عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 31-08-2016, 12:19 PM   #29

Mwb

جامعي

 
تاريخ التسجيل: Aug 2016
كلية: أخرى
نوع الدراسة: إنتظام
المستوى: الأول
البلد: جــــدة
الجنس: ذكر
المشاركات: 5
افتراضي رد: ملتقى الاستفسارات عن دكاترة السنة التحضيرية ( للطلاب فقط ) شاركونا

السلام عليكم يا شباب افضل دكاترة الرياضيات ابو جبل بس ما عندي خلفية اذا يدرس تحضيري هذا الفصل او لا و دكتور درسني انا اسمه وليد الحمدان كان ممتاز و المنسق حق الرياضيات عازب الغانمي ناس تمدحه و ناس لا بالنسبة للفيزياء الله يعينكم مافي شي معين يذكر بس انتوا احضروا عند الدكتور اللي نازلكم و احكموا اذا ما ناسبكم غيروا الشعبة المنسق اسمه (بهاء رفه) بالنسبة لمهارات الاتصال مو مرة يفرق لانه المادة مو مرة صعبة و الاختبار من الكتاب بالنسبة للحاسب انصح بدكتور عبدالله القطب ممتاز و متعاون مع الطلاب ، بالنسبة لخطة ب الكيمياء فيه مجموعة من الدكاترة كويسين على كلام الطلاب و كلام بعض الدكاترة فيه السباعي و ابراهيم مخالد و المنسق سالم باواكد و عن تجربة شخصية فانصح بقوة الحضور عند دكتور ياسر العنقري مثال للعلم و الادب و التواضع بس مشكلته يتاخر شوية عن موعد المحاضرات و كمان للمعلومية الدكتور يطول في المحاضرة لزيادة الاستيعاب يعني انا كانت محاضرتي الساعة 11 و تنتهي 11 و 55 دقيقة هوا كان يجي 11 و 20 دقيقة تقريبا و يستمر الى الساعة وحدة تقريبا ، بس من افضل الدكاترة شهادة امام الله ، و بالنسبة للاحصاء احمد العم ممتاز و بعض الطلاب يقولوا الداغستاني كمان ، بالنسبة للاحياء ركزوا و ذاكروا الموقع التفاعلي 98٪‏ من الاختبارات منه لكن الافضل انك كمان تطلع و تقرا السلايدات الجديدة حق الكلية لا تاخذ القديمة موجودة كلها في موقع الجامعة قسم الاحياء بالنسبة للدكاترة ما يفرق لكن عن تجربة شخصية انصح بدكتور عفت سليمان. اللي يسأل عن الدكاترة و متى محاضراتهم و وقتها تقدروا تسألوهم بنفسكم لانه تتغير كل فصل بالنسبة للرياضيات و الفيزياء تلاقوا الدكاترة في مبنى كلية العلوم القديم مبنى 115 بالنسبة لابو جبل تقدروا تتواصلوا معاه عن طريق حسابه في تويتر ، بالنسبة للاحصاء موجودين في مبنى كلية العلوم الجديد مبنى 90 قدام مواقف التحضيري المظللة ، بالنسبة لدكاترة الكيمياء موجودين في كلية العلوم المبنى القديم 115 الا الدكتور ياسر ما يروح مكتبه هناك لكن روح اسأل السكرتارية كيف ممكن توصلوا له . بالنسبة للاحياء تلاقيهم في القسم حق الاحياء جنب البريد السعودي و مقابل مبنى 44

 

Mwb غير متواجد حالياً   رد مع اقتباس