت انا اتابع لك ورقتك تعالي لي يوم الاثنين

طبعا أنا رجعت لبيتي الظهر و كلي أمل انو المشكلةهذي تنحل وتكمل فرحتي بنتايجي

جاء الاثنين 16/7 ورحت الجامعة من الساعة 8 و جلسنا نستنى الين الساعة 11 >>طبعا معاية المرة هذي 6 بنات غير اللي جو يوم السبت

صارت الساعة 11 و لا جات الاستاذة دينا بعد ما وعدتنا ولا المشرفة

أخر شي شفت استاذة ثانية قالت اليوم ما حد جاي نعالو بداية الترم الجاي

يعني انا أبغى اعرف ليش تعاملهم معانا احنا الانتساب كذة

احنا مانا رب ولا الانتظام احسن مننا حقوقهم ياخذوها كاملة و احنا المساكين لنا الله

معليش قلت لكم قصة حياتي بس والله من قهري

و أنا الصراحة مو مرتاحة لحكاية اني استنى للترم الجاي

فياليت اللي زيي وحابة تروح تقول عشان نسوي تجمع ونروح

عشان ما أكون لحالي لأنهم لو شافوا اني لحالي ما راح يعبرو فيا

بنات اللي تبغى تروح تقول لي نروح الاسبوع هذا

[فراشة جدة]

الله يعينك ياحلوة ويفرج همك ياارب

انا مرح اقدر اساعدك بشي

بس انصحك لاتسكتي ضلك ورااهم ورحي الجامعة وراجعيهم مره واثنين وثلااث لحد مايعدلوا درجتك

وان شاء الله ربي مايضيعلك تعب

موفقة

[jolie]

المشاركة الأصلية كتبت بواسطة فراشة جدة الله يعينك ياحلوة ويفرج همك ياارب انا مرح اقدر اساعدك بشي بس انصحك لاتسكتي ضلك ورااهم ورحي الجامعة وراجعيهم مره واثنين وثلااث لحد مايعدلوا درجتك وان شاء الله ربي مايضيعلك تعب موفقة

21 مشاهدة ولا أحد فيهم عبر ولا حتى دعالي

آميين يا أحلى فراشة تسلمي ربي يجزاك خير

[jolie]

اب

اب

بليييييز مين اللي صار لها زيي و عدلولها درجتها

[HAS]

بالتوفيييييييييييق

ياعسسسسسسسسسسل


إن شاء الله يعدلو درجتك

[jolie]

المشاركة الأصلية كتبت بواسطة has بالتوفيييييييييييق ياعسسسسسسسسسسل إن شاء الله يعدلو درجتك

تسلمي يا قلبي

آمين ربي يسمع منك

يا ناس احد يعبر

94 مشاهدة

[ابونوره الرفاعي]

اكثر المشاهدين شباب مالهم دخل في البنات الله يوفقك

[جلاديولاس]

الله يوفقك يارب ويعدلولك درجاتك
عاد اصبري عليهم والله يسهلك امورك

[jolie]

المشاركة الأصلية كتبت بواسطة ابونوره الرفاعي اكثر المشاهدين شباب مالهم دخل في البنات الله يوفقك

المشاركة الأصلية كتبت بواسطة جلاديولاس الله يوفقك يارب ويعدلولك درجاتك عاد اصبري عليهم والله يسهلك امورك

جزاكم الله خير تسلمو على المرور

[سلمان التركي]

أختى لازم تروحي وتعملي شئ ولا تسكتي على حقك أبدا" والله شئ محزن يحدث مثل هذا بالجامعة ترى دائما" تحصل أخطاء وخطاهم واضح مثل الشمس زي ماتفضلتى نموذجك غير والتصحيح على نموذج أخر بأي حق يصرفوك والله لا طلع حقي منهم لا بالقووووة ولا أسكت !!!!
قدمي شكوى الى رئيسة القسم أو وكيلة الكيلة وتابعيهم ولا تستنى للترم الجاي هم تحملون غلطتهم مو أنتى !!! وبعدين أطلبي رد أعتبار أذا رجعوا لك الدرجه وعدلوها بسبب ما حصل لك من ظلم !!!
الله يوفقك أختي الكريمة وترجع لك الدرجة بامتياز أن شاء الله ؛؛؛