رد: رد على رسالة أكاديمية وصلتني بخصوص تخصص اداره سكن و مؤسسات :) ..
السلام عليكم
وعليكم السلام .. هلا يا قلبو ..
تويكس روحي ياشيخه الله يفتحها في وجهك ويسهل عليك اختباراتك
وتاخذي الفل مارك يارب
احرجتيني باخلاقك..
آمييييين يآرب من بوكـ لباب السماء .. :D والله يفتحها ع الجميع ان شاء الله .. ولو يا قلبو لا احرجتك ولا شي كولنا لبعض وآي خدمهـ آنا تحت آمركم ..
حبيت المواد والاستاذات حسيت انها دراسة تفيدك اكثر بحياتك مما تكون منهج نحفظه ونفرغه في الورقه!!
هو دآ الشي الحلو في الكلية عموما انو حتى لو ما اتوظفتي مستقبلا لا قدر الله انتي تكوني استفدتي من كل شي درستي في حيآتك الخاصهـ ..
وحلو كمان تقسيم الدرجات يعني تقدري تجمعي من هنا وهنا
برضو دي إجابية حلوهـ في التخصص والدكتورآت أنهم ما يحددو الدرجات على الاختبارات بس .. لا تقدري تجمعي زي ما بتقولي من هنا ومن هنا صح تعب الشغل الي بيتعمل لانهم بيطلبو شغل كتير مننا بس برضو لصالحنا نضمن الـ 60 درجة النجاح قبل لا نختبر النهائي .. ودا الشي حلو والحمد الله ..
بس ايش حكاية المواد العامه (فتحت الخطه وما لقيتها!) ؟ يعني تدخل من ضمن مواد الخطه (الاساسيه والاختياريه) ولازياده عليها ؟؟>>
معليش بتضحكي بس لسى دوبي تحضيري ماعرف شششي ..
الا يا عسسسل موجوده المواد في الخطة (( علم نفس .. أسس تغذية .. صحة فرد )) .. وهيا ضمن الخطة وماهيا مواد زايدة وتنحسبلك درجاتها وساعاتها .. المواد العامة هاذي مواد عامة لكلية الاقتصاد المنزلي يعني كل التخصصات يدرسوها مو بس تخصصنا .. فهمتي عليا يا قلبو .. !!
لا وي عيب عليا اضحكـ :d ما اضحكـ عليكي بالعكس كولنا كنا هيكـ واتعلمنا .. :)
طيب على اي اساس سويتي مواد الجدول يعني ايش عرفك بصعبوبة المواد
بحيث ماتكون كل المواد صعبه او العكس؟
والله أول سميستر أعتمدت فيه على نفسي لآني كنت لسسسآ ما اعرف آحد وما كان عندي وقت اصلا اضيعو وما اضيف شي في الجدول .. فعملت الجدول على اساس المواد الي كانت شعبها مفتوحهـ .. والحمد الله كان جدولي حلو ومريح مرآآآ ومبسوطه فيهـ اداوم من 8 إلى 11 وآرجع .. مع آني غلطت غلطة آني ما اخذت مادة سكن وتأثيثة في أول سميستر لأنها متتطلب لمادة تآنيهـ ..
وعلى فكرهـ آحوب اقلك شي مافي شي سهل وصعب في التخصص كولو يعتمد على الدكتورهـ .. ودآ الي انا بلاحظوووو .. يعني تجي تسآلي بنت تقولك الماده ززززززفت .. والمادة تكون عاديه زي آي ماده تانيه بس الدكتورهـ لها دور في آنها تخليكي تحوبي المادة ولا لا .. أو من ناحية تسهلها وتصعبها ..
السميستر التاني لا عملت جدول مبديء للمواد الي انا ابغاها مع المرشدة .. ولما سألت بنات طبعا سمعت كتير أشياء بس مشيت الي في رأسي وتوكلت على الله وآخذت المواد الي ابغاها عشان احاول امشي مع الخطة .. لآني صحصحت لما انخطبت :$ والحمد الله اهو عدى الترم وكل شي حلو مع اني انضغط وتعبت شويتين شوووويتين لاني اخذت مواد تخصص 3 واختياري 1 وعملي 1 وعامة 1 .. فكان ضغط مرآآ في الشغل لكن المواد كانت سهله وحلوهـ ..
والمذاكره فيه كتب تعتمدوا عليها ؟ او حسب طريقة الاستاذه؟؟
لا كنا بنعتمد على الكتب .. كتاب ندرسو ونختبر فيه .. دا الي لحد الان ماشي معايا ..
ههههههه شكلك من طالبات استاذه سلوى اللي طبقتوا في بازار موو ؟
مررره مدحوها وشفتها حبوبه جددا
يس يس يا حبني لدي الاستآذهـ .. آيوا طبقنا البازار في التحلية سنتر .. مرآآآ عسل وحبوبة وتحوب البنات .. وتعاملهم كانها صحباتها أو أخواتها ..
وكمان شكلك من البنات الي سألتهم عن القسم .. فين كنتي جالسه ؟؟
يمكن سآلتيني في بنات كانو بيسآلوني انا وصحباتي .. اي احد يسآل اجلس اعبر عن تخصصي مرآ فرحانه فيهـ .. انا كنت موجودهـ يوم الربوع في الليل بركن التلوين ..
عموما يارب انقبل وحرجعلك تسويلي الجدول هههههه .. ماقصرتي ياعسسل ..
آمين يارب تنقبلي وتصيري من بنات تخصصنا .. والله يكتبلك الي في خير ان شاء الله ..
ولا يهمك اقلك على المواد الي تأخذيها في اول سميستر ..
وآي شي آسالي وخوذي رآحتك ..
|