رد: خبراتنا مع التخصص .... [كلية الاداب والعلوم الانسانية ]
الموضوع جـــــــــــــــداً مهم بس في نقاط لازم الواحد يحطو ف بالو،،
ماشاء الله الاعضاء ماقصروا لما بيحكو عن تجاربهم ولا فين مجال تخصصهم،،
المهم ماراح اطول عليكم بالنسبة لتجربتي،،
انا خريجة من قسم علم الاجتمـــــــاع وكنت قبلها تخصص فرنسي بس لظروف معينه سحبت من هذا القسم وكان اختياري الثاني للتخصص علم النفس، بس بصراحه دوخت السبع دوخات عشان احول وغير الروتين والبرود للاسف من بعض الاداريات ....الخ
طبعا البنات بدأو الدراسه وانا لسه ماتخصصت وخفت الترم يضيع عليا ومقهوره خاصة ان معدلي عالي المهم بعد تدخلات وجهد جهيد دخلت علم الاجتمـــاع " خاصة ان الفرق بينه وبين علم النفس شعرة" مره القسمين بيستفيدوا من بعض
والحمدلله تخرجت من وانا حابه دا القســـم خاصة انها قريبة من ميولي واتمنى احضر ماستر علم نفس اجتماعي..
بالنسبة لتجربتي للمواد والاستاذات بصراحة تعتمد ع البنت والاستاذة انا ماكنت ماشيه ع الخطه والحمدلله كانت المواد سهله بالنسبه لي ، ولا انكر ان الاستاذه او الدكتوره لها دور ف سهولة فهم المادة وكنت اخد الاستاذه اللي شرحها تمام والكل يمدح فيها حتى لو كانت اسئلتها صعبه اهم شي عندي كان الفهم ،،
ولـــــــــي ملاحظة،،
بصراحه التخصص ف الجامعة يعتمد ع المعدل اكتر عشان كدا انصح المستجدين يشدوا حيلهم من البداية ماياخدها طناش واهمال وبعد كدا ياخد تخصص مايناسب ميوله
وبالتوفيق للجميع[/size][/size][/b]
|