رد: رد على رسالة أكاديمية وصلتني بخصوص تخصص اداره سكن و مؤسسات :) ..
السلام عليكم
وعليكم السلام .. هلا حبيبي ..
الله يوفقك يارب ويسهل لك دراستك اختي تويكس
آمين يآرب والجميع آن شاء الله ..
افدتينا كثير عن القسم لانه شبه مجهول!!
من نآحية مجهول فهو مجهول يا حياتو على قسمي آآحوبو مرآآآ :$
*مم اذا فيه امكانيه وعندك وقت تقولي ايش المواد اللي درستيها الى الان .. مع استاذة كل ماده؟
*ولو فيك حيل تعطين رأيك سريع في الماده والاستاذه لو كلمتين ...
آافا ياقلبو ولا يهمكـ .. أول شي بقولك نظام الخطة في القسم ..
الخطة تمشي على 8 مستويات .. طبعا احنا درسنا اول سنه التحضيري وانحسبتلنا مستوى اول ومستوى تاني ..
بعد كدا خطة القسم تبدأ من المستوى الثالث ..
يكون عدد المواد في المستوى الثالث والرابع والخامس 6 موآد , والمستوى السادس والسابع 5 مواد , والمستوى 8 أربعة مواد ..
طبعا الترم الي رآح صار تغير في الخطة وبصراحة ما اعرف التغيير الي صار بالزبط الي اعرفو انو كان في بحث أ وبحث ب وصار مشروع بحثي واحد .. وكانت 3 مواد اختياريه صارت خمسة .. بس كيف عدد المواد في كل مستوى ما آعرف ..
إن شاء الله اذا ما نسيت افيدكم بالخطة الجديدة على بداية السنه الجديدة لآني حتى انا ابغى الخطة الجديدهـ الي يبغاها يقدر يروح عند أ. فينوس باعيسى في مبنى 43 الدور التاني من عند الدرج يسار هناك الشؤون التعليمية لكلية الاقتصاد المنزلي ..
آنا اول سميستر ليا في التخصص الي هو (( المستوى الثالث )) آخذت 5 موآد .. وهيآ :
1- علم نفس .. مادة عامة في الكلية .. مع أستاذه هيفاء هزازي .. عسل عسل عسل .. تحترم البنات تعاملهم على انهم بجد بنات جامعه , آخلاقها عسل , شرحها حلو توصل المعلومه بطريقة مبسطة وعن طريق الامثلة , اختبارها اختياري , تختبرك واحد دوري من 30 .. ونهائي من 40 .. باقي 30 , 20 تقسمكم قروب من خمسة طالبات وتعملو أي موضوع في علم النفس (( بحث )) .. الـ 10 حضور وغياب ومشآركهـ وسوتلنا واحد اختبار مفاجئ :$ ..
2- ثقافة إسلامية مستوى ثاني .. ما يحتاج اتكلم عنو لانو زي نظام التحضيري ..
3- أسس تغذية .. برضو مادة عامة في الكلية .. مع دكتورة منى سامي .. لزيزهـ الدكتوره .. شرحها حلو حبوبة وان كانت احيانا فجأءه تسوي حركات مدري ايش تحس فيها يعني تصرخ ومدري على ايش .. بس اهم شي انها تشرح بذمة .. اختباراتها سهله ونظام اسئلتها اختياري .. نظامها في الدرجات اختبارين دورين من 20 نهائي من 40 .. باقي 20 خلتنا نسوي فيها بحث صغنوني من 10 والتاني تكليف عاتي برضو من 10 ..
4- صحة فرد .. مادة عامة في الكلية .. مع د. هدى جلال .. الدكتورة حلو شرحها طيوبة .. تتناقش مع البنات تعطيكي معلومات تخرجي من المادة مستفيدة منها .. العيب في دي المادة يعطوكي كتاب بس اكتر شي يعتمدو على الكلام الي تقول هيا عليه او تقولك دووري عليه من النت دا الي كان يقهرني في الدكتوره وشوفي كل وحده تتطلع معلومات .. اختبارها دوري واحد من 25 .. نهائي من 40 .. 25 تكاليف (( عرض بور بوينت وتشرحي .. خدمة مجتمع سوى - بحث او مطوية او منشورات .. الخ - واجبات خفيفة تعطيكي اسئلة تقولك جاوبي عليها وقالت اعطيكم خمسة وحلُ 3 .. وطول الترم اعطتنا واحد واخذنا عليه الخمسة .. الباقي نسيت اش هيا مو فاكره بس اشياء سهله وخفيفة )) .. الـ 10 التانيه كانت بيد أستاذه سمر .. طلبت مقطع للاسعافات الاولية وعرض بور بوينت عن شرح المقطع .. طبعا المادة درسونا فيها 3 استاذات .. د. هدى , أ. سمر , د. نداء جمبي .. وما انصحكم فيها انا ما اخذت معاها غير فصل واحد (( محاضرتين بس )) وكانت عسسل ما شوفت منها شي .. بس صحباتي الي اخذو معاها نجحو على الـ 60 طلباتها غير عن د. هدى ..
5- إدارة موارد أسرية (1) .. مادة أساسية في التخصص .. مع أستاذهـ سلوى الغامدي .. احوبها دي الاستاذهـ مرآآ وما يمر سميستر الي آحوب أخذ معاها .. عسل .. ولزوزة مرآ .. تمزح وتضحك مع البنات .. نظامها اختبار واحد دوري من 25 أو 15 .. 10 على الحضور والغياب يعني بسهولة تاخذيها .. 40 نهائي .. 25 على التطبيق الميداني الي تعملو للمادة .. 10 أو 15 تكاليف بسيطة وسهلة مرآآ .. آختبارها يكون مقالي بس مرآآ حلو (( كانت تأشرلنا زي الصغار مرآ تبسط المنهج )) .. انصحكم بيها وبقوووووة .. الي ما يعرفها في البداية شويا يجي قلق مجرد ما يعرفها يحوبها مرآآ ..
السميستر التاني ليا في القسم الي هو دآ (( يعني المستوى الرابع في الخطة )) أخذت 6 موآآد .. الي هيا :
1- إدارة مشروعات خاصة .. مادة أساسية في التخصص .. مع أستاذه سلوى .. وكانت بنفس نظامها في كل شي .. والي حاب يعرف عن المادة اكتر يسألني فيها ..
2- ثقافة إسلامية المستوى الثالث .. نفس الشي .. بس مرآآ حلو وسهل المستوى دآ ..
3- علاقات عامة .. مادة آختيارية في القسم .. مع د. سماح حمدآن .. طيوبة مرآ وحبوبة .. مبتسمة طول الوقت ماشاء الله عليها .. شرحها حلوووو وافي تلخص الكلام في نقاط معينة يعني اكتبي الي تكتبو على البورد واضمني درجة الاختبار .. طبعا كتير بنات ما حبوها ليش ما ادري مرآآآ حبيتها انا وعجبتني .. اختباراتها سهله وحلوه واضحه للي يذاكر .. اختبارها مقالي .. تقسم الدرجات على 20 دوري اول وتاني .. 40 نهائي .. 5 عرض بور بوينت مع الشرح .. 20 تطبيق مشروع عملي ونظري .. 15 تكاليف بحث .. وتلخيص كتاب وحل الاسئلة الي تعطيكم هيا وزيارة ميدانية ..
4- سكن وتأثيثه .. مادة أساسية في القسم .. مادة عملية يوم واحد في الاسبوع من 10 الى 4 .. مادة مرآ حلوه تتعلمي المقاسات والخطوط والالوان والتظليل .. تخرجي من المادة وانتي عارفه كيف ترسمي بلان .. وكيف تأثيثي الغرف .. وكيف ترفعي مقاسات الغرف .. (( ترسمي غرفة نوم كاملة .. غرفة معيشة .. حمام .. مطبخ )) بس احيانا ما كان عندنا الوقت نأخذ المطبخ والحمام .. لانو بداية الترم درستنا أ . هالة عشميل .. وبعدين جات أ. الاء الجفري والـ م. شيماء نصير .. طبعا الساعتين الاول تكون نظري من 10 الى 12 .. وبعدين بريك ساعه وبعدين من 1 الى 4 عملي للكلام النظري .. أ . هالة كانت محاضرتين بس البنات كانو يمدحوها الي اخذو معاها السميستر الي قبل .. أ. الاء و أ. شيماء .. طيووووبات بس دقيقات بشكل مرآآآ مو طبيعي لانو تخصصهم اساسا تصميم فمرأأ كانو يدققو معانا في كل شي .. بس بصراااحه اتعلمنا صح :$ .. مرآآ لا تشيلو هم الدوام وربي يعدي وانتو مو حاسين بشي حتى الساعتين الاول حق النظري احيانا تصير عملي على طول .. وطول الترم وانا اخرج 2ونص واذا مرآ طولت 3 وربع .. اختبرنا واحد دوري من 20 .. باقي الدرجات مدري كيف حيكون تقسيمها بس الي نعرفو انو 45% من باقي الدرجات حتكون للمشروع النهائي للمادة لانو خلاص مافيها اختبار نهائي .. وباقي الدرجات حتكون للرسمات الي طول الترم ترسميها ..
5- إدارة موآرد أسرية (2) .. مادة أساسية في التخصص وهيا متتطلب لمادة إدارة موارد أسرية (1) .. مع د. زينب حقي .. عسل عسل عسل .. ياحياتي عليها وربي طيوووبة مرآآ هيا والشرح في جهة والبنات في جهة تانية .. اسئلتها مقالي .. بس تعطيكم اسئلة وهيا الي تتذاكر بس .. مرآآ اختباراتها سهله وااااضحة .. 30 دوري اول وتاني .. 40 نهائي .. 30 تكاليف .. بحث .. مطوية .. تعمليلها ميزانية .. جداول لإدارة الوقت .. انشطة خفيفة (( عبارة عن اسئلة وتجاوبيها عن تجربتك للشي )) .. عيب الاستاذه انها طلبت مننا كل دي الاشياء لما قرب الترم ينتهي فانضغطنا شويا بس اهو قدرنا نسويها والحمد الله وتستلم كل الاشياء دي في اخر الترم في فايل ... يلا دعواتكم ليا اختباري في دي المادة يوم الاحد الجاي 15/7 ..
6- أدوات وأجهزي منزلية .. مادة أساسية في التخصص .. مع د. نجلاء السيد .. اهئ اهئ المادة غلسة شويا بس حلوه اتعلمنا منها اشياء كتيرة في الاجهزة .. اختبارتها مقالي ودا الشي مرا متعب في المادة لانو كلامها كتير والتعداد الي فيها كتير والشرح اكتر واكتر والدكتورة ما كانت تحذف الا اشياء بسيطة .. تقسيمها للدرجات 30 دوري اول وتاني .. 30 تكاليف (( 3 عروض بور بوينت .. بحث .. زيارة ميدانية .. نت وترجمة موضوع بالانجلش وتترجمي بالعربي ويكون الموضوع لأي جهاز .. )) شويا متعبة الاشياء بس من البداية اشتغلو عليها .. لانها تستلم كل دي الاشياء نهاية الترم في فااايل .. احلى شي في دي المادة والدكتورة انو الي دخل في الدوري الاول والتاني ما يدخل في النهائي ودحين في الاختبار النهائي راح نختبر في 5 اجهزة مع موضوعين خارجية وبس .. ويلا دعواتكم اختباري فيها يوم السبت 14 /7 يارب يعدي هاليوم بسلام ..
*طيب انتي ماشيه ع الخطه ولا ؟ لانه سمعت انه مره ضغط اذا ع الخطه !!
لا مو ماااشية :).. لاني اول ترم فتح الحذف والاضافة واختكم في الكباين تتشمس واتقفلت شعب بعض المواد الموجودة في الخطة .. بس انا نوعا ما ماشية عليها يعني الفرق في مواد بسيطة واني ما اخذت اول سميستر غير خمسة والمفروض اخذ سته .. بس بصراحة مرااا ضغط ستة لانو الاختبارات مقالية وطلبات الدكتورات في البحوث والتكاليف كثيرة .. والي يبغى سته يأخذ 1 عامة و5 تخصص زي ما سويت انا بس برضو حسيت بضغط وتعب .. لاني آخر اسبوع في الترم سلمت 3 ملفات في كل ملف تقريبا 7 أو 8 اشياء (( عروووض & تكاليف & انشطة & بحث )) بس الي حابة تتخرج في اربعة سنين تمشي على الخطة .. والي مو حابة تنضغط تزود كمان ترم ..
عشان كذا ابغى اعرف المواد وصعوبتها عشان تتقسم بشكل حلو ومايكون ضغط علي ..(اذا ربي كتب لي هالقسم) ومره ثانيه شكرا على تعاونك ..
العفو يا قلبو وعاتي ولا يهمك خوذي راحتك .. وهي دي المواد الي للان اخذتها .. وكل الي قولتو عن المواد والدكتورات دآ رأي الشخصي انا .. لانو لو تسالو غيري يمكن تلقووو كلام تاني زي الي صار معايا .. بس يا بنات جربو ولا تعتمدو على كلام احد وبالنهاية هيا مادة وتعدي بسلبياتها او اجابياتها ..
وعلى فكرهـ لو حابة أني اقلك ايش المواد الي تأخذيها في اول سميستر انا تحت امركـ ..
طبعا انا ناوية اخذ صيفي عشان اكون ماشية مع الخطة وعشان لأني متأخره بمادة وعشان ابغى اخذ السميستر الجاي خمسة ان شاء الله عشان ما انضغط زي دا السميستر .. بس للان ما قررت لانو حر وتعب ..
ان شاء الله يا عسسسل اكون أفدتك واي استفسار اسالي وخوذي راحتك .. انا تحت امركم ..
|