السلام عليكم
بصراحة وبكل أمانة فرق بين إدارة د.ندى برنجي
وبين د.رنده آل الشيخ
د.ندى هدفها الاول مصلحة الطالبه والكل يشهد لـ د.ندى بأخلاقها العاليه
واهتمامها بينا وقت الحذف والاضافة وتعديل الجداول
من يوم ما جت د.رنده سوري نحنا الطالبات ملخبطين ومو عارفين مصيرنا
خاصة الخطة الجديده..انو ما تنفتح مواد السميستر الخامس إلا لما تخلصي
كتابه واحد وثنين يعني بجد ظلم
دحين السميستر الجاي ادرس بس رايتنغ ون مو معقول مو راضين يفتحو لنا
المواد الثانيه ...ياليت د.رنده توضح لنا اكثر ايش حنعمل وايش حنسوي
مو معقولة مرتين اف في الرايتنغ وكل المواد الثانيه من ريدنغ ون وتو واورل ون
وتو وبما فيها الفرنسي انجح فيها بدرجات طيبه والراتنغ اف مرتين يعني مو بس الخلل
مني 70% الخلل في الادارة وخطتها وفي تصحيح الورق وطريقة الاختبار وعدم معرفتنا
لدرجتنا..
اتمنى من كل قلبي طريقة تصحيح الرايتغ تكون واضحة لنا لآخر يوم في الجامعه
واحنا نختبر ومانعرف لا درجات ولانشوف اوراقنا ونشوف اخطائنا عشان نتعلم
آسفه جدا للإطالة
سبحانك اللهم وبحمدك استغفرك واتوب إليك