الحل الصحيح لمشكلة إيجاد الــ[c2] في إختبار مادة ee 201

[قائد بلا جنود]

السلام عليكم ورحمة الله وبركاته




زي ما انتوا عارفين اللخبطة اللي حصلت في إختبار الماتلاب بالنسبة لإيجاد الضلع C2


والشباب حلوها بطرق مختلفة منهم اللي قال تنحل بالمميز ومنهم قال ما تنحل ومنهم أفترض أنه المثلث قائم الزاوية وحل بفيثاغورس.....


أنا أقوللكم كيف تنحل


الدكتور أعطاك القانون ::: a^2 =b^2 +c^2 - 2bcCOS(X


في الحقيقة هو جزء من قوانين إيجاد طول الضلع في أي مثلث سواء كان قائم الزاويه أو مهو قائم الزاويه

لذلك يكون إيجاد C2 بالقانون التالي:::


c^2 =b^2 +a^2 - 2baCOS(X


وهذا اللي لمّح عليه الدكتور وقال " هوا دا القانون بتستخدموه للمسلسين "


ولكي أثبت لكم أكثر...

اللي عندة كتاب الماث 110 واللي هو نفسه كتاب 202


يفتح على صفحة ((54)) تلاقي عنوان جانبي " The Law of Cosines "

أقرا الموضوع وبتلاقي الحل اللي أنا قلته صحيح

[فهد الجدعاني]

أنا قلت كذا بس قالوا لا لازم المميز حتى حق المعمل قال بالمميز حتى رحت قسم الرياضيات وسألت الدكتور قال بالمميز
لكن أنا ولله الحمد من الشعبة اللي بعد الظهر السؤال الثاني كان مره سهل ^_^"
بالتوفيق لي الجميع

[mr_x_7]

لا يا حبيبي
اسمحليييييييييي
انتا غلطان 100%
انتا لمن افترضت هذا القانون وقلت انو c^2 =b^2 +a^2 - 2baCOS(X
انتا بكذا خبصصصصصصصصصصصصصصت الدنيا مررررررررررررررررره
عارف ليش
لانو انتا حطيت c^2 في طرف..اعتبرتها انو هيا الضلع الثالث المراد ايجاده صح؟؟
طيب حلووو..بمعنى ثاني...اخدت الزاويه اللي هيا مو معطاه في السوال
الدكتور اعطاك زاويه A2
لمن تحط القانون اللي انتا كاتبو..معناتو انتا غيرت الزاويه..يعني اخدت زاويه ثانيه
اللي هيا بين a و b1
وهذا غلط فادح..لانو الزاويه هادي مجهوله ...ما ذكر عليها شي الدكتور
لمن تحط القانون ..مربع الضلع المجهول =مربع الاول+الثاني ......
انتا بكدا تاخد الزاويه بين الضلعين المعطيين
بس بكلامك هذا سويت حاجه غلط...لانو ما عندك الزاويه دي
ياريت تكون وصلت المعلوممممه..

[عاصم العاصم]

قائدنا الغالي ..
انا بصراحة حليت السؤال بنفس هذه الطريقة
بعد كذا شفت تخطبت بين الطلاب على الطريقة
قلت أفضل طريقة انك تضع السؤال في ( ذاكرة النسيان )
وللمعلومية السؤال موجود في مذكرة اللاب ..
اجازة سعيدة لكم جميعا ( استراحة محارب )...
ولأخواننا الحجاج كان في عونهم ودعواتنا لهم بالقبول ...

[قائد بلا جنود]

ياخي والله مشكلة...!!!

الكورس كلله برمجة وأخينا علاء جودة الله يهدية ملخبط أم السؤال

فيه سؤال شبيه له في الكتاب صفحة 65 سؤال رقم 29 لكن هو جايبه بطريقة ثانيه ومصعّبه على الطلاب

الله يعين بس

[Keemo.91]

هذا الاختبار كان موحد للجميع ولا كيف؟؟؟؟

لان امس اخذنا كويز لكن ماكان فيه لا ايجاد ضلع ولا اي شي من الكلام ذا

انا ادرس عند المهندس اياد

[عاصم العاصم]

لا ياأخي العزيز هذا الكوز
عند الدكتور علاء

[وسيم الإتحاد]

يا أخي أنا سألت الدكتور علاء .... وقالي بالحرف الواحد
" لو لقيت المشكلة رياضية ومش برمجة والأغلبية ضايعين فيها حألغي فقرة c2 وسيظل باقي السؤال ....لأنه أنا يمكن ملخبط شوية "

وقال إنه ما حيصحح إلا بعد الحج ...

[قائد بلا جنود]

المشاركة الأصلية كتبت بواسطة وسيم الإتحاد يا أخي أنا سألت الدكتور علاء .... وقالي بالحرف الواحد " لو لقيت المشكلة رياضية ومش برمجة والأغلبية ضايعين فيها حألغي فقرة c2 وسيظل باقي السؤال ....لأنه أنا يمكن ملخبط شوية " وقال إنه ما حيصحح إلا بعد الحج ...

يا سلام عليك

جزيت خيراً على هالخبر المهمم