[أول المشوار]

طبعا نور ما اتابعه لانه مرررررره متعدي المعقول والدليل انتقال بثه لقناة 4
اما سنوات الضياع يعجبني في يحي حب مساعدة الناس وشهامته

وصحيح ان لميس حملت منه ولا عندها في اهلها
لكن الله يستر لاتجي بكره وحده تحب لها واحد وتحمل منه واذا احد سئلها قالت:
يكفي ان اللي ببطني من حبيبي

طبعا مجتمعهم عادي
اما عندنا فتعرفون كيف راح تكون سمعة الولد وعيشته بالحياة (ممكن ينتحر)
والاقرب في تصوري بينرمى...... مثل رضيع انرمى في بحر ولقاه رجال خفر السواحل
طبعا كل هذا.....بسبب الاختلاف الكبير بيننا وبينهم

وانا معكم ان البرنامج يأثر على الاسر بالحب المصطنع
مما اضطر بعض السذج لتسمية مواليدهم الجدد بأسماء شخصيات المسلسل
>>>>>تخيل تسمي ولدك ابو شعرة.....

لكن وبواقعيه نتكلم
تعالو للخليجي اوالمحلي على قولتنا
بتلقوه كله مشاكل وسب وهواش(مضاربات) وقوة موضه ومكياج ......وحده صابغة شعرها بلون احمر يفقع العين
وطردت ابو وام زوجها من بيتها بعد ماباعو الوالدين البيت على شان يساعد عيالهم
المشكلة الولد مثل الغبي بس يطرد ورا ام شعر احمر....ووحده ثانيه مسويه فيها حليمة بولند قصات وصوت
ومياعه
ولي كلمتها امها قاااااااااااالت هاه انتي وش تبي...(قلة ادب) وممكن هالوقاحه تجر الاولاد لتقليل حق الوالدين
طبعا الحلوة تقول تبي تتزوج من مغني مشهور بس علشان تقهر صديقاتها...(بالله هذا مسلسل ولا سخافة)

بواقعيه يا اخوان واخوات
ما اشوفهم يعالجو اي مشكلة بالمجتمع واغلبية كتاب مسلسلاتها طبقه علمانيه مدعومة من اليهود ...همها بس
اضمحلال اخلاقنا وطمس مثل مايقولو الهوية


وصرنا للاسف مثل الكورة يرموها وين ومتى ماودهم
وبكل قناة ما نشوف الا اهدافهم