جااوبوني ..سؤال محيرني عن التحضيري والتحويل..!! =)

[~..SoNa..~]

بسم الله الرحمن الرحيم

السلام عليكم ورحمه الله وبركااته..<<لاتنسو تردو السلام كاامل عشان تاخدو 30 حسنه..

آامـمم..انا في ثاالث ثنوي..وعندي سؤاال بخصووص التحضيري..

الموهيم.. انا سجلت في السنه التحضيريه..بس طبعًا لسى ما طلع القبول ..لانو السنه ما انتهت..
وافرض مثلاً (لا قدر الله) اني ما انقبلت في التحضيري..ايش اللي ممكن يسير ..خلاس ما قبلووني اجلس في البيت ..ولا هما من عندهم يحولوني على اي كليه..ولا انا لما يجيني خبر اني ما انقبلت يكون عندي فرصه اني احول في اي شي تااني ..ولا كيف يعني..!!
والسؤال التااني .
.لو مثلا انقبلت في التحضيري (ان شا الله يا رب ) بس معدلي ما حيدخلني طب..(الله لا يقول) اقدر احول على شي تااني ولا لا ..؟؟


<<معليه كلها السؤاالين ملخبطه..بس لاني مو عاارفه كيف اوضح لكم قصدي ..يا ريت اللي تدخل او يدخل ..ومو فاهم قصدي يقول عشان اشوف ادا اقدر اجيبو بصيغه تانيه .. =)


ربي يوفق الكل ان شا الله ..

[shaima]

اولا مبروك على تخرجك من الثانوية
السنة التحضيرية حتكون من أحلى سنين حياتك ......

اذا قبلوكي انتظام رح يحطولك موعد تراجعي فيه الجامعة عشان تسلمي وثائقك خلاص
اذا حطيتي الرغبة الاولى انتظام علمي والثانية اداري ممكن لو خلصت مقاعد العلمي وكان ليكي حظ فيه -لاي سبب- يحطوكي في الاداري بناء على رغبتك الثانية

لو ماقبلوكي انتظام رح يحولوكي على التأهيلي ( دراسة بدون مكافأة شهرية ) وبرضه على حسب المقاعد والدرجات
لو ماقبلوكي تأهيلي رح يحطوكي انتساب ( بفلوس ) يعني رح تظري تدرسي اشياء ادارية بفلوس

اذن في 3 خيارات مااعتقد انهم ممكن يكتبولك لم يتم قبولك ...لانه اخر المطاف يحطوكي انتساب ويستفيدو من الفلوس فماراح يفوتو اي طالب

-حسب علمي -

[shaima]

المشاركة الأصلية كتبت بواسطة ~..SoNa..~ والسؤال التااني . .لو مثلا انقبلت في التحضيري (ان شا الله يا رب ) بس معدلي ما حيدخلني طب..(الله لا يقول) اقدر احول على شي تااني ولا لا ..؟؟ معدلك يدخلك او لا هذا شيء مارح تعرفيه الا لما تدرسي السنة التحضيرية العلمية وتخلصيها بس تقدري من بداية السنة التحضيرية تحولي من علمي لاداري لو حبيتي او لو حسيتي انك مارح تمشي وتقلي برضه تسحبي ملفك من الجامعة كلها وتروحي مكان تاني يمكن تغيري رأيك وتميلي لشيء تاني عير الطب بعد ما تبدئي التحضيري موفقة ربي يوفق الكل ان شا الله ..

.......................................

[D.Khaled]

المشاركة الأصلية كتبت بواسطة ~..sona..~ بسم الله الرحمن الرحيم السلام عليكم ورحمه الله وبركااته..<<لاتنسو تردو السلام كاامل عشان تاخدو 30 حسنه.. آامـمم..انا في ثاالث ثنوي..وعندي سؤاال بخصووص التحضيري.. الموهيم.. انا سجلت في السنه التحضيريه..بس طبعًا لسى ما طلع القبول ..لانو السنه ما انتهت.. وافرض مثلاً (لا قدر الله) اني ما انقبلت في التحضيري..ايش اللي ممكن يسير ..خلاس ما قبلووني اجلس في البيت ..ولا هما من عندهم يحولوني على اي كليه..ولا انا لما يجيني خبر اني ما انقبلت يكون عندي فرصه اني احول في اي شي تااني ..ولا كيف يعني..!! والسؤال التااني . .لو مثلا انقبلت في التحضيري (ان شا الله يا رب ) بس معدلي ما حيدخلني طب..(الله لا يقول) اقدر احول على شي تااني ولا لا ..؟؟ <<معليه كلها السؤاالين ملخبطه..بس لاني مو عاارفه كيف اوضح لكم قصدي ..يا ريت اللي تدخل او يدخل ..ومو فاهم قصدي يقول عشان اشوف ادا اقدر اجيبو بصيغه تانيه .. =) ربي يوفق الكل ان شا الله ..

وافرض مثلاً (لا قدر الله) اني ما انقبلت في التحضيري..ايش اللي ممكن يسير ..خلاس ما قبلووني اجلس في البيت ..ولا هما من عندهم يحولوني على اي كليه..ولا انا لما يجيني خبر اني ما انقبلت يكون عندي فرصه اني احول في اي شي تااني ..ولا كيف يعني..!!

لو ماأنقبلتي في التحضيري ؟؟ كيف يعني بتجلسي في البيت

لا أختي مايحولوكي إنتي سجلي في كل مكان في الحرس مثلا

في الكليات الأهليه في كل مكان عشان إذا ماقبلتك الجامعه لاسمح الله

يكون عندك هذه المجالات مافي شي إسمه تحويل نا فاهم قصدك بس أختي

مافي شي إسمه تحويل خلاص إنتي قدمتي هنا إحنا مالنا صلاح فيكي <<هم يقولوأقصد الجامعه



.لو مثلا انقبلت في التحضيري (ان شا الله يا رب ) بس معدلي ما حيدخلني طب..(الله لا يقول) اقدر احول على شي تااني ولا لا ..؟؟

طيب حلو إن شاء الله تنقبلي إذا معدلك مايقبلكي طب

عادي في طب موازي في طب أسنان وفي تمريض ومختبرات

وعندك صيدله كمان يعني في مجالات أصلا راح يدوكي إختيارات

للتسكين أقصد يعني يدوكي الكليات الللي تبغي تلحقي فيها هذا يكون

بعد ماتخلص السنه يعني لاتشيلي هم من ذحين أهم شي الدرجات والإختبارات

الحمد لله إنك خلصتي وشدي حيلك والله يوفقكي ويقبلوكي بالراحه

[Fd0]

وافرض مثلاً (لا قدر الله) اني ما انقبلت في التحضيري..ايش اللي ممكن يسير ..خلاس ما قبلووني اجلس في البيت ..ولا هما من عندهم يحولوني على اي كليه

قبول الجامعه نفسه هوا قبول الكليه

يعني لمن جا موعدي ايام التسجيل وتسلمي مستنداتك تروحي الخطوه الثانيه وهيا يسالولكي تبي ( علمي..اداري ) وبعدين يسالوكي ( جامعه فرع السليمانه والا .. كليه )


<<< طبعا هذا الكلام للايام الالى اللي يختاااروو بنفسهم

==

اما اعرف بنات كانو اخر يوم راحو بس بقي ( الفرع ) اللي هوا الكليه بحي الصفا علمي
يعني ما تختار مجبره


===============

لو مثلا انقبلت في التحضيري (ان شا الله يا رب ) بس معدلي ما حيدخلني طب..(الله لا يقول) اقدر احول على شي تااني ولا لا ..؟؟

لا تستعجلي بدي المساله

ياما بنات دخلو يبو طب وبالنهايه بس يتمنو يدخلوا اقتصاد

يعني التحضيري زي كانها 4 ثانوي


===============================


اوبس صح مبروووك عليكي التخرج

[~..SoNa..~]

....shaima....~....Dr.khaled....~....Fd0....

جزاكــــــــــــــــــــم الله كل خير ..مو بس خير..

وربي يريحكم ويطمنكم زي ما طمنتووني..

=)

[xanaza6]

إن شاء الله تنقبلين خيتو ^.^ انتي خلصي الثانوي وقدمي على كل حاجه بجده, وإن شاء الله لما تنقبلي بالجامعه هنا اهم شي عندك التحضييييييييييييييري لا تستهينين فيه وجيبي درجات عاليه وبعدها يحطونك وين ماتبغين باذن الله تعالى, ةاذا مافي طب في غيره, عندك كليات كثيره بالجامعه

ومبروك على نهاية الثانوي والجامعه احلى من الثانوي بكثير وربي ييسرلك امورك

[كومة مشآعر]

حبيبتي لآ تخآفي .. القبوول في الجآمعهـ مو صعب ^^ ..

لآ تهوليهآ على نفسسك .. ونشوفك إن شآء الله معآنآ في الجآمعهـ السنة الجآيه =) ..

وإذآ معدلك في التحضيري مآ يأهلك للطب [ لآ قدر اللهـ ] .. في كليآت كثيرهـ غيرهآ حلوهـ .. ^^

يعني إنتِ أصلاً حترتبي الكليآت كلهآ إن شآء الله على حسب رغبتك .. وإذآ مآ نقبلتي طب [ لآ قدر الله ]

ينزلون للرغبهـ إلي بعدهآ وهكذآ ...

بس إنتِ دحين شدي حيلك في التحصلي .. وربي معآكي ..


بالتووووووووووفيق يآرب ~